Mǐ Ðó Hudo Gbɛ̀ E Nyɔ́ Hugǎn É ɖé Tɔn!
António Guterres e nyí wěgbojinɔtɔ́ nú Kplékplé Akɔta lɛ Tɔn (ONU) é ɖɔ: “Mǐ ɖò gbɛ̀ e hánnyá tawun é ɖé mɛ.” Nǔ ɖokpo ɔ wɛ hwi lɔ lin à cé?
Nǔ e nɔ hu ado nú mɛ lɛ é wɛ nɔ gɔ́ xójlawema lɛ mɛ:
Azɔn kpo jɛmɛji lɛ kpo
Adla lɛ
Ya kpo xovɛ́ kpo
Jɔhɔn e kwiji é kpo yǒzo e tún wɛ ayikúngban ɔ ɖè é kpo
Wɔ̌nxixogbɛwu, dakaxixo kpo nǔɖuɖonǔmɛ kpo
Ahwan
É ɖò wɛn ɖɔ mǐ ɖó hudo gbɛ̀ e nyɔ́ hugǎn é ɖé tɔn. Gbɛ̀ e mɛ nǔ elɔ lɛ na ɖè é:
Lanmɛ-syɛn-hunsin-ɖagbe
Jiɖiɖe kpo ayijayǐ kpo nú mɛ bǐ
Nǔɖuɖu na túnflá
Ayǐ e jí è ɖè é na mɛ́
È na nɔ wà nǔ kpo hwɛjijɔ kpo nú mɛ bǐ
Fífá na kpé fí bǐ
Amɔ̌, etɛ ɖɔ wɛ mǐ ka ɖè bo ɖɔ gbɛ̀ e nyɔ́ hugǎn é ɖé?
Etɛ ka na jɛ dó gbɛ̀ e mɛ mǐ ɖè dìn é wu?
Etɛ mǐ ka sixu wà bo na nɔ gbɛ̀ e nyɔ́ hugǎn é ɖé mɛ?
Atɔxwɛ elɔ na tinmɛ xósin ɖěɖee dó wusyɛn lanmɛ nú mɛ bɔ Biblu na nú nǔkanbyɔ enɛ lɛ kpo ɖevo e kúnkplá ye lɛ é kpo é.