Nǔ Xó Mawu Tɔn Ni Ðè Hlɔnhlɔn Tɔn Xlɛ́ Ðò Sinsɛnzɔ́ Towe Mɛ

Enyi mɛɖé yí gbè nú mǐ ɖɔ mǐ ni jla wɛnɖagbe ɔ emi ɔ, mǐ nɔ zán ali enɛ e hun nú mǐ é ganji, bo nɔ bló bɔ Xó Mawu Tɔn nɔ ɖè hlɔnhlɔn tɔn xlɛ́, gbɔn wemafɔ lɛ xixa tlɔlɔ sín Biblu mɛ gblamɛ. Kpléɖókpɔ́ azǎn ɖokpo tɔn xwè e wá yì é tɔn tɛɖɛ̌ nǔ enɛ jí ganji. Nukúnkpénùwùtɔ́ lɛdo tɔn xwlé xóɖiɖɔ ɖé mɛ hwe ɔ nu, bɔ xota tɔn nyí “Nǔ Xó Mawu Tɔn Ni Ðè Hlɔnhlɔn Tɔn Xlɛ́ Ðò Sinsɛnzɔ́ Towe Mɛ.” A ka flín nǔ taji lɛ à?

• Etɛwu xó Jehovah tɔn ka ɖó hlɔnhlɔn hú mǐdɛɛ lɛ tɔn?—2 Tim. 3:16, 17.

• Nɛ̌ Biblu ka nɔ ɖè lee nǔ nɔ cí nú mǐ é xlɛ́, jlɔ́ linlin mǐtɔn lɛ, jla nǔ e nɔ sísɛ́ mǐ bɔ mǐ nɔ wà nǔ lɛ é ɖó, bo nɔ xlɛ́ ali walɔ mǐtɔn lɛ gbɔn?—Kpɔ́n Atọ̀họ̀-Nuhihọ́ lọ Tọn, 15 Juin 2012, wex. 27, akpá. 7.

• Hwenu e mǐ xà wemafɔ ɖé nú mɛɖé ɖò sinsɛnzɔ́ ɔ mɛ é ɔ, nɛ̌ mǐ ka sixu dɔn ayi mɛ ɔ tɔn wá Xó Mawu Tɔn jí ɖò alɔkpa ɖé mɛ bɔ é na ɖó sísí na gbɔn?—Kpɔ́n wema Mọaleyi, wex. 148, akpá. 3-4 kpo Sinsɛnzɔ́ Axɔsuɖuto ɔ Tɔn Mǐtɔn Mars 2013 tɔn, wex. 6, akpá. 8 kpo.

• Etɛwu é ka nyí nǔ taji ɖɔ mǐ ni nɔ tinmɛ wemafɔ e mǐ nɔ xà lɛ é bo nɔ lɛ́ jlɛ́ xó dó xó wu? Nɛ̌ mǐ ka sixu wà mɔ̌ gbɔn?—Mɛ. 17:2, 3, NW; kpɔ́n wema Mọaleyi, wex. 154, akpá. 4 jɛ wex. 156, akpá. 4.