17-23 MARS
NǓNYWƐ́XÓ 5
Han 122 kpó ɖɛ kpó | Kplé ɔ sín nu sísɔ́ ɖó te (Cɛ́jú 1)
1. Nɔ zɔ nú agalilɛ
(Cɛ́jú 10)
Agalilɛ sín zɛn sixú syɛ́n tawun (Nǔx 5:3; w00 15/7 29 akpá. 1)
Agalilɛ nɔ zɔ́n bɔ è nɔ wá mɔ akpɔ (Nǔx 5:4, 5; w00 15/7 29 akpá. 2)
Nɔ zɔ nú agalilɛ (Nǔx 5:8; w00 15/7 29 akpá. 5)
Nɔví nyɔ̌nu ɖé gbɛ́ ɖɔ émí kún ná ná alǒkankɛ́n émítɔn nyaví ɖé ó
2. Nǔ xɔ akwɛ́ Biblu tɔn lɛ́ biba
(Cɛ́jú 10)
Nǔx 5:18, 19: Linlin tɛ́ Jexóva ka nɔ ɖó dó xóɖóxámɛ wú? (lff nǔkplɔ́nkplɔ́n 41 xótala 1)
Nǔ xɔ akwɛ́ tɛ́ lɛ́ a ka mɔ ɖo Biblu xixa aklúnɔzángbla élɔ́ tɔn mɛ?
3. Biblu xixa
(Cɛ́jú 4) Nǔx 5:1-23 (th nǔkpɔ́nnúmɛ 5)
4. Xóɖɔɖókpɔ́ ɖé bíbɛ́
(Cɛ́jú 3) KÚNNUÐIÐE AGBAWUNGBA TƆN. Ylɔ̌ mɛ e ma nyí klisánwun ǎ é ɖé wá kú Klísu tɔn flínflín sín nǔwiwa ɔ domɛ, bo zán jw.org dó ba fí e sɛkpɔ́ ɛ hú gǎn bɔ è ná bló nǔwiwa ɔ ɖe é n’i. (lmd nǔkplɔ́nkplɔ́n 6 kɛ́n 4)
5. D’afɔ nú jlǒ e mɛ ɔ ɖó é
(Cɛ́jú 4) SÍN XWÉ ÐÉ GBE JƐ XWÉ ÐÉ GBE. Ðo mɛbakpɔ́n e wá yi é hwenu ɔ, mɛ ɔ yí mɛylɔ́wéma kú Klísu tɔn flínflín tɔn ɔ, bo ɖe xlɛ́ ɖɔ émí ɖó jlǒ. (lmd nǔkplɔ́nkplɔ́n 9 kɛ́n 5)
6. D’alɔ mɛ lɛ́ bónú yě ní húzú ahwanvú
(Cɛ́jú 5) lff nǔkplɔ́nkplɔ́n 16 étɛ́ lɛ́ a ka kplɔ́n?, vɔ̌gbɔnjí, kpó nǔ e gbe a sixú nya é kpó. Ényí Biblu kplɔ́ntɔ́ ɔ kanbyɔ́ we ɖɔ Jezu ka da asi a jí hǔn, xlɛ́ ɛ lěe é sixú mɔ xósin ɔ gbɔn é. (lmd nǔkplɔ́nkplɔ́n 11 kɛ́n 4)
Han 121
7. Lin tamɛ dó nǔ é a sixú wa bo ná kpo ɖo mǐmɛ́ jí, hwenu e hwi kpó mɛ e a sixú wá da é kpó ná ɖo xɔ́ntɔn mɛ é jí
(Cɛ́jú 15) Xóɖɔɖókpɔ́.
Ényí súnnu ɖé kpó nyɔ̌nu ɖé kpó nɔ zán hwenu ɖó kpɔ, bo nɔ ɖe jlǒ wǎnyíyí tɔn xlɛ́ yěɖée lɛ́ ɔ, è nɔ ɖɔ yě ɖo xɔ́ntɔn mɛ. É sixú nyí ɖo gbɛ̌ta mɛ alǒ ɖo mi mɛ we lɛ́ kɛ́ɖɛ́ tɛ́ntin, ɖo agbawungba abǐ ɖo nǔglɔ́, tlɔlɔ, gbɔn alǒkan jí alǒ gbɔn nǔ wlánwlán sɛ́dó mɛ gblamɛ. Mǐ nɔ lin ɖɔ xɔ́ntɔn mɛ ninɔ ɔ, ayiɖeɖayǐ wɛ ǎ, loɔ, afɔ tají e nɔ kplá mɛ yi alɔwlíwlí kɔn é ɖé wɛ. Mǐ nyí mɛ wínnyáwínnyá alǒ mɛxó ɔ, étɛ́ lɛ́ ka sixú d’alɔ mǐ bɔ mǐ ná nyi alɔ nú nǔblíblíwiwa hwenu e mǐ ná ɖo xɔ́ntɔn mɛ é?—Nǔx 22:3.
Xo VIDEO Nǔsísɔ́ nú alɔwlíwlí: Akpáxwé 1: Un ko ɖo gbesisɔmɛ bo ná byɔ́ xɔ́ntɔn mɛ wɛ a?: Kpɛví ɔ ɔ. Énɛ́ gúdo hǔn, kan nǔ élɔ́ lɛ́ byɔ́ kpléwátɔ́ lɛ́:
Ényí mɛɖé ma ko ɖo gbesisɔmɛ bá wlí alɔ ǎ ɔ, étɛ́wú é ma ka ɖó ná byɔ́ xɔ́ntɔn mɛ ǎ? (Nǔx 13:12; Lk 14:28-30)
Étɛ́ ka dɔn we ɖo ali e nu mɛjitɔ́ lɛ́ d’alɔ vǐ nyɔ̌nu yětɔn ɖe é mɛ?
Xa Nǔnywɛ́xó 28:26. Énɛ́ gúdo hǔn, kan nǔ élɔ́ lɛ́ byɔ́ kpléwátɔ́ lɛ́:
Étɛ́ súnnu kpó nyɔ̌nu kpó e ɖo xɔ́ntɔn mɛ é ka ná wa, bo ná dó nyi alɔ nú ninɔmɛ e sixú dɔn yě dó nǔblíblíwiwa mɛ lɛ́ é?
Étɛ́wú é ka nyí nǔnywɛ́nú ɖɔ súnnu kpó nyɔ̌nu kpó e ɖo xɔ́ntɔn mɛ lɛ́ é ní ɖɔ xó ɖó kpɔ́ jɛ nukɔn dó dogbó ɖěɖěe wú yě ma ná zɛ ǎ lɛ́ é wú, hwenu e yě ná ɖo wǎnyíyí ɖe xlɛ́ yěɖée lɛ́ wɛ é, ɖi alɔ mɛɖée tɔn hinhɛn kpó si kíkí kpó mɔ̌?
Xa Efɛ́zinu lɛ́ 5:3, 4. Énɛ́ gúdo hǔn, kan nǔ élɔ́ byɔ́ kpléwátɔ́ lɛ́:
Étɛ́ súnnu kpó nyɔ̌nu kpó e ɖo xɔ́ntɔn mɛ lɛ́ é ka ɖó ná hɛn dó ayi mɛ hwenu e yě ná ɖo xó ɖɔ ɖó kpɔ́ wɛ ɖo alǒkan alǒ Ɛntɛnɛ́ti jí é?
8. Biblu kplɔ́nkplɔ́n agun tɔn
(Cɛ́jú 30) bt wět. 24 akpá. 1-6