Gbejíninɔ kpó linlin e mǐ nɔ ɖó lɛ́ é kpó

Ényí nǔ e mǐ nɔ ɖɔ lɛ́ é kpó nǔ e mǐ nɔ wa lɛ́ é kpó kɛ́ɖɛ́ mɛ wɛ mǐ nɔ ɖe xlɛ́ ɖɔ mǐ ɖo gbejí ɖe ǎ, mǐ nɔ lɛ́ wa mɔ̌ ɖo nǔ e jí mǐ nɔ lin tamɛ dó lɛ́ é lɔ mɛ. (Ðɛ 19:15) Énɛ́ wú wɛ Biblu dó wǔsyɛ́n lanmɛ nú mǐ ɖɔ mǐ ní nɔ lin nǔ kpɔ́n dó nǔ ɖěbǔ e nyí nǔgbó é, ɖo tají é, sɔgbe é, mɛ́ é, nǔ e è sixú yí wǎn ná é, nǔ e wú è nɔ ɖɔ xó ɖagbe dó é, nǔ e nyɔ́ bɔ susu lɛ́ jɛxá é jí. (Flp 4:8) Nǔgbó wɛ ɖɔ mǐ kún sixú glɔ́n ali nú linlin nyanya lɛ́ bɔ yě ná gɔn tamɛ byɔ́ nú mǐ hwebǐnu ó. É ɖo mɔ̌ có, mɛɖéejíɖuɖe sixú d’alɔ mǐ bɔ mǐ ná nya linlin nyanya ɖé sín ayi mɛ, bo ná sɔ́ éé mɛ́ é dó ɖyɔ́ ɛ ná. Ényí mǐ nɔ nɔ gbejí ɖo nǔ e jí mǐ nɔ lin tamɛ dó lɛ́ é mɛ ɔ, énɛ́ ná d’alɔ mǐ bɔ mǐ ná nɔ lɛ́ nɔ gbejí ɖo nǔwiwa mǐtɔn lɛ́ mɛ.—Mk 7:21-23.

Wlǎn linlin alɔkpa e mǐ ɖó ná nyi alɔ ná é dó wěmafɔ élɔ́ lɛ́ ɖokpó ɖokpó glɔ́:

Hlɔ̌ 12:3

Lk 12:15

Mt 5:28

Flp 3:13