Davídi sɔ́ nǔ nú alɔlyɛnzɔ́watɔ́ e ná gbá tɛ́npli ɔ lɛ́ é kpó azɔ̌wanú e è ná gbá ná lɛ́ é kpó nú Salomɔ́ɔ

DƆKUN MAWUXÓ Ɔ TƆN ÐÉ LƐ́

D’alɔ mɛ wínnyáwínnyá lɛ́ nú yě ní yi nukɔn

Davídi tuun ɖɔ kpó alɔdó Jexóva tɔn kpó ɔ, Salomɔ́ɔ ná kpé nukún dó tɛ́npli gbígbázɔ́ ɔ wú b’ɛ ná kpa ɛ (1Ta 22:5; w17.01 29 akpá. 8)

Davídi dó wǔsyɛ́n lanmɛ nú Salomɔ́ɔ ɖɔ é ní ɖeji dó Jexóva wú bo wa nǔ (1Ta 22:11-13)

Davídi wa nǔ e wú é kpé é bǐ dó nɔ gǔdo nú Salomɔ́ɔ (1Ta 22:14-16; w17.01 29 akpá. 7; kpɔ́n ɖiɖe e ɖo akpa ɔ jí é)

Ðiɖe lɛ́: 1. Mɛxó agun tɔn ɖé ɖo lěe è nɔ kpé nukún dó fí e agun ɔ nɔ ɖɔ Mawuxó gbɔn lɛ́ é wú gbɔn é kplɔ́n nɔví súnnu wínnyáwínnyá ɖé wɛ. Mɛxó agun tɔn ɔ ɖo ɖiɖe to tɔn ɖé zán dó xlɛ́ ɛ fí e agun ɔ nɔ ɖɔ Mawuxó gbɔn é wɛ, sɔ́ wěma e jí è nɔ wlán fí e agun ɔ nɔ ɖɔ Mawuxó gbɔn é dó é n’i, lobo ɖo fí e mɛɖokpónɔ sixú ɖɔ Mawuxó ɖé é ɖé xlɛ́ ɛ wɛ ɖo ɖiɖe to tɔn ɖé jí. 2. Nɔví súnnu wínnyáwínnyá ɔ ɖo lěe è nɔ zán ɖiɖe to tɔn fí ɖěɖěe è nɔ ɖɔ Mawuxó gbɔn é tɔn gbɔn é xlɛ́ nɔví súnnu ɖěvo wɛ.

KANBYƆ́ HWIÐÉE ÐƆ: ‘Nɛ̌ un ka sixú d’alɔ mɛ wínnyáwínnyá e ɖo agun ce mɛ lɛ́ é, bɔ yě ná ɖó awǎjijɛ bo lɛ́ yi nukɔn ɖo Jexóva sinsɛn mɛ gbɔn?’—w18.03 11-12 akpá. 14-15.