9-15 JUIN
NǓNYWƐ́XÓ 17
Han 157 kpó ɖɛ kpó | Kplé ɔ sín nu sísɔ́ ɖó te (Cɛ́jú 1)
Asú kpó asi kpó Izlayɛ́linu ɖé ɖo nǔɖuɖu kléwún ɖé ɖu wɛ ɖo fífá mɛ
1. Nɔ fífá mɛ ɖo alɔwlíwlí towe mɛ
(Cɛ́jú 10)
É nɔ byɔ́ azɔ̌ bónú fífá ná nɔ ayǐ, amɔ̌, gǎndídó lɛ́ nɔ sɔ mɔ̌ kɔ (Nǔx 17:1; kpɔ́n ɖiɖe e ɖo akpa ɔ jí é)
Ma nɔ sin xomɛ ɖó nǔ kléwún kléwún lɛ́ wú ó (Nǔx 17:9; g 9/14 11 akpá. 2)
Nɔ ɖu ɖo hwiɖée jí (Nǔx 17:14; w08 1/5 10 akpá. 6–11 akpá. 1)
2. Nǔ xɔ akwɛ́ Biblu tɔn lɛ́ biba
(Cɛ́jú 10)
Nǔx 17:24: Ali tɛ́ nu “xlonɔ sín nukún nɔ ɖo ma ná xɔ xi xwlé wɛ” ɖe? (it-1 432 akpá. 9)
Nǔ xɔ akwɛ́ tɛ́ lɛ́ a ka mɔ ɖo Biblu xixa aklúnɔzángbla élɔ́ tɔn mɛ?
3. Biblu xixa
(Cɛ́jú 4) Nǔx 17:1-17 (th nǔkpɔ́nnúmɛ 10)
4. Xóɖɔɖókpɔ́ ɖé bíbɛ́
(Cɛ́jú 3) MAWUXÓÐIÐƆ HWENU E È ÐO NǓ ÐĚVO LƐ́ WA WƐ É. (lmd nǔkplɔ́nkplɔ́n 3 kɛ́n 5)
5. Xóɖɔɖókpɔ́ ɖé bíbɛ́
(Cɛ́jú 4) KÚNNUÐIÐE AGBAWUNGBA TƆN. Xwlé Biblu kplɔ́nkplɔ́n mɛ ɔ. (lmd nǔkplɔ́nkplɔ́n 6 kɛ́n 4)
6. Xóɖiɖɔ
(Cɛ́jú 5) ijwbv xóta 60. Xóta: Étɛ́ ka nyí tínmɛ Nǔnywɛ́xó 17:17 tɔn? (th nǔkpɔ́nnúmɛ 13)
Han 113
7. Tɛ́n kpɔ́n bo ɖó jijɔ xóɖɔɖókpɔ́ ɖagbe tɔn lɛ́
(Cɛ́jú 15) Xóɖɔɖókpɔ́.
Xóɖɔɖókpɔ́ ɖagbe wɛ nɔ zɔ́n bɔ xwédo ɖé nɔ nɔ awǎjijɛ mɛ. Ényí xwédo ɖé sín hǎgbɛ́ lɛ́ nɔ vo bo nɔ ɖɔ xó ɖó kpɔ́ ɔ, yě sixú w’azɔ̌ alɔ ɖo alɔ mɛ, bo nɔ gǔdo nú yěɖée ɖo hwenu vɛ́ wǔ lɛ́ mɛ. (Nǔx 15:22) Étɛ́ a ka sixú wa bo ná bló bɔ mɛ e ɖo xwédo towe mɛ lɛ́ é bǐ ná vo bo ná nɔ ɖɔ linlin yětɔn lɛ́, lobo ná nɔ lɛ́ ɖe lěe nǔ cí nú yě é xlɛ́?
Mi nɔ zán hwenu ɖó kpɔ́. (Sɛ́ 6:6, 7) Ényí mɛ e ɖo xwédo ɖé mɛ lɛ́ é nɔ zán hwenu ɖó kpɔ́, nɔ yi kplé lɛ́ kpó kúnnuɖegbé kpó ɖó kpɔ́, bo nɔ lɛ́ ɖe ayi ɖ’ayǐ ɖó kpɔ́ ɔ, wǎnyíyí kpó jiɖe kpó e ɖo tɛ́ntin yětɔn é nɔ jɛjí. Ali nɔ lɛ́ hun nú yě bɔ yě nɔ vo bo nɔ ɖɔ xó ɖó kpɔ́. Hweɖélɛ́nu ɔ, é sixú byɔ́ ɖɔ a ní sɔ́ nǔjlómɛ hwiɖésúnɔ tɔn lɛ́ dó sá vɔ̌ dó nǔ e mɛ ɖěvo e kpo ɖo xwédo ɔ mɛ lɛ́ é ba é tamɛ, amɔ̌, wǎnyíyí ɖiɖe xlɛ́ xwédo towe sín hǎgbɛ́ lɛ́ sɔ mɔ̌ kɔ! (Flp 2:3, 4) Nɛ̌ mi ka sixú zán hwenu ɖó kpɔ́ ganjí gbɔn?—Efɛ́ 5:15, 16.
Xo VIDEO Xwedó ali e nɔ dɔn fífá wá xwédo mɛ é: Mi bló bónú xóɖɔɖókpɔ́ mitɔn ní kpɔ́n te d’é jí ɔ. Énɛ́ gúdo hǔn, kan nǔ élɔ́ lɛ́ byɔ́ kpléwátɔ́ lɛ́:
Étɛ́ alǒkan alǒ tablɛ́ti zínzán nyi do ka sixú wa dó xóɖɔɖókpɔ́ wú ɖo xwédo mɛ?
Nǔ ɖěvo tɛ́ video ɔ ka kplɔ́n we dó xóɖɔɖókpɔ́ ɖagbe wú?
Nɔ ɖótó mɛ ganjí. (Ja 1:19) Ényí vǐ lɛ́ má ɖo xɛsi ɖi wɛ ɖɔ è ná mɔ nǔ jɛ xó émítɔn mɛ ɖó agɔ, alǒ ɖɔ mɛjitɔ́ émítɔn lɛ́ ná sin xomɛ dó émí ǎ ɔ, yě nɔ vo bo nɔ ɖɔ lěe nǔ cí nú yě é. Énɛ́ wú ɔ, ényí vǐ towe ɖɔ nǔɖé b’ɛ kan we hǔn, wa nǔ e wú a kpé é bǐ bo ma sin xomɛ ó. (Nǔx 17:27) É nyɔ́ wa ɔ, ɖǒtó è kpó wǔvɛ́sexámɛ kpó. Tɛ́n kpɔ́n bo mɔ nǔ jɛ linlin tɔn lɛ́ kpó lěe nǔ nɔ cí n’i é kpó mɛ, mɔ̌ mɛ ɔ, a ná sixú xo hwihwɛ́ ɛ bo lɛ́ d’alɔ ɛ kpó wǎnyíyí kpó.
8. Biblu kplɔ́nkplɔ́n agun tɔn
(Cɛ́jú 30) bt wět. 27 akpá. 19-22, gbǎví e ɖo wěx. 212 jí é