24 FÉVRIER–2 MARS
NǓNYWƐ́XÓ 2
Han 35 kpó ɖɛ kpó | Kplé ɔ sín nu sísɔ́ ɖó te (Cɛ́jú 1)
1. Étɛ́wú akpakpa ka ɖó ná nɔ sɔ́ we dó nǔkplɔ́nkplɔ́n mɛɖésúnɔ tɔn towe wú?
(Cɛ́jú 10)
Bónú a ná nɔ ɖe xlɛ́ ɖɔ nǔgbó ɔ nɔ su nukún towe mɛ (Nǔx 2:3, 4; w22.08 18 akpá. 16)
Bónú a ná nɔ wá gbeta ɖagbe lɛ́ kɔn (Nǔx 2:5-7; w22.10 19 akpá. 3-4)
Bónú a ná nɔ ná hlɔ̌nhlɔ́n nǔɖiɖi towe (Nǔx 2:11, 12; w16.09 23 akpá. 2-3)
KANBYƆ́ HWIÐÉE ÐƆ: ‘Nɛ̌ un ka sixú bló bɔ nǔkplɔ́nkplɔ́n mɛɖésúnɔ tɔn ce sín tuto ná kpɔ́n te d’é jí gbɔn?’
2. Nǔ xɔ akwɛ́ Biblu tɔn lɛ́ biba
(Cɛ́jú 10)
Nǔx 2:4-6: Wlɛnwín nǔkplɔ́nkplɔ́n tɔn tɛ́ a ka mɔ ɖɔ é nɔ w’azɔ̌ hú gǎn? (w22.08 18-19 akpá. 16)
Nǔ xɔ akwɛ́ tɛ́ lɛ́ a ka mɔ ɖo Biblu xixa aklúnɔzángbla élɔ́ tɔn mɛ?
3. Biblu xixa
(Cɛ́jú 4) Nǔx 2:1-22 (th nǔkpɔ́nnúmɛ 12)
4. Xóɖɔɖókpɔ́ ɖé bíbɛ́
(Cɛ́jú 4) SÍN XWÉ ÐÉ GBE JƐ XWÉ ÐÉ GBE. Xlɛ́ mɛ ɔ lěe é sixú mɔ nǔ e ɖo jw.org jí, bo ná d’alɔ asú kpó asi kpó lɛ́ é gbɔn é. (lmd nǔkplɔ́nkplɔ́n 1 kɛ́n 3)
5. D’afɔ nú jlǒ e mɛ ɔ ɖó é
(Cɛ́jú 3) MAWUXÓÐIÐƆ HWENU E È ÐO NǓ ÐĚVO LƐ́ WA WƐ É. Xwlé xójláwéma ɖokpó mɛ ɔ bónú é ní ɖɔ xó dó nǔ e dɔn ɛ ɖo xóɖɔɖókpɔ́ e wá yi é ɖé hwenu é jí. (lmd nǔkplɔ́nkplɔ́n 9 kɛ́n 3)
6. Xóɖiɖɔ
(Cɛ́jú 5) lmd mɔjɛmɛ ɖěvo lɛ́ A kɛ́n 8. Xóta: Asú kpó asi kpó lɛ́ ɖó ná nɔ gbejí nú yěɖée. (th nǔkpɔ́nnúmɛ 13)
Han 96
7. A ka nɔ nya dɔkun e ɖo hwlǎhwlá lɛ́ é gbé a?
(Cɛ́jú 15) Xóɖɔɖókpɔ́.
Mɛ wínnyáwínnyá lɛ́ mi, mi ka yí wǎn nú dɔkun e ɖo hwlǎhwlá lɛ́ é gbé nyinya a? Nú mɔ̌ wɛ ɔ, Biblu ɖo wǔsyɛ́n dó lanmɛ nú mi wɛ ɖɔ mi ní nya dɔkun e xɔ akwɛ́ hú gǎn ɖo gbɛ mɛ é gbé, énɛ́ wɛ nyí Mawu tuuntuun! (Nǔx 2:4, 5) Mi sixú nya dɔkun énɛ́ gbé gbɔn hwenu ɖiɖe ɖó vo nú Biblu xixa ɖo gbesisɔmɛ, kpó do biba nú nǔ dó tan e mi nɔ xa lɛ́ é jí kpó gblamɛ. Mi sixú ɖu mɔ̌ wiwa sín vǐví, bɔ énɛ́ ná lɛ́ d’alɔ mi tawun!
Étɛ́ lɛ́ a ka sixú nɔ kanbyɔ́ hwiɖée hwenu e a ɖo Biblu xa wɛ é? (w24.02 32 akpá. 2-3)
Azɔ̌wanú tɛ́ lɛ́ a ka sixú zán dó mɔ xósin lɛ́?
Video ɖěbɔdóɖěwú Xɔ́ntɔn Jexóva tɔn lɛ́ ní kplɔ́n nǔ we lɛ́ sixú d’alɔ mi bɔ mi ná kplɔ́n lěe mi ná nɔ lin tamɛ dó nǔ e mi xa ɖo Biblu mɛ lɛ́ é jí gbɔn é.
Xo VIDEO Xɔ́ntɔn Jexóva tɔn lɛ́ ní kplɔ́n nǔ we: Abɛ́li ɔ.
Xa Bǐbɛ́mɛ 4:2-4 kpó Eblée lɛ́ 11:4 kpó. Énɛ́ gúdo hǔn, kan nǔ élɔ́ lɛ́ byɔ́ kpléwátɔ́ lɛ́:
Nɛ̌ Abɛ́li ka xlɛ́ ɖɔ émí nyí xɔ́ntɔn Jexóva tɔn gbɔn?
Nɛ̌ Abɛ́li ka ná hlɔ̌nhlɔ́n nǔ e é ɖi nú Jexóva é gbɔn?
Nɛ̌ a ka sixú ná hlɔ̌nhlɔ́n nǔɖiɖi towe gbɔn?
8. Biblu kplɔ́nkplɔ́n agun tɔn
(Cɛ́jú 30) bt wět. 23 akpá. 1-8 kpó xónusɔ́ɖóte mǐmámɛ 8gɔ́ ɔ tɔn kpó