A ka nɔ ɖ’ayi lěe Jehovah nɔ ná xósin nú ɖɛ towe lɛ́ gbɔn é wú a?

Ðɛ e Jehovah ná xósin ná lɛ́ é gěgé ɖo Biblu mɛ. Ényí mɛsɛntɔ́ Jehovah tɔn lɛ́ mɔ bɔ é se ɖɛ e yě xo dó tagba yětɔn lɛ́ takúnmɛ lɛ́ é ɔ, é ɖo wɛn ɖɔ nǔɖiɖi yětɔn nɔ lɛ́ lí dǒ. Énɛ́ wú ɔ, é nyɔ́ ɖɔ mǐ ní nɔ nɔ tlɔlɔ ɖo ɖɛ mǐtɔn lɛ́ mɛ, bɔ énɛ́ gúdo ɔ, mǐ ná tɛ́n kpɔ́n bó ná nɔ ɖ’ayǐ xósin e Jehovah ná nú yě lɛ́ é wú. Hɛn d’ayi mɛ ɖɔ xósin e é ná ná é sixú gbɔn vo nú nǔ e mǐ byɔ́ é, alǒ é sixú wa nǔ nú mǐ hú nǔ e mǐ byɔ́ é. (2Kɔ 12:7-9; Efɛ́ 3:20) Étɛ́ lɛ́ mɔ̌ Jehovah ka nɔ wa dó ná xósin nú nǔ e mǐ byɔ́ ɛ lɛ́ é?

• É nɔ ná mǐ hlɔ̌nhlɔ́n ɖo agbaza lixo, fífá ayi mɛ tɔn, alǒ nǔɖiɖi bónú mǐ ná dó ɖí xwi xá tagba ɖé.—Filí 4:13

• É nɔ ná mǐ nǔnywɛ́ bónú mǐ ná dó wá gbeta ɖagbe kɔn.—Ja 1:5

• É nɔ bló bɔ mǐ nɔ ɖó jlǒ kpó hlɔ̌nhlɔ́n kpó bá dó wa nǔ.—Filí 2:13, nwt

• É nɔ xo hwihwɛ́ mǐ hwenu e mǐ ɖo linkpɔ́n mɛ é.—Filí 4:6, 7

• É nɔ bló bɔ mɛ ɖěvo lɛ́ nɔ d’alɔ mǐ ɖo agbaza lixo kpó lěe nǔ nɔ cí nú mɛ é kpó linu.—1Jn 3:17, 18

• É nɔ d’alɔ mɛ ɖěɖěe takúnmɛ mǐ nɔ xo ɖɛ dó lɛ́ é. —Mɛ 12:5, 11

KPƆ́N VIDEO JEHOVAH WƐ “NƆ SE ÐƐ” Ɔ, ÉNƐ́ GÚDO HǓN, NǍ XÓSIN NÚ NǓKANBYƆ́ ÉLƆ́ LƐ́:

• Ényí lanmɛ ma ɖo ganjí ɖó dogbó nú mǐ ɔ, nɛ̌ kpɔ́ndéwú nɔví súnnu Shimizu tɔn ka sixú dó wǔsyɛ́n lanmɛ nú mǐ gbɔn?

• Nɛ̌ mǐ ka sixú nɔ wa nǔ nɔví súnnu Shimizu ɖɔhun gbɔn?