DƆKUN MAWUXÓ Ɔ TƆN ÐÉ LƐ | KOLOSINU LƐ 1-4
Ðè Gbɛtɔ́ Xóxó ɔ Nyi Ayǐ, Bo Sɔ́ Gbɛtɔ́ Yɔyɔ̌ ɔ Dó
A bló huzuhuzu ɖaxó lɛ ɖò gbɛzán towe mɛ, hwenu e a mɔ nǔgbo ɔ é wɛ à? Tuùn ɖɔ gǎn e a dó lɛ é hun xomɛ nú Jehovah. (Eze 33:11) É ɖò mɔ̌ có, é byɔ ɖɔ a ni kpó ɖò gǎn dó wɛ bonu gbɛtɔ́ xóxó ɔ sín jijɔ lɛ ni ma sɔ́ lɛ́ wá xwetɔ́n ó, lobo na kpó ɖò gbɛtɔ́ yɔyɔ̌ ɔ sín jijɔ lɛ ɖexlɛ́ wɛ. Nǎ xósin nú nǔkanbyɔ e bɔ d’ewu lɛ é, bá kpɔ́n fí ɖěɖee a sixu bló huzuhuzu ɖè lɛ é:
Mɛɖé wà nǔ nyi dò nú mì bɔ un hɛn ɛ dó xomɛ wɛ à?
Un ka nɔ ɖó suúlu hwenu e un tlɛ ɖò hwlɛndo jí é alǒ nǔ tlɛ cikɔ nú mì é à?
Nú linlin bliblí ɖé wá nú mì ɔ, un ka nɔ yawǔ ɖè síìn à?
Un ka nɔ ɖó linlin agɔ dó mɛ e ɖó sinmɛ agbaza tɔn vo alǒ gosin tò ɖevo mɛ lɛ é wu wɛ à?
Agaɖanu dìn ɔ, un dó gbè vɛ́sin nú mɛɖé alǒ ɖu ɖò xomɛsin ce jí ǎ wɛ à?