È Na Jlá Nǔ Bǔnɔ ɖé Ðò Novembre Mɛ Bá Dó Ðɔ Xó nú Mɛ lɛ Dó Axɔ́suɖuto Mawu Tɔn Wu

Jezu jlá ‘Axɔ́suɖuɖu Mawu tɔn sín wɛnɖagbe.’ (Lk 4:43) É lɛ́ kplɔ́n mɛ lɛ ɖɔ ye ni nɔ xoɖɛ bo byɔ ɖɔ Axɔ́suɖuto enɛ ni wá. (Mt 6:9, 10) Ðò novembre mɛ ɔ, mǐ na dó gǎn bá jlá Axɔ́suɖuto Mawu tɔn. (Mt 24:14) Blǒ tuto bá ɖ’alɔ ɖò nǔjlajla enɛ mɛ bǐ mlɛ́mlɛ́. Mɛ e ɖò sinsɛnzɔ́ gbexosin-alijitɔ́ alɔgɔtɔ́ bló wɛ lɛ é bǐ sixu na ganxixo 30 alǒ 50 e è nɔ ɖó nukún ɖɔ gbexosin-alijitɔ́ lɛ ni na é ɖò sun enɛ mɛ.

Xà wemafɔ Biblu tɔn e ɖɔ xó dó Axɔ́suɖuto Mawu tɔn wu é ɖé nú mɛ e ɖò fí e mi nɔ ɖekúnnu gbɔn lɛ é gegě lee a kpéwú gbɔn é. Hɛn nǔ e mɛ lɛ ɖi nǔ na lɛ é ayi mɛ hwenu e a na ɖò wemafɔ e a na zán lɛ é cyan wɛ é. Enyi mɛɖé ɖè jlǒ xlɛ́ ɖò xóɖɔɖókpɔ́ nukɔntɔn ɔ hwenu hǔn, nǎ Atɔxwɛ mɛ bǐ tɔn No. 2 2020 tɔn ɖokpo mɛ ɔ. Enɛ gudo hǔn, flɔ́ zo dó glɔ̌ nú jlǒ e mɛ ɔ ɖexlɛ́ é dó yiya mɛ, bo zán wema e ɖò Azɔ̌wanúgbá Mɛkplɔnkplɔn tɔn mǐtɔn mɛ é ɖé dó jɛ Biblu kplɔ́n xá ɛ jí. Zaanɖé dìn ɔ, Axɔ́suɖuto Mawu tɔn na sú kún dó nú acɛkpikpa e klán gbè xá ɛ lɛ é bǐ. (Da 2:44; 1Kɔ 15:24, 25) Enɛ wu ɔ, mi nú mǐ ni ɖ’alɔ ɖò nǔjlajla bǔnɔ enɛ mɛ bǐ mlɛ́mlɛ́ bá dó ɖexlɛ́ ɖɔ Jehovah kpo Axɔ́suɖuto tɔn kpo sín akpáxwé wɛ mǐ ɖè!