Etɛ lɛ Un ka Sixu Xoɖɛ Bo Byɔ?

Xósin e Biblu na é

A sixu xoɖɛ bo byɔ nǔ ɖebǔ e sɔgbe xá nǔ e Mawu byɔ bɔ Biblu ɖɔ lɛ é é. “Mǐ byɔ nǔ ɖebǔ nú é sɔgbe xá jlǒ [Mawu] tɔn ɔ, é nɔ ɖótó mǐ.” (1 Jaan 5:14) A ka sixu byɔ nǔ e nɔ ɖó adɔ̌vɛ́ nú we lɛ é à? Ganji. Biblu ɖɔ: “Mi ɖɔ nǔ e ɖò ayi mitɔn mɛ lɛ bǐ [nú Mawu].”—Ðɛhan 62:9.

Nǔ e a sixu xoɖɛ bo byɔ lɛ é ɖé lɛ ɖíe

• Nǔɖiɖi ɖiɖó nú Mawu.—Luki 17:5.

• Gbigbɔ mímɛ́ alǒ hlɔnhlɔn e Mawu nɔ zán dó wà nǔ é nú é na d’alɔ we bonu a na wà nǔ e sɔgbe é.—Luki 11:13.

• Hlɔnhlɔn bo na dó ɖu ɖò wuvɛ̌ lɛ kpo mɛtɛnkpɔn lɛ kpo jí.—Filipunu lɛ 4:13.

• Fífá ayi mɛ tɔn alǒ xomɛfífá.—Filipunu lɛ 4:6, 7.

• Nǔnywɛ bo na wá gbeta ɖagbe lɛ kɔn.—Jaki 1:5.

• Alɔdó bo na dó sú hudo gbè bǐ gbè tɔn lɛ sín dò.—Matie 6:11.

• Hwɛsɔ́kɛ.—Matie 6:12.