Gbǐ Dɔn Dìn E Vivɔnu ɔ Ko Sɛkpɔ́ É

NǓ E WU É ÐÒ TAJI É: Zaanɖé dìn ɔ, nǔ taji ɖé lɛ na jɛ bo na byɔ ɖɔ mǐ ni ɖó akɔ́nkpinkpan, bo lɛ́ ɖeji dó Jehovah wu hu lee mǐ ko nɔ bló gbɔn ɖ’ayǐ é. Ya ɖaxó ɔ na bɛ́ kpo kún súsú dó nú sinsɛn nǔvú kpo. (Mt 24:21, nwt; Nǔ 17:16, 17) Ðò hwenu vɛwǔ enɛ mɛ ɔ, é sixu byɔ ɖɔ mǐ ni jlá wɛn hwɛɖónúmɛ tɔn syɛnsyɛn ɖé. (Nǔ 16:21) Gɔgu Magɔgi tɔn na tɔ́n ahwan mǐ. (Eze 38:10-12, 14-16) Jehovah na jɛ ahwan togun tɔn jí, bo na dɔn “ahwan e è na fun ɖò Mawu Nǔbǐwukpétɔ́ ɔ sín azǎn ɖaxó ɔ gbè é” wá. (Nǔ 16:14, 16) Bo na dó na hlɔnhlɔn akɔ́nkpinkpan mǐtɔn nú nǔ enɛ lɛ e na jɛ ɖò nukɔnmɛ lɛ é ɔ, mǐ ɖó na gbí dɔn ɖò mɛtɛnkpɔn nǔɖiɖi tɔn e mɔ wɛ mǐ ɖè dìn lɛ é hwenu.

LEE È SIXU BLÓ GBƆN É:

• Nɔ jɛhun dó nǔgbododó walɔ ɖagbe tɔn Jehovah tɔn lɛ jí, bo nɔ lɛ́ zán gbɛ̀ sɔgbe xá ye.—Eza 5:20

• Kpò ɖò Mawu sɛn ɖó kpɔ́ xá Klisanwun hatɔ́ lɛ wɛ.—Eb 10:24, 25

• Nɔ yawǔ xwedó alixlɛ́mɛ e gosin tutoblonunu Jehovah tɔn gɔn lɛ é.—Eb 13:17

• Nɔ lin tamɛ dó lee Jehovah hwlɛn togun tɔn ɖò hwexónu gbɔn é jí.—2Pi 2:9

• Nɔ xoɖɛ sɛ́dó Jehovah bo nɔ lɛ́ ɖeji dó wǔ tɔn.—Ðɛ 112:7, 8

KPƆ́N NǓKPINKPƆN-DÓ-KPLƆ́N-NǓ NǓ ÐĚÐEE NA JƐ ÐÒ SƆGUDO BO NA BYƆ AKƆ́NKPINKPAN LƐ É: KPƐVI Ɔ Ɔ, ENƐ GUDO HǓN, NǍ XÓSIN NÚ NǓKANBYƆ E BƆ D’EWU LƐ É:

• 

  Etɛ ka tɛ́n tónúsíse wɛnjlatɔ́ lɛ tɔn kpɔ́n hwenu e è má ye dó agun ɖevo lɛ mɛ é?

• 

  Nɛ̌ akɔ́nkpinkpan ka cá kan xá tónúsíse gbɔn?

• 

  Etɛwu mǐ ka na ɖó hudo akɔ́nkpinkpan tɔn ɖò Haamagedɔni hwenu?

• 

  Tan Biblu tɔn tɛ ka sixu d’alɔ mǐ bɔ mǐ na na hlɔnhlɔn nǔ e mǐ ɖi ɖɔ Jehovah sixu hwlɛn mǐ é?—2Tan 20:1-24