Tínmɛ e ɖo do é

a Ényí mǐ ɖo tamɛ lin dó mɛ e ko ɖí xwi xá tagba syɛ́nsyɛ́n lɛ́ é jí wɛ ɔ, hwɛhwɛ ɔ, Jɔbu wɛ mǐ nɔ flín. Étɛ́ nǔ e gbo nya gbejínɔtɔ́ énɛ́ é ka sixú kplɔ́n mǐ? Mǐ kplɔ́n ɖɔ Satáan kún sixú hɛn mǐ gǎnnugǎnnu bónú mǐ ɖó Jehovah sinsɛn te ó. Mǐ lɛ́ kplɔ́n ɖɔ Jehovah nɔ mɔ nǔ jɛ ninɔmɛ mǐtɔn lɛ́ bǐ wú hwebǐnu. Gɔ́ ná ɔ, lěe Jehovah ɖó nǔ wǔvɛ́ Jɔbu tɔn lɛ́ nu gbɔn é ɔ, É ná ɖó nǔ wǔvɛ́ mǐ lɔmɔ̌ tɔn lɛ́ bǐ nu gbe ɖokpó. Ényí mǐ nɔ xlɛ́ gbɔn nǔ e mǐ nɔ wa lɛ́ é gblamɛ ɖɔ mǐ ɖeji dó nǔgbó énɛ́ lɛ́ wú bǐ mlɛ́mlɛ́ hǔn, mǐ ɖo mɛ e ɖo ‘nukún ɖó Jehovah’ wɛ nǔgbó nǔgbó lɛ́ é mɛ.