KLISÁNWUN GBƐ ZÍNZÁN

Nɔ nyɔ́ xomɛ Jexóva ɖɔhun

Jexóva sɔ́ kpɔ́ndéwú xomɛnyínyɔ́ tɔn ɖaxó hú gǎn ɔ ɖ’ayǐ. (Ðɛ 103:11) Xomɛnyínyɔ́ nyí wǎnyíyí hwenu kléwún ɖé tɔn e è nɔ ɖó nú mɛɖé é ǎ. Xomɛnyínyɔ́ nɔ byɔ́ ɖɔ è ní yí wǎn nú mɛ bo lɛ́ tɛ́ dó mɛ wú nú hwenu línlín. Jexóva ɖe xlɛ́ ɖɔ émí ɖó wǎnyíyí énɛ́ nú togun émítɔn Izlayɛ́li ɖo ali gěgé nu. É ɖe yě sín kannumɔgbénu ɖo Ejípu bo kplá yě yi Akpádídó Yíkúngban ɔ jí. (Ðɛ 105:42-44) É fun ahwan dó takún yětɔn mɛ bo sɔ́ hwɛ kɛ yě azɔn mɔ̌kpán. (Ðɛ 107:19, 20) Ée mǐ ná ɖo ‘tamɛ lin dó xomɛnyínyɔ́ sín azɔ̌ Jexóva tɔn lɛ́’ jí wɛ é ɔ, akpakpa ná sɔ́ mǐ bɔ mǐ ná wa nǔ éɖɔhun.—Ðɛ 107:43, nwt.

Ðiɖe lɛ́: Video “Nɔ xwe sɔ dó lin tamɛ dó xomɛnyínyɔ́ sín azɔ̌ Jexóva tɔn lɛ́ jí” sín akpáxwé ɖé lɛ́. 1. Nɔví Nǔkpo kpó nɔví súnnu ɖěvo kpó yi ba nɔví nyɔ̌nu ɖé kpɔ́n ɖo xwé tɔn gbe. 2. Nɔví Nǔkpo ɖo gankpá mɛ din kpó nɔví ɖěvo lɛ́ kpó, bɔ é ɖo nǔɖuɖu ná nɔví súnnu e ɖo ayǐmlɔ́mlɔ́ ɖo azɔnzanjí é ɖé wɛ.

KPƆ́N NǓKPÍNKPƆ́N-DÓ-KPLƆ́N-NǓ “NƆ XWE SƆ DÓ LIN TAMƐ DÓ XOMƐNYÍNYƆ́ SÍN AZƆ̌ JEXÓVA TƆN LƐ́ JÍ” Ɔ, ÉNƐ́ GÚDO HǓN, NǍ XÓSIN NÚ NǓKANBYƆ́ ÉLƆ́ LƐ́:

Ali tɛ́ lɛ́ nu mǐ ka sixú ɖe xomɛnyínyɔ́ xlɛ́ ɖe?

Your answer
Étɛ́wú xomɛnyínyɔ́ ɖiɖexlɛ́ ka nɔ byɔ́ ɖɔ è ní sɔ́ nǔɖé lɛ́ dó sá vɔ̌?

Your answer