HAN 159
Sɔ́ Jexóva su
(Ðɛhan 96:8)
1. Mɛ̌ ka cí hwɛ ɖɔhun, Tɔ́ ce?
A nyí Axɔ́sú ɖo jǐ.
Tɛ́ un ná wa dó s’axɔ́ we,
Nú wǎnyíyízɔ́ t’we lɛ́ bǐ?
Nú un kpɔ́n jǐ ɔ, un nɔ mɔ
Hlɔ̌nhlɔ́n towe, susu t’we.
Jexóva, mɛ̌ nyɛ ka nyí bɔ
A nɔ nyɔ́ xomɛ dó wǔ ce?
(HANYÍYÍ)
Tɔ́ Jexóva, kɛnklɛ́n bo se han ce.
Han élɔ́ nɔ sɔ́ we su.
A ny’Axɔ́sú, hwi wɛ nyí Mawu ce,
Susu jɛxá we ɖésú;
Yǐ nǔ’e a ɖ’acɛ ná é.
2. Jexóva, hwi wɛ ná mì gbɛ.
Nǎ jlá ɖagbewiwa t’we,
Un ná nɔ jlá ali t’we lɛ́.
Nǔ bǐ mɛ ɔ, nǎ nɔ kpa we.
Wǔjɔmɛ wɛ sinsɛn we nyí,
Nɔ zɔ́n un nɔ gó tawun.
Hwɛ nyí hlɔ̌nhlɔ́n, susu nú mì.
Nɔ xlɛ́ ali mì hwebǐnu.
(HANYÍYÍ)
Tɔ́ Jexóva, kɛnklɛ́n bo se han ce.
Han élɔ́ nɔ sɔ́ we su.
A ny’Axɔ́sú, hwi wɛ nyí Mawu ce,
Susu jɛxá we ɖésú;
Yǐ nǔ’e a ɖ’acɛ ná é.
3. Atín lɛ́, tɔdo kpó xu kpó,
Hwe, sun, sunví lɛ́ xlɛ́ ɖɔ
Wǎnyíyí t’we kún nɔ vɔ ó;
Yě nɔ ná ’wǎjijɛ gbɛtɔ́.
Susu, nǔnywɛ́, ɖɛkpɛ, hlɔ̌nhlɔ́n:
Nǔ’e un nɔ mɔ lɛ́ é nɛ́.
Nɛ̌ un ma ná kpa we ǎ gbɔn?
Ðó hwi wɛ bló nǔ énɛ́ lɛ́.
(HANYÍYÍ)
Tɔ́ Jexóva, kɛnklɛ́n bo se han ce.
Han élɔ́ nɔ sɔ́ we su.
A ny’Axɔ́sú, hwi wɛ nyí Mawu ce,
Susu jɛxá we ɖésú;
Yǐ nǔ’e a ɖ’acɛ ná é.
(Lɛ̌ kpɔ́n Ðɛh. 96:1-10; 148:3, 7.)