Cyan Xɔ́ntɔn Towe lɛ kpo Nǔnywɛ Kpo

Akpágbánúmɛ ɖé wɛ nǔ e jɛ dó Izlayɛli-ví lɛ jí ɖò ayikúngban wɛnjɛ Mɔwabu tɔn jí é nyí nú Klisanwun lɛ. (1Kɔ 10:6, 8, 11) Nyɔnu Mɔwabu tɔn lɛ dɔn Izlayɛli-ví lɛ bɔ ye lɛ̀ aga, bo lɛ́ sɛn vodun yetɔn lɛ. Nǔ enɛ dɔn nǔ nyanya gegě wá. (Kɛ́ 25:9) Azɔ̌gbɛ́, wemaxɔmɛvígbɛ́, mɛ e kpo mǐ kpo ɖò xwé ɖokpo ɔ gbé lɛ é, hɛ̌nnumɔ, kpo mɛtuùnmɛ kpo e ma nɔ sɛn Jehovah ǎ lɛ é wɛ lɛlɛ̌ dó mǐ. Etɛ tan Biblu tɔn elɔ ka sixu kplɔ́n mǐ dó awovínú e ɖò gbɛ̌didó xá mɛ mɔ̌hun lɛ mɛ é wu?

KPƆ́N VIDEO KPƆ́NDÉWÚ E NA KPLƆ́N NǓ MǏ LƐ É: KPƐVÍ Ɔ Ɔ, ENƐ GUDO HǓN, NǍ XÓSIN NÚ NǓKANBYƆ ELƆ LƐ:

• 

  Xó nyanya tɛ lɛ Zimuli kpo gbɛ̌ tɔn lɛ kpo ka ɖɔ nú Yamini?

• 

  Nɛ̌ Pinxasi ka d’alɔ Yamini b’ɛ mɔ nukúnnú jɛ xó ɔ mɛ ganji gbɔn?

• Vogbingbɔn tɛ ka ɖò è ni nyɔ́ xomɛ dó mɛ e ma nyí nǔɖitɔ́ ǎ é ɖé wu kpo è ni zun xɔ́ntɔn xá ɛ kpo tɛntin?

• Enyi mǐ ɖò xɔ́ntɔn vívɛ́ mǐtɔn lɛ cyan wɛ, é na bo tlɛ nyí ɖò agun ɔ mɛ ɔ, etɛwu mǐ ka ɖó na nɔ acéjí?

• Etɛwu mǐ ka ɖó na nyi alɔ nú gbɛ̌ta xó ɖiɖɔ xá mɛ gbɔn Ɛntɛnɛti jí tɔn lɛ e mǐ ma tuùn mɛ e ɖò ye mɛ lɛ cɔkɔcɔkɔ lě ǎ lɛ é?