KLISÁNWUN GBƐ ZÍNZÁN
Nya xɛ ɖo hwiɖée jí sín gǔfɔ́ndómawujítɔ́ lɛ́ sí
Hwɛhwɛ ɔ, Satáan kpó mɛ e ɖo acɛ tɔn mɛ lɛ́ é kpó nɔ cáká adingban kpó nǔgbó kpó bá dó vɔ́ da nú nǔɖiɖi mǐtɔn. (2Kɔ 11:3) Ði kpɔ́ndéwú ɔ, Asilíinu lɛ́ cáká adingban kpó nǔgbó kpó bá dó dó kpo awa mɛ nú togun Mawu tɔn. (2Ta 32:10-15) Wlɛnwín énɛ́ ɖokpó ɔ wɛ gǔfɔ́ndómawujítɔ́ lɛ́ lɔ nɔ zán égbé. Nɛ̌ mǐ ka ɖó ná nɔ wa nǔ gbɔn ɖo nǔkplɔ́nmɛ gǔfɔ́ndómawujítɔ́ lɛ́ tɔn nukɔn? Aɖǐvɛ́ wɛ nú yě, énɛ́ wú ɔ, wa nǔ xá yě gbɔn mɔ̌. Ma nɔ xa nǔ e yě nɔ wlán lɛ́ é, ná xósin yě, alǒ vɔ́ nǔ e yě ɖɔ lɛ́ é ɖɔ gbeɖé ó. Nɔ yá wǔ ɖ’ayi xó ɖěɖěe è sɔ́ nǔ ná bá dó bló bɔ è ná xo nǔ kpɔ́n dó Jexóva kpó tutoblónúnǔ tɔn kpó wú lɛ́ é wú, bo nɔ nyi alɔ nú yě!—Ju 3, 4.
KPƆ́N VIDEO “FUN AHWAN NÚ NǓÐIÐI”!: KPƐVÍ Ɔ, ÉNƐ́ GÚDO HǓN, NǍ XÓSIN NÚ NǓKANBYƆ́ ÉLƆ́ LƐ́:
Nú mǐ nɔ zán tɛn Ɛntɛnɛ́ti tɔn e jí è nɔ zun xɔ́ntɔn ɖe lɛ́ é ɔ, étɛ́wú é ka byɔ́ ɖɔ mǐ ní nɔ nɔ acéjí?
Nɛ̌ mǐ ka sixú xwedó wěɖexámɛ e ɖo Hlɔ̌manu lɛ́ 16:17 mɛ é gbɔn?