Nɔ Acéjí Bo Ma Nɔ Fúnfún Adingbanxó lɛ Kpé Ó

Égbé ɔ, é bɔwǔ bɔ è sixu zán wema lɛ, hladio, televiziɔn kpo Ɛntɛnɛti kpo dó fúnfún xó e jɛ ɖò tò lɛ é kpé bɔ gbɛtɔ́ livi mɔ̌kpan na sè blewun. Mɛ ɖěɖee ɖò “Mawu nǔgbo tɔn” sɛn wɛ lɛ é nɔ ba na fúnfún adingbanxó lɛ kpé ǎ, é na bo tlɛ nyí ɖò manywɛ mɛ ɔ nɛ. (Ðɛ 31:5, nwt; Tí 23:1) Adingbanxó e è sɛ́dó mɛ ɖevo lɛ é sixu hɛn nǔ gblé dó mɛ wu tawun. Enyi a ɖò tintɛnkpɔn wɛ ba tuùn nú xó ɖé nyí nǔgbo alǒ gbɔ ɔ, kanbyɔ hwiɖée ɖɔ:

• ‘È ka sixu ɖeji dó fí e xó ɔ gosin é wu à?’ Mɛ e ɖò xó ɔ ɖɔ wɛ é sixu nɔ ma ɖó kúnnuɖenú lɛ bǐ. Enyi gbɛtɔ́ lɛ kpi tan nú mɛ ɖevo lɛ ɔ, mɛ enɛ lɛ sixu huzu ye, ɖɔ gbɔn alɔkpa ɖevo, dó sin ye jí, alǒ ɖekpo. Enɛ wu ɔ, enyi a ma tuùn fí e xó ɔ gosin é ǎ hǔn, bo cɔ́ hwiɖée. Ðó è nɔ ɖeji dó xó e mɛ ɖěɖee ɖó wǔjɔmɛzɔ́ ɖò agun mɛ lɛ é nɔ ɖɔ lɛ é wu wutu ɔ, ye ɖó na cɔ́ yeɖée tawun bo ma wá fúnfún xó e ma ɖó kúnnuɖenú ǎ lɛ é ó

• ‘Xó ɔ hɛn mɛ gblé wɛ à?’ Enyi xó ɔ na hɛn nyikɔ ɖagbe mɛɖé alǒ gbɛ̌ta ɖé tɔn gblé ɔ, é na nyɔ́ ɖɔ mǐ ni ma ɖɔ ó.—Nǔx 18:8; Fili 4:8

• ‘Tan ɔ ka sɔgbe à?’ Cɔ́ hwiɖée dó tan jiwǔ alǒ nǔ e jɛ bɔ è ɖɔ enyíì lɛ é sise wu

KPƆ́N VIDEO NƐ̌ UN KA SIXU ÐÓ MƐNÚÐIÐƆ TE GBƆN? Ɔ, ENƐ GUDO HǓN, NǍ XÓSIN NÚ NǓKANBYƆ E BƆ D’EWU LƐ É:

• 

  Sɔgbe xá Nǔnywɛxó 12:18 ɔ, nɛ̌ xó ka sixu hɛn nǔ gblé dó mɛ wu gbɔn?

• 

  Nɛ̌ Filipunu lɛ 2:4 ka sixu d’alɔ mǐ bɔ mǐ na ɖó linlin e ɖò jlɛ̌ jí é dó nǔ e mǐ nɔ ɖɔ dó mɛ ɖevo lɛ wu é gbɔn?

• 

  Enyi xó e ɖɔ dó mɛ ɖevo lɛ wu wɛ è ɖè é wá huzu mɛkiko alǒ mɛhɛngblé sín xó ɔ, etɛ mǐ ka ɖó na wà?

• 

  Cobonu mǐ na jɛ xó ɖɔ dó mɛ ɖevo lɛ wu jí ɔ, nǔ tɛ lɛ mǐ ka ɖó na kanbyɔ mǐɖée?