Nɔ Zán Azɔ̌wanú Dobanúnǔ Tɔn Mǐtɔn Lɛ

Jehovah nɔ na mǐ azɔ̌wanú e na zɔ́n bɔ nǔ kplɔnkplɔn mɛ lɛ na bí alɔ nú mǐ ganji lɛ é. Ðé lɛ ɖò ye mɛ wɛ nyí video lɛ, tlati lɛ, xójlawema lɛ, alɔnuwema lɛ, wema lɛ, kpo Biblu, ee nyí taji ɖò azɔ̌wanú mǐtɔn lɛ mɛ é kpo. (2Ti 3:16) É nɔ lɛ́ na mǐ azɔ̌wanú dobanúnǔ tɔn ɖěɖee sixu d’alɔ mǐ bɔ mǐ na tinmɛ Biblu ɔ é. Watchtower Library, JW Library^®, WEMASƐXWETƐN ƐNTƐNƐTI JÍ TƆN Watchtower Tɔn™, kpo Anademẹwe Dodinnanu Tọn kpo ɖò azɔ̌wanú enɛ lɛ mɛ.

Enyi a nɔ zán azɔ̌wanú e è sɔnǔ na nú mǐ lɛ é bǐ dó ba dò nú nǔ ganji dó nǔɖe wu ɖò Biblu mɛ ɔ, a na ɖó awǎjijɛ. Tɛ́n kpɔ́n bo d’alɔ nǔkplɔntɔ́ towe lɛ bonu ye ni tuùn lee è nɔ zán azɔ̌wanú lɛ gbɔn é. Mɔ̌ mɛ ɔ, ye lɔmɔ̌ na ɖó awǎjijɛ hwenu e yeɖesunɔ na ɖò xósin mɔ nú nǔkanbyɔ e ye ɖó dó Biblu wu lɛ é wɛ é.

KPƆ́N VIDEO MƆ AWǍJIJƐ ÐÒ NǓ KPLƆNKPLƆN MƐ LƐ BONU YE NA HUZU AHWANVU SÍN AZƆ̌ Ɔ MƐ: YǏ GBÈ NÚ ALƆDÓ JEHOVAH TƆN: NƆ ZÁN AZƆ̌WANÚ DOBANÚNǓ TƆN LƐ Ɔ, ENƐ GUDO HǓN, NǍ XÓSIN NÚ NǓKANBYƆ ELƆ LƐ:

• 

  Etɛ Jaké ka ɖɔ bo dó gbɛ́ ɖɔ mɛɖé kún dá nǔ lɛ ó?

• 

  Fitɛ Ana ka ba dò nú nǔ dó xóta ɔ wu ɖè?

• 

  Nɛ̌ é ka mɔ xóta e na d’alɔ Jaké hugǎn é gbɔn?

• Ðagbe tɛ azɔ̌wanú dobanúnǔ tɔn mǐtɔn lɛ e Ana zán é ka wà n’i?