Tínmɛ e ɖo do é

c Tan ɔ ɖɔ xó dó kpɔ́ndéwú mɛmasi tɔn wè wu. Ðokpo wɛ nyí ɖɔ, Sɛ́n ɔ ko dó gesí nǔ ɖěɖee vɔsanúxwlémawutɔ́ lɛ na ɖu ɖò nǔ e mɛ lɛ hɛn wá bo na xwlé Mawu é mɛ lɛ é. (Sɛ́n. 18:3) Amɔ̌, aca ɖevo wɛ vɔsanúxwlémawutɔ́ nyanya lɛ zé ɖ’ayǐ ɖò Goxɔ ɔ mɛ. Ye nɔ sɛ́ deví yetɔn lɛ dó bɔ ye nɔ hɛn gǎfu ɖaxó ɖé alɔnu, lobo nɔ lun dó lan e ɖò ado jí ɔ mɛ, bɔ nú gǎfu ɔ fɔ lan nabi ɖebǔ ɔ, ye nɔ zé yì nú vɔsanúxwlémawutɔ́ ɔ! Ðevo ɔ, enyi mɛ lɛ wá vɔ̌ sá gbé ɔ, cobonu è na dó jǒ ɔ zo bo na xwlé Jehovah ɔ, vɔsanúxwlémawutɔ́ lɛ nɔ sɛ́ deví yetɔn lɛ ɖokpo dó, lobɔ é nɔ hɛn mɛ lɛ gannugánnú bo nɔ sɔ́ lanmú e jló é sɔyi.—Lev. 3:3-5; 1 Sam. 2:13-17.