Nukplɔnkplɔn 10

Nuwiwa E Mawu Gbɛwǎnna Lɛ

Etɛwɛ a ka ɖo na lin do nǔ e Mawu ɖɔ̀ e nyla lɛ e wu? (1)

Walɔ zanxamɛ tɔn tɛ lɛ wɛ ma ka sɔgbe à? (2)

Nukun tɛwɛ Klisanwun na do kpɔn núvúɖiɖo na? (3) akɔxixo? (3) ajojija? (3) adanuwiwa? (4) majikibiblo? (5) ahannumú? (6)

Nɛwɛ mɛɖe ka na jagɔ sin nunyanya lɛ wiwa kɔn gbɛn? (7)

1. Mawusɛntɔ lɛ yiwannu nǔ e nyɔ é. Mɔɖokpo ɔ yé ɖo na tɛnkpɔn bo gbɛwǎnnu nǔ e nyla é. (Psaumes 97:10) Enɛ ɔ wɛ nyí ɖɔ yé na nɔ hɔn nú nunyanya ɖelɛ e Mawu gbɛwǎnnu lɛ é. Etɛwɛ nyí ɖe lɛ ɖò nǔ enɛ lɛ mɛ?

2. Agalilɛ: Zinzan xá nyɔnu abǐ sunnu jɛnukɔn nú alɔwliwli, mɛsibiba kpó afɔdogbě kpó, zinzan kpó kanlin kpó, xó ɖó xá xagbɛ hɛnnumɛ tɔn lɛ lobɔ sunnu ɖó xó xá sunnu. Nǔ enɛ lɛ bǐ wɛ nyí hwɛhuhu ɖaxo ɖe do Mawu wu. (Lévitique 18:6; Hlɔmanu lɛ 1:26, 27; 1 Kolɛntinu lɛ 6:9, 10) Enyí sunnu kpó nyɔnu kpó ɖe ma wli alɔ ǎ bo ka ɖo kpɔ́, yé ɖo na klan abǐ wli alɔ sɔgbe kpó sɛ́n kpó.—Eble lɛ 13:4.

3. Núvúɖiɖo, Akɔxixo, Ajojija: Jehovah Mawu sixu ɖo núvú ǎ. (Titu 1:2) Gbɛtɔ e jlo alɔkɛyi Mawu tɔn ɔ ɖo na hɔn nú núvúɖiɖo. (Proverbes 6:16-19; Kolɔsinu lɛ 3:9, 10) Ðò akɔxixo alɔkpa lɛ bǐ mɛ wɛ ɔ nukunkɛndido ɖe. Enyí mɔ̀ ɔ, Klisanwun lɛ ɖebu ɖo na ɖò alɔ ɖò akɔxixo alɔkpa ɖebu mɛ ǎ, ɖi loteli, sɔ́ wezun kínkán, kpó bingo kpó. (Efɛzinu lɛ 5:3-5) Mɔ ɖokpo ɔ, Klisanwun lɛ ɖo na nɔ j’ajo ǎ. Yé ɖo na tuùn bo na xɔ ajonu ǎ abǐ sɔ mɛɖɛvo nǔ ma byɔgbe ǎ.—Exode 20:15; Efɛzinu lɛ 4:28.

4. Xomɛsin, adanuwiwa: Xomɛsin ma sɔgbe sixu kpla mɛɖe jɛ walɔ adanuwiwa tɔn kɔn. (Genèse 4:5-8) Adanuwatɔ sixu nyí xɔntɔn Mawu tɔn ǎ. (Psaumes 11:5; Proverbes 22:24, 25) Nú masɔgbe wɛ é nyí ɖɔ̀ mɛɖɛ ni sú nunyanya xɔ ɖó nunyanya e mɛɖevo wà n’i é tɛnmɛ.—Proverbes 24:29; Hlɔmanu lɛ 12:17-21.

5. Bóɖomɛ kpó majikibiblo kpó: Mɛɖe lɛ nɔ zan hlɔnhlɔn yɛhwe lɛ tɔn bo nɔ gbɔ̀ azɔ̀n ná. Mɛɖɛvo lɛ nɔ sà bógbè ɖo kɛntɔ yetɔn lɛ bo na nɔ ɖo azɔn yé abǐ bo na nɔ hù yé. Hlɔnhlɔn e ɖo gudo nú nuwiwa enɛ lɛ bǐ ɔ, Sataan wɛ. Enɛwutu ɔ, Klisanwun ɖebu ɖo na ɖò alɔ ɖò nǔ enɛ lɛ ɖebu mɛ ǎ. (Deutéronome 18:9-13) Sisɛpkɔ Jehovah wɛ nyí xixɔ ɖagbe hugan do bógbè sisa mɛɖevo lɛ tɔn sí.—Proverbes 18:10.

6. Ahannumú: Enyí nu nyanya bɔ e na nɔ nù vɛɛn kpɛɖe, bía kpɛɖe abí ahàn syɛnsyɛn ɖevo lɛ ǎ. (Psaumes 104:15; 1 Timɔtée 5:23) Amɔ̌ ahannunu zɛjlɛwu kpó ahannumu kpó nyí nu ma sɔgbe ɖò nukún Mawu tɔn mɛ. (1 Kolɛntinu lɛ 5:11-13; 1 Timɔtée 3:8) Ahannunu zɛjlɛwu sixu hɛn lanmɛ gble bo gbà hwɛndo towe kija. E na lɛ́ zɔ́n bɔ a na yawu j’ayi jɛ tɛnkpɔn ɖevo lɛ mɛ.—Proverbes 23:20, 21, 29-35.

7. Mɛ e nɔ wà nǔ e Mawu ɖɔ e kun nyɔ ó lɛ é ɔ “kún ɖò Axɔsuɖuta Mawu tɔn mɛ na byɔ wɛ ó.” (Galatinu lɛ 5:19-21) Enyí a yiwannu Mawu nugbo bo jlo na mɔ nukún ɖagbe tɔn ɔ, a na yawu hɔn sín nuwiwa enɛ lɛ kɔn. (1 Jaan 5:3) Kplɔ́n bo gbɛwǎnnu nǔ e Mawu ɖɔ e nylan lɛ é. (Hlɔmanu lɛ 12:9) Dógbɛ xá gbɛtɔ e ɖo jijɔ-ɖi-Mawu tɔn lɛ. (Proverbes 13:20) Kpɔninɔ xá Klisanwun e hwɛn lɛ na nyí alɔgɔ ɖaxo ɖe nú we. (Jaki 5:14) Ðò nǔ lɛ bǐ mɛ ɔ, ganjɛ alɔgɔ Mawu tɔn wu gbɔn yɛhwexixa gbla mɛ.—Filipunu lɛ 4:6, 7, 13.

[Caption on page 20]

Mawu gbɛwǎnnu ahannumú, ajojija, akɔxixo, kpó walɔ adanuwiwa tɔn lɛ kpó