Nǔɖiɖó lɛ Nɔ Ðè Wanyiyi Mawu Tɔn Xlɛ́

Nǔ e mǐ nɔ wà gbè bǐ gbè lɛ é sixu hɛn alɔnu mǐtɔn ján kaka bɔ mǐ sɔ́ na mɔ hwenu, bo yì agbɔ̌n jí, lobo lin tamɛ dó lě dò nǔɖiɖó lɛ nɔ ɖè wanyiyi Jehovah tɔn kpo alɔhundónanǔmɛ tɔn kpo xlɛ́ sɔ é jí ǎ. Amɔ̌, Jezu dó wusyɛn lanmɛ nú mǐ ɖɔ mǐ ni nɔ kpɔ́n nǔɖiɖó lɛ, bo nɔ lin tamɛ dó nǔ e ye nɔ kplɔ́n mǐ dó Jehovah wu lɛ é jí.—Mt 6:25, 26.

KPƆ́N VIDEO NǓÐIÐÓ LƐ NƆ ÐÈ WANYIYI JEHOVAH TƆN XLƐ́ Ɔ, ENƐ GUDO HǓN, NǍ XÓSIN NÚ NǓKANBYƆ ELƆ LƐ:

Etɛ nǔ elɔ lɛ ka kplɔ́n mǐ dó wanyiyi e Jehovah ɖó nú mǐ é wu:

• jɔwamɔnú e è dó bló nǔ bǐ na ɖò ayikúngban ɔ jí lɛ é?

• jɔhɔn?

• gbehan?

• lee è dá kanlin lɛ gbɔn é?

• nukún, wǔtu, ɖɛ̌, awɔntín kpo tó mǐtɔn kpo?

• fɔn e ɖò taká mǐtɔn mɛ é?