Nɛ̌ Nɔví Nyɔnu lɛ ka Sixu W’azɔ̌ nú Jehovah D’eji Gbɔn?

Azɔ̌ e nɔví nyɔnu lɛ nɔ wà dó Axɔ́suɖuto ɔ takúnmɛ lɛ é nɔ xɔ akwɛ tawun. (Ðɛ 68:11, nwt) Ye nɔ kplɔ́n Biblu xá mɛ gegě ɖò xwé yetɔn lɛ gbè bɔ gegě gbexosin-alijitɔ́ hwebǐnu tɔn lɛ tɔn wɛ nyí nɔví nyɔnu. Nɔví nyɔnu afatɔ́n mɔ̌kpan wɛ ɖò sinsɛnzɔ́ wà wɛ ɖò Betɛli, nyí mɛsɛ́dó, zé yeɖée jó bo nɔ wà xɔgbigbázɔ́ alǒ nyí lilɛdógbeɖevomɛtɔ́. Nɔví nyɔnu e zin lɛ é nɔ bló bɔ xwédo yetɔn kpo agun yetɔn kpo nɔ lidǒ. (Nǔx 14:1) Nǔgbo wɛ ɖɔ nɔví nyɔnu lɛ sixu nyí mɛxo agun tɔn alǒ devízɔ́watɔ́ sinsɛnzɔ́wiwa tɔn lɛ ǎ có, ye ka sixu nya nǔɖe lɛ gbé ɖò agun ɔ mɛ. Enyi nɔví nyɔnu ɖé wɛ nú we ɔ, etɛ lɛ a ka sixu sɔ́ ɖó nukɔn nú hwiɖée bo nya gbě yetɔn?

• Nɔ sɔnǔ nú jijɔ gbigbɔ tɔn lɛ.—1Ti 3:11; 1Pi 3:3-6

• Nɔ d’alɔ nɔví nyɔnu e ma ko mɔ nǔ kpɔ́n sɔmɔ̌ ɖò agun ɔ mɛ ǎ lɛ é.—Ti 2:3-5

• Nɔ zán hwenu gegě ɖò sinsɛnzɔ́ ɔ mɛ, bo lɛ́ bló bonu é ni bí alɔ nú we d’eji

• Kplɔ́n gbè ɖevo

• Sɛ̀ tɛn yì fí e hudo sukpɔ́ ɖè é

• D’alɔ wema mɛ bá w’azɔ̌ ɖò Betɛli, alǒ ɖ’alɔ ɖò yɛhwexɔ́suɖuto ɔ sín xɔ lɛ gbigbá hwenu

• D’alɔ wema mɛ bá yì Wemaxɔmɛ nú Wɛnɖagbejlatɔ́ Axɔ́suɖuto ɔ Tɔn Lɛ

KPƆ́N VIDEO ‘NYƆNU E ÐÒ AZƆ̌ SYƐNSYƐN WÀ NÚ AKLUNƆ WƐ LƐ É’ Ɔ, ENƐ GUDO HǓN. NǍ XÓSIN NÚ NǓKANBYƆ ELƆ:

• Nɛ̌ xó e nɔví nyɔnu lɛ ɖokpo ɖokpo ɖɔ lɛ é ka dó wusyɛn lanmɛ nú we gbɔn?