12-18 MAI
NǓNYWƐ́XÓ 13
Han 34 kpó ɖɛ kpó | Kplé ɔ sín nu sísɔ́ ɖó te (Cɛ́jú 1)
1. Ma nú ‘zogbɛ́n mɛdídá tɔn’ flú we ó
(Cɛ́jú10)
Nukúnɖíɖó ɖě ɖe nú mɛdídá ǎ (Nǔx 13:9; it-2 109 akpá. 4-5)
Ma nɔ dó gbɛ̌ xá mɛ ɖěɖěe nɔ ɖɔ ɖɔ nǔ nyanya nyí nǔ ɖagbe lɛ́ é ó (Nǔx 13:20; lvs wěx. 123-124 akpá. 13-14)
Jexóva nɔ kɔn nyɔ̌ná dó nǔjlɔ́jlɔ́watɔ́ jí (Nǔx 13:25; w04 15/7 31 akpá. 6)
Gbɛzán mɛ ɖěɖěe nɔ nya nǔ e ɖo gbɛ ɔ mɛ lɛ́ é gbé lɛ́ é tɔn nɔ sɔ́ akpakpa mɛ lěe è nɔ lin gbɔn é ǎ. Mɛ ɖěɖěe nɔ wa jlǒ Jexóva tɔn lɛ́ é nɔ ɖó gbɛzán awǎjijɛnɔ nǔjɔnǔ tɔn ɖé
2. Nǔ xɔ akwɛ́ Biblu tɔn lɛ́ biba
(Cɛ́jú 10)
Nǔx 13:24: Étɛ́ wěmafɔ élɔ́ ka kplɔ́n mǐ dó wǎnyíyí kpó mɛ kplɔ́nkplɔ́n kpó wú? (w21.02 5 akpá. 13)
Nǔ xɔ akwɛ́ tɛ́ lɛ́ a ka mɔ ɖo Biblu xixa aklúnɔzángbla élɔ́ tɔn mɛ?
3. Biblu xixa
(Cɛ́jú 4) Nǔx 13:1-17 (th nǔkpɔ́nnúmɛ 10)
4. Xóɖɔɖókpɔ́ ɖé bíbɛ́
(Cɛ́jú 3) SÍN XWÉ ÐÉ GBE JƐ XWÉ ÐÉ GBE. Jɛ xó ɖɔ xá mɛ ɔ dó nǔ e jɛ agaɖanu din é ɖé wú jí, énɛ́ gúdo hǔn, xlɛ́ ɛ nǔ e sixú dɔn ɛ hú gǎn é ɖé ɖo Biblu mɛ. (lmd nǔkplɔ́nkplɔ́n 2 kɛ́n 5)
5. Xóɖɔɖókpɔ́ ɖé bíbɛ́
(Cɛ́jú 4) MAWUXÓÐIÐƆ HWENU E È ÐO NǓ ÐĚVO LƐ́ WA WƐ É. Ylɔ̌ mɛ ɔ wá kplé. (lmd nǔkplɔ́nkplɔ́n 2 kɛ́n 3)
6. Xóɖiɖɔ
(Cɛ́jú 5) lmd mɔjɛmɛ ɖěvo lɛ́ A kɛ́n 9. Xóta: Vǐ ɖěɖěe nɔ ɖó sísí nú mɛjitɔ́ yětɔn lɛ́, bo nɔ lɛ́ se tónú nú yě lɛ́ é sín gbɛ ná ɖó nu. (th nǔkpɔ́nnúmɛ 16)
Han 77
7. “Hwɛjijɔnɔ ɔ, zogbɛ́n e ɖo te bo ɖo wě za wɛ é ɖɔhun wɛ é ɖe”
(Cɛ́jú 8) Xóɖɔɖókpɔ́.
È nɔ mɔ nǔtuuntuun kpó nǔnywɛ́ kpó e nyɔ́ hú gǎn lɛ́ é ɖo Xó Mawu tɔn mɛ. Ényí mǐ nɔ zán nǔ e mǐ kplɔ́n ɖ’é mɛ é ɖo gbɛzán mǐtɔn mɛ ɔ, gbɛ mǐtɔn ná ɖó nu káká sɔ́yi, bɔ mǐ ná lɛ́ ɖó awǎjijɛ. Nǔɖé wɛ bɔ gbɛ ɔ sixú ná mǐ ǎ kpowun.
Xo VIDEO Gbɛ ɔ sixú ná we nǔ e é má ɖó ǎ é ǎ ɔ. Énɛ́ gúdo hǔn, kan nǔ élɔ́ byɔ́ kpléwátɔ́ lɛ́:
Nɛ̌ nǔ e Nɔví nyɔ̌nu Gainanshina mɔ kpɔ́n é ka xlɛ́ ɖɔ ‘hwɛjijɔnɔ sín zogbɛ́n’ nyɔ́ hú ‘mɛdídá sín zogbɛ́n’ flaflá tɔn gbɔn?—Nǔx 13:9
Ma nɔ gú hwenu bo nɔ ɖo dlɔ̌ kú dó nǔ gbɛ élɔ́ tɔn lɛ́ jí wɛ gbeɖé ó, ma nú gbeta ɖěɖěe kɔn a wá bɔ yě zɔ́n bɔ a ɖo Jexóva sɛn wɛ lɛ́ é ní vɛ́ nú we kpɔ́n ó. (1Jn 2:15-17) É nyɔ́ wa ɔ, sɔ́ ayi ɖó lě do ‘nǔ e a kplɔ́n bo tuun é xɔ akwɛ́’ sɔ é jí.—Flp 3:8.
8. Hudó agun tɔn lɛ́
(Cɛ́jú 7)
9. Biblu kplɔ́nkplɔ́n agun tɔn
(Cɛ́jú 30) bt wět. 26 akpá. 9-17