Nǔ Sinsɛnzɔ́ Towe Ni Bí Alɔ nú We D’eji: Kúnnuɖiɖe Gbɔn Alokan Hɔntogbo Jí Tɔn Gblamɛ

Nǔ E Wu É Ðò Taji É: Kúnnuɖiɖe gbɔn alokan hɔntogbo jí tɔn gblamɛ sixu dó xɛsi mɛ. Nɛ̌ mǐ ka sixu bló gbɔn bɔ xɛsi enɛ ma na dó afɔgblɛ̌gblɛ̌ afɔ mɛ nú mǐ ɖò kàn ɖiɖó dó nǔɖagbewiwa wu kɔn ǎ? Hɛn dó ayi mɛ ɖɔ kúnnuɖiɖe gbɔn alokan hɔntogbo jí tɔn gblamɛ sixu nyí wlɛnwín ɖokpo e è na zán bɔ mɛɖé lɛ na sè wɛnɖagbe ɔ é. (Hlɔ. 10:14) Nǔ e ko jɛ kpɔ́n lɛ é xlɛ́ ɖɔ è hɛn ɔ è na ɖekúnnu gbɔn mɔ̌ b’ɛ na kpa mɛ. (Kpɔ́n Annuaire 2011, wex. 65-66, kpo Annuaire 2000, wex. 54, akpá. 3 kpo.) Mǐ ni kpɔ́n alixlɛ́mɛ elɔ lɛ.

Lee È Sixu Bló Gbɔn É:

• Sɔnǔ nú nùxwlémɛ klewun ɖé, bo wlan bo na dó sixu xà nú xwétɔ́ ɔ tlɔlɔ gbɔn alokan hɔntogbo jí tɔn ɔ gblamɛ. Enɛ sixu zɔ́n bɔ a kpankɔ́n d’eji. Ðò bǐbɛ̌mɛ ɔ, tinmɛ nǔ e hɛn we wá é. Sɔ́ nyikɔ xwétɔ́ ɔ tɔn dó ylɔ ɛ, enyi a mɔ ɖò finɛ ɔ nɛ. Bo na dó sú ta na ɔ, byɔ ɖɔ emi ni sɔ́ tlati alǒ xójlawema e na na tinmɛ dó xó ɔ jí hú mɔ̌ é ɖé ɖ’ayǐ ɖó hɔntogbo ɔ ta n’i à jí.

• Ðǒ linlin e sɔgbe é. Ko nǔ ɖò nu kpá bo lɛ́ bló alɔ cí nǔ ɖɔ a ɖò mɛ e ɖɔ xó ɔ na wɛ a ɖè é mɔ wɛ ɖɔhun.

• Vo bo lɛ́ ɖɔ xó ayǐ vɔ̌ gbè ɖɔhun. Ðɔ xó nyì wɛn bo ma ka súxó gboo ó. Nyì alɔ nú agbɔ̌n jí yiyi e ma ɖò dandan ǎ lɛ é, bo ma ka ɖɔ xó kplulu ó.

• Ðǒ ayi te. Alokan hɔntogbo jí tɔn gègě sixu ɖò finɛ. Vlafo a sixu ylɔ atɔn ɖ’emɛ kpowun. Sɔ́ kɛ́n ee a ylɔ lɛ é tɔn, bo lɛkɔ wá hweɖevonu. Enyi mǐ lín ɖò hɔntogbo ɔ jí bo ɖò alokan lɛ bǐ ylɔ wɛ ɔ, ado sixu hu mɛ e ɖò xwé ɔ gbè lɛ é.

Tɛ́n Nǔ Elɔ Kpɔ́n Sun ɔ Mɛ:

• Ðò sinsɛn-biblo xwédo tɔn mitɔn hwenu hǔn, mi bló wazexlɛ́ nǔ e mǐ ɖɔ lɛ é tɔn; mɛ e na bló lɛ é ni dó gudo yeɖée.