Toxóɖɔtɔ́gán nǔɖuɖonǔmɛtɔ́ lɛ́: Nǔ e Axɔ́súɖuto Mawu tɔn ná wa é

Gbɛtɔ́ lɛ́ nɔ ba gǎn ɖěɖěe wú yě sixú ɖeji dó lɛ́ é; toxóɖɔtɔ́gán nǔɖuɖonǔmɛtɔ́ lɛ́ sín agbɔ̌n kpé yě bǐ. Ðo do e è ba nú nǔ gbɔn gbɛ ɔ bǐ mɛ bo ɖe tɔ́n ɖo 2023 é ɖé mɛ ɔ, mɛ gěgé ɖɔ ɖɔ mɛ ɖěɖěe wú émí ma nɔ ɖeji dó sɔmɔ̌ ǎ lɛ́ é wɛ nyí toxóɖɔtɔ́gán lɛ́.a

Biblu ɖɔ acɛkpikpa ɖokpó xó bɔ Gǎn acɛkpikpa énɛ́ tɔn nyí mɛ ɖejidéwú, nǔgbóɖɔtɔ́, bo nɔ ɖu ahizi gbeɖé ǎ. Acɛkpikpa énɛ́ ɔ, Axɔ́súɖuto Mawu tɔn wɛ, bɔ Jezu Klísu wɛ nyí Gǎn ná.—Ezayíi 9:6.

Jezu ko ɖe xlɛ́ gbɔn nǔwiwa tɔn lɛ́ mɛ ɖɔ gbɛtɔ́ lɛ́ sín nǔ nɔ ɖu ayi mɛ nú émí nǔgbó nǔgbó. (Matíe 9:35, 36) É wɛ nyí Axɔ́sú nú Axɔ́súɖuto Mawu tɔn, bɔ zaanɖé din ɔ, é ná hɛn hwɛjijɔ kpó fífá kpó wá nú mɛ ɖěɖěe yí gbe nú acɛkpikpa tɔn lɛ́ é bǐ.—Ðɛhan 72:12-14.