Tínmɛ e ɖo do é

c Akɔwé ɖé lɛ́ lin ɖɔ akpá Nazilínu tɔn ɖé wɛ súnnu énɛ́ lɛ́ dó. (Kɛ́n. 6:1-21) Nǔgbó ɔ, Mɔyízisɛ́n ɔ glɔ́ wɛ è nɔ dó akpá mɔ̌hun ɖe; é ka sɔ́ kpo ɖo azɔ̌ wa wɛ din ǎ. É ɖo mɔ̌ có, Pɔ́lu sixú ko mɔ ɖɔ é kún nylá ɖɔ súnnu énɛ́ lɛ́ ní ɖe akpá e yě dó nú Jexóva é ó. Énɛ́ wú ɔ, é nylá nukún tɔn mɛ ɖɔ é ní kpé nukún dó akwɛ́zínzán yětɔn lɛ́ wú, bo kplá yě ǎ. Mǐ tuun akpá alɔkpa bǔ e wɛ tawun é ǎ, amɔ̌, ɖěbǔ wɛ é ná bo nyí ɔ, é cí ɖɔ é ná vɛ́ wǔ ɖɔ Pɔ́lu ní nɔ gǔdo nú vɔ̌sísá kanlin tɔn (lěe Nazilínu lɛ́ nɔ bló gbɔn é), kpó linlin ɔ kpó ɖɔ é ná súnsún hwɛ sín kɔ nú súnnu énɛ́ lɛ́. Ée Jezu sɔ́ agbaza maɖóblɔ̌ tɔn dó sá vɔ̌ gúdo é ɔ, vɔ̌sísá kanlin tɔn lɛ́ sɔ́ sixú cyɔ́n nǔ dó hwɛ lɛ́ ɖě ǎ. Mǐ tuun nǔ e Pɔ́lu wa lɛ́ é bǐ sín gǒflɛ́mɛ ǎ, amɔ̌, mǐ hɛn ɔ, mǐ ná kú d’é jí ɖɔ Pɔ́lu kún ná wa nǔ ɖěbǔ e ná zɔ́n bɔ ayixa tɔn ná dó hwɛ ɛ é ó.