Nǔ Sinsɛnzɔ́ Towe Ni Bí Alɔ nú We D’eji: Mɛ lɛ Bibakpɔ́n

NǓ E WU É ÐÒ TAJI É: Mɛ e nɔ keya nú wɛn Axɔsuɖuto ɔ tɔn lɛ é gègě ɖò biba wɛ bo na tuùn nugbǒ ɔ dó Mawu wu. (Eza 55:6) Bonu mǐ na dó sixu kplɔ́n nǔ ye kpɛɖé kpɛɖé ɔ, mǐ ɖó na nɔ yì ba ye kpɔ́n hwɛhwɛ. Ðó ninɔmɛ vovo mɛ wɛ gbɛtɔ́ lɛ ɖè wutu ɔ, lee mǐ na d’afɔ nú jlǒ e ye ɖexlɛ́ é gbɔn é na nyí ɖokpo ɔ ǎ. É ɖò mɔ̌ có, enyi mǐ sɔnǔ ganji, bo tuùn ɖɔ nǔ lě gbé nya wɛ mǐ ɖè ɖò mɛbakpɔ́n ɖokpo ɖokpo hwenu, bɔ taji bǐ ɔ ka nyí ɖɔ mǐ na jɛ Biblu kplɔ́n xá mɛ lɛ jí ɔ, é na kpa mǐ hugǎn.

LEE È SIXU BLÓ GBƆN É:

• Tɛ́n kpɔ́n bo lɛkɔ yì kpɔ́n mɛ ɔ, bɔya ɖò azǎn yɔywɛ ɖé gudo.​—Mt 13:19

• Nyɔ̌ xomɛ dó mɛ ɔ wu bo ɖó sísí n’i. Tɛ́n kpɔ́n bo vo ɖò hwiɖée mɛ

• Dǒ gbè mɛ ɔ kpo akpàkpà sɔ́ mɛ kpo cobo bɛ́. Ylɔ̌ mɛ ɔ sín nyikɔ. Flín i nǔ e wu a lɛkɔ wá é, vlafo bo na na xósin nú nùkanbyɔ ɖé, bo hɛn xójlawema yɔyɔ̌ ɖé wá n’i, bo na xlɛ́ ɛ tɛn ɛntɛnɛti tɔn mǐtɔn, bo na xò video ɖé alǒ xlɛ́ ɛ lee Biblu kplɔnkplɔn ɖé nɔ yì gbɔn é. Enyi xota ɖevo wɛ mya nukún nú mɛ ɔ hǔn, ɖyɔ alɔ bo sɔgbe xá.​—Fili 2:4

• Hǔ sìn nú kún nugbǒ ɔ tɔn e ɖò ayi tɔn mɛ é gbɔn linlin Biblu tɔn lɛ mímá xá ɛ gblamɛ, a tlɛ sixu jó xójlawema ɖé dó n’i. (1Kɔ 3:6) Tɛ́n kpɔ́n bo zun xɔ́ntɔn xá ɛ

• Sɔ́ mɛbakpɔ́n e na bɔ d’ewu é sín nu ɖó te