Nɔ Xá Nyɔnu Mɛxomɔ lɛ Nɔ Towe Ðɔhun, Bo Nɔ Xá Ðyɔvǐ lɛ Nɔví Towe Nyɔnu Ðɔhun

Biblu ɖɔ nú mǐ ɖɔ mǐ ni nɔ wà nǔ xá Klisanwun mɛxomɔ lɛ nɔ mǐtɔn lɛ kpo tɔ́ mǐtɔn lɛ kpo wɛ ye nyí ɖɔhun, bo nɔ wà nǔ xá mɛ winnyawinnya lɛ nɔví mǐtɔn lɛ wɛ ye nyí ɖɔhun. (Xà 1 Timɔtée 5:1, 2.) É ɖò taji ɖɔ nɔví sunnu lɛ ni nɔ wà nǔ xá nɔví nyɔnu lɛ ɖò yɛ̌yi mɛ, kpo sísí kpo.

Nɔví sunnu ɖé ɖó na nɔ ɖú alɔlwɛ́ xá nɔví nyɔnu ɖé, alǒ wà nǔ ɖebǔ e na zɔ́n bɔ nɔví nyɔnu ɖé ma na vo ɖò akpá tɔn ǎ é ǎ. (Jɔb 31:1) Nɔví sunnu tlɛnnɔ ɖé ɖó na sɔ́ lee nǔ nɔ cí nú nɔví nyɔnu tlɛnnɔ ɖé é dó d’ayihun na gbɔn blobló bɔ nɔví nyɔnu ɔ na lin ɖɔ é jló na ɖó kancica wanyiyi tɔn ɖé xá emi, cobɔ nǔ ka nyí mɔ̌ ǎ gblamɛ ǎ.

Mɛxo agun tɔn lɛ ɖó na kéya nú nǔ e nɔví nyɔnu lɛ nɔ kanbyɔ kpo sísí kpo é kpo xomɛnyínyɔ́ kpo, alǒ nǔ e é sixu byɔ ɖɔ è ni sɔ́ ayi d’eji é ɖé. È ɖó na nɔ kéya nú nɔví nyɔnu ɖěɖee ma ɖó asú bɔ ye na nɔ kpé nukún dó ye wu ǎ lɛ é, ɖò taji ɔ, mɛxo agun tɔn lɛ wɛ na nɔ wà mɔ̌.—Hwli 2:8, 9.

KPƆ́N VIDEO NƆ ÐÒ WANYIYI E MA NA VƆ Ǎ É ÐEXLƐ́ JEHOVAH SƐNTƆ́ HATƆ́ LƐ WƐ: ASÚKÚSI LƐ KPO TƆ́CYƆVǏ NƆCYƆVǏ LƐ KPO Ɔ, ENƐ GUDO HǓN, NǍ XÓSIN NÚ NǓKANBYƆ ELƆ LƐ:

• 

  Nɛ̌ agun ɔ ka ɖè wanyiyi nǔjɔnǔ tɔn xlɛ́ nɔví nyɔnu Myint gbɔn?

• 

  Nɛ̌ wanyiyi e agun ɔ ɖexlɛ́ ɛ é nyí kúnnuɖiɖe ɖagbe ɖé nú mɛ e ɖò gletoxo ɔ mɛ lɛ é gbɔn?

• 

  Nɛ̌ wanyiyi e agun ɔ ɖexlɛ́ nɔví nyɔnu Myint é wà ɖagbe nú vǐ nyɔnu tɔn lɛ gbɔn?

Ali tawun tawun tɛ lɛ nu mɔ̌ a ka sixu nɔ ɖè wanyiyi nǔjɔnǔ tɔn xlɛ́ nɔví nyɔnu e ɖò agun towe mɛ lɛ é ɖè?