A ka Sixu Na Hwenu Towe kpo Hlɔnhlɔn Towe kpo À?

Lee Ezayíi ko ɖɔ ɖ’ayǐ gbɔn é ɔ, tutoblonunu Jehovah tɔn sín akpáxwé e ɖò ayikúngban jí é ɖò susu d’eji wɛ lee é ma ko nyí gbɔn kpɔ́n gbeɖé ǎ é. (Eza 54:2) Nukɔnyiyi enɛ zɔ́n b’ɛ byɔ ɖɔ è ni gbá Kpléxɔ Axɔ́suɖuto ɔ tɔn lɛ, Kpléɖókpɔ́ Xɔ lɛ, kpo alaxɔ lɛ kpo yɔyɔ̌ ɖevo lɛ. Enyi è gbá xɔ mɔ̌hun lɛ gudo ɔ, é nɔ byɔ ɖɔ è ni kpé nukún dó ye wu, bɔ ɖé lɛ ɖè bɔ é nɔ wá byɔ ɖɔ è ni vɔ́ ye jlaɖó. Ali tɛ lɛ enɛ ka nɔ hun nú mǐ bɔ mǐ na na hwenu mǐtɔn kpo hlɔnhlɔn mǐtɔn kpo Jehovah?

• Enyi Kpléxɔ Axɔ́suɖuto ɔ tɔn jijlaɖó jɛ gbɛ̌ta kúnnuɖegbé tɔn mǐtɔn jí ɔ, mǐ sixu ɖ’alɔ ɖ’emɛ

• Mǐ sixu zé mǐɖée jó bonu è na kplɔ́n lee mǐ na nɔ kpé nukún dó Kpléxɔ Axɔ́suɖuto ɔ tɔn mǐtɔn wu gbɔn é mǐ

• Mǐ sixu d’alɔ Demande d’admission comme volontaire local développement-construction (DC-50) ɖokpo mɛ bá nɔ d’alɔ ɖò xɔgbigbázɔ́ e sɛkpɔ́ mǐ lɛ é kpo nukúnkpíkpé dó ye wu kpo sín hweɖenu jɛ hweɖenu

• Mǐ sixu d’alɔ Demande d’admission comme volontaire (A-19) ɖokpo mɛ bá zé mǐɖée jó nú aklunɔzán gblamɛ ɖokpo alǒ hugǎn mɔ̌ ɖò fí e alaxɔ mǐtɔn kp’acɛ gbɔn é alǒ ɖò alaxɔ ɖevo mɛ

KPƆ́N VIDEO TUTO XƆGBIGBÁ TƆN YƆYƆ̌ ÐÉ: KPƐVÍ Ɔ Ɔ, ENƐ GUDO HǓN, NǍ XÓSIN NÚ NǓKANBYƆ ELƆ LƐ:

• Nɛ̌ dò mǐ ka nɔ zán video lɛ sɔ sín 2014?

• Bo na dó nɔ sɔnǔ nú video e sín hudo e mǐ ɖó lɛ é ɔ, tuto xɔgbigbá tɔn tɛ bló wɛ è ka ɖè? Hwetɛnu azɔ̌ ɔ ka na bɛ́? Hwetɛnu é ka na fó?

• Nɛ̌ mɛɖéezejotɔ́ lɛ ka sixu ɖ’alɔ ɖò azɔ̌ enɛ mɛ gbɔn?

• Enyi mǐ jló na ɖ’alɔ ɖò xɔgbigbázɔ́ Ramapo tɔn mɛ ɔ, etɛwu mǐ ka ɖó na d’alɔ wema e mɛ è nɔ d’alɔ é (DC-50) ɖé mɛ, bo na w’azɔ̌ xá LDC e ɖò xá mǐtɔn mɛ é?

• Kúnnuɖenú tɛ lɛ ka xlɛ́ ɖɔ Jehovah ɖò gudo nú azɔ̌ enɛ?

• Enyi hwiɖesunɔ ma sixu ɖ’alɔ ɖò xɔgbigbázɔ́ elɔ mɛ ǎ ɔ, nɛ̌ a ka sixu nɔ gudo nú azɔ̌ ɔ gbɔn?