Nɛ̌ Awoví ka Cí?

Xósin e Biblu na é

Awoví nyí nǔɖiɖó gbigbɔ tɔn e nukún ma nɔ mɔ ǎ é ɖé, enɛ xlɛ́ ɖɔ é kún ɖó gbɛtɔ́ gbaza e mǐ sixu mɔ é ɖé ó.—Efɛzinu lɛ 6:11, 12.

Alɔlyɛnzɔ́watɔ́ gegě nɔ ɖè Awoví bɔ é nɔ hɛn gǎfu ɖaxó ɖé alɔ mɛ. É cí gbɔ̌ e ɖó zo, bo lɛ́ ɖó sí é ɖɔhun.

Alɔlyɛnzɔ́watɔ́ gegě nɔ ɖè Awoví bɔ é nɔ cí gbɔ̌ ɖɔhun, bo nɔ ɖó zo, sí, bɔ gǎfu ɖaxó ɖé nɔ ɖò alɔ mɛ n’i. Mɛɖé lɛ ɖɔ ɖɔ fɔtóo enɛ lɛ e è nɔ ɖè gbɔn mɔ̌ é ɔ, alɔlyɛnzɔ́watɔ́ hwexónu tɔn e xɛxó lɛ sín linlin sixu ko wà dó ye wu lɛ é wɛ ɖè.

Nɛ̌ Biblu ka jlɛ́ Awoví gbɔn?

Biblu ɖɔ xó dó Awoví wu ɖò ali vovo nu. Enɛ d’alɔ mǐ bɔ mǐ tuùn mɛ alɔkpa e é nyí é, é nyí lee é cí é ǎ. Tinmɛ e Biblu na é ɖé lɛ ɖíe:

Wɛnsagun weziza tɔn. Nǔwiwa tɔn lɛ nɔ xlɛ́ ɖɔ é ɖó nǔ ɖagbe lɛ enyíì bo na na mɛ, lobo nɔ tɛ́n kpɔ́n bo na sísɛ́ gbɛtɔ́ lɛ bonu ye na xwedó nǔkplɔnmɛ tɔn lɛ, hú ɖɔ ye ni xwedó Mawu tɔn lɛ—2 Kɔlɛntinu lɛ 11:14.
Kinnikinni e ɖò adǎn jí é. É nɔ zɔn xomɛsin jí dó tɔ́n ahwan Mawu sɛntɔ́ lɛ.—1 Piyɛ́ɛ 5:8.
Dlagɔ́ɔn ɖaxó ɔ. É d’abaɖa, ɖó hlɔnhlɔn, bo nɔ lɛ́ hɛn nǔ gblé.—Nǔɖexlɛ́mɛ 12:9.

Wemafɔ Biblu tɔn e ɖɔ xó dó Awoví wu lɛ é

2 Kɔlɛntinu lɛ 11:14: “Satáan ɖesu hɛn ɔ, é na sɔ́ wɛnsagun weziza tɔn sín ninɔmɛ.”

Tinmɛ tɔn: Satáan nɔ ɖè éɖée xlɛ́ ɖi mɛ ɖagbe, bo na dó blɛ́ gbɛtɔ́ lɛ bonu ye na xwedó nǔkplɔnmɛ tɔn lɛ, hú ɖɔ ye ni xwedó Mawu tɔn lɛ.
Efɛzinu lɛ 6:11: “Mi fɔ ahwanfunnú e Mawu na mi lɛ bǐ kplá, bo na sixu nɔte ɖò mɔ e Awoví nɔ ɖó nú mɛ lɛ nukɔn.”

Tinmɛ tɔn: Awoví nɔ zán wlɛnwín baɖabaɖa lɛ bonu gbɛtɔ́ lɛ ni tlitó nú Mawu.
Jaki 4:7: “Mi bo hwíhwɛ́ miɖée ɖó Mawu glɔ́; mi lodǒ ɖò Awoví nukɔn; enɛ ɔ, é na hɔn yì zɔ nú mi.”

Tinmɛ tɔn: Mɛɖé sixu ɖu ɖò Satáan jí, gbɔn tónúsíse nú Mawu gblamɛ.
1 Piyɛ́ɛ 5:8: “Kɛntɔ́ mitɔn Awoví ɔ ɖò lɛlɛ̌ dó mi wɛ kinnikinni e ɖò adǎn jí é ɖɔhun, bo ɖò mɛ e é na vún ɖu ɔ ba wɛ.”

Tinmɛ tɔn: Awoví gbɛ́ wǎn nú mɛ ɖěɖee nɔ setónú nú Mawu lɛ é, bo jló na hɛn kancica e ye ɖó xá Ɛ é gblé.