Nukplɔnkplɔn 8
Gbɛzan Hwɛndo Tɔn E Na Nyɔ́ Mawu Nukúnmɛ É
Etɛwɛ nyí tɛnmɛ asú tɔn ɖò hwɛndo mɛ? (1)
Nɛ asú ɖe ka na wà nu gbɛn xa asì tɔn? (2)
Azɔgban tɛ lɛ wɛ ka nyí tɔ́ ɔ́ tɔn? (3)
Etɛwɛ nyí azɔgban asì tɔn ɖò hwɛndo ɔ mɛ? (4)
Etɛwɛ nyí nubyɔɖomɛsi Mawu tɔn lɛ nú mɛjitɔ lɛ kpó vǐ lɛ kpó? (5)
Etɛwɛ Biblu ɖɔ̀ ɖogbɔn kinklan kpó gbɛd’ayi kpó wu? (6, 7)
1. Biblu ɖɔ́ ɖɔ̀ asú wɛ nyí ta nú hwɛndo tɔn. (1 Kolɛntinu lɛ 11:3) Asú ɔ ɖo na ɖó asì ɖokpo gee. Yé ɖo na nyí mɛ e wli alɔ ganji ɖo sɛnlixo é.—1 Timɔtée 3:2; Titu 3:1.
2. Asú ɔ ɖo na yiwannu asi tɔn ɖi lee e yiwannu e ɖesunɔ gbɛn é. É ɖo na wà nu xa ɛ ɖi lee Jezu wà xá devi tɔn lɛ gbɛn. (Efɛzinu lɛ 5:25, 28, 29) É ka ɖo na xo asi tɔn abǐ yinuwa xa ɛ gbɔn alɔkpa yasanumɛ tɔn ɖebu mɛ ǎ. Ðò alɔ ɖevo mɛ ɔ, e ɖo na wli yɛyi kpó sisi kpó n’i.—Kolɔsinu lɛ 3:19; 1 Piyɛɛ 3:7.
3. Tɔ́ ɔ́ ɖo na w’azɔ syɛnsyɛn bo na kpenukundo hwɛndo tɔn wu. É ɖo na tɛnkpɔn bo na mɔ̀ nuɖuɖu, avɔ̌, kpó xɔ kpó nú así tɔn kpó vǐ lɛ kpó. Tɔ́ ɔ́ ɖo na lɛ́ tɛnkpɔn bo na kpenukundo nuhudo gbigbɔmɛ tɔn yetɔn lɛ wu. (1 Timɔtée 5:8) É ɖo na nyí nukɔntɔ ɖò alɔgɔ nú hwɛndo tɔn mɛ nu nukplɔnkplɔn do Mawu kpó linlin Tɔn lɛ kpó ji.—Deutéronome 6:4-9; Efɛzinu lɛ 6:4.
4. Asì ɔ ɖo na nyí alɔdomɛtɔ ɖagbe nú asú tɔn. (Genèse 2:18) É ɖo na gɔalɔ nú asú tɔn ɖò vǐ lɛ kpinkplɔn kpó azɔkplɔn yé kpó mɛ. (Proverbes 1:8) Jehovah byɔ ɖò asì sí bɔ é ná dó kpenukundo hwɛndo tɔn wu kpó wanyiyi kpó. (Proverbes 31:10, 15, 26, 27; Titu 2:4, 5) É ɖo na ɖó sísí ɖaxo nú asú tɔn.—Efɛzinu lɛ 5:22, 23, 33.
5. Mawu byɔ ɖò vǐ lɛ sí ɖɔ̀ yé ni setonu nú mɛjitɔ yetɔn lɛ. (Efɛzinu lɛ 6:1-3) É ɖo nukun ɖò mɛjitɔ lɛ sí ɖɔ̀ yé ni kplɔ́n bo gbɛnu nú vǐ yetɔn lɛ. Mɛjitɔ lɛ ɖo na nɔ yí hwenu zan kpó vǐ yetɔn lɛ kpó bo na nɔ kplɔ́n Biblu xa yé, bo na kpenukundo nuhudo gbigbɔmɛ kpó numɔɖolanmɛ tɔn yetɔn lɛ kpó wu. (Deutéronome 11:18, 19; Proverbes 22:6, 15) Mɛjitɔ lɛ ɖo na kplɔ́n vǐ yetɔn lɛ ɖo alɔkpa fyɛfyɛ abǐ adanuwiwa tɔn mɛ gbeɖe ǎ.—Kolɔsinu lɛ 3:21.
6. Hwenu e tagba ɖe fɔn ɖò asú kpó asì kpó tɛntin ɔ, yé ɖo na tɛnkpɔn bo na yí kplɔ́n Biblu tɔn ɖò yizan mɛ. Biblu ɖotuhomɛ nú mí bɔ mí na do xlɛ wanyiyi kpó hwɛsɔkɛmɛ kpó. (Kolɔsinu lɛ 3:12-14) Xó Mawu tɔn na mí ganjɛwu ɖɔ̀ kinklan nyí alixo e mí na do ɖɔ tagba kpɛvi kpɛvi lɛ gbo ǎ. Amɔ̌ asì ɔ sixu ɖe ɖiɖe bo jó asú tɔn dó enyí (1) é nyí ta syɛnsyɛn bo gbɛ́ ɖɔ̀ émi kun na kpenukundo hwɛndo émitɔn wu ó (2) é nyí zingidinɔ sɔmɔ bɔ lanmɛ ɖagbe tɔn kpó gbɛ̀ tɔn kpó ɖò wù mɛ, abǐ (3) nukunvandomɛ syɛn sɔmɔ bɔ é gló bo ná do sɛ̀n Jehovah.—1 Kolɛntinu lɛ 7:12, 13.
7. Asú kpó asì kpó lɛ ɖo na nyí nugbonɔ nú yedelɛ. Ayɔɖiɖe nyí hwɛhuhu do Mawu kpó wegɔ mɛtɔn kpó wu. (Eble lɛ 13:4) Zanxamɛ ɖò gbonu alɔwli tɔn ɔ, wɛ nyí gbeɖiɖe Biblu tɔn ɖokpo gee é na zɔ́n bɔ alɔwletɔ lɛ sixu gbɛ́ yeɖee bo lɛ́ wli alɔ xa mɛɖevo. (Matie 19:6-9; Hlɔmanu lɛ 7:2, 3) Jehovah gbɛwannu mɛ e nɔ gbɛ́ asì tɔn ɖò alixo é ma sɔgbe xá sɛ́n Biblu tɔn lɛ mɛ bo nɔ lɛ́ da ɖevo é.—Malaki 2:14-16.
[Tinmɛ E Nɔ Nɔ Ðiɖe Glɔ É, Wexwɛ 17]
Mawu nɔ ɖo nukun ɖò mɛjitɔ lɛ sí ɖɔ ye ni kplɔ́n vǐ yetɔn lɛ bo nɔ gbɛ̀nǔ nú yé
[Tinmɛ E Nɔ Nɔ Ðiɖe Glɔ É, Wexwɛ 17]
Tɔ́ wanyiyi tɔn nɔ kpenukundo hwendo tɔn wu ɖò agbaza lixo kpó gbigbɔ lixo kpó