Tínmɛ e ɖo do é

a Nǔnywɛ́ e Jexóva nɔ ná mɛ é hú gǎn nǔ ɖěbǔ e gbɛ ɔ nɔ ná mɛ é flaflá tɔn. Ðo xóta élɔ́ mɛ ɔ, mǐ ná ɖɔ xó dó xógbe nǔjlɛ́dónǔwú tɔn e sɔ́ akpakpa mɛ bo ɖo wěma Nǔnywɛ́xó tɔn mɛ é ɖokpó wú, énɛ́ wɛ nyí nǔnywɛ́ nɔ zé gbe dó jǐ, bo nɔ ɖɔ xó gbɔn tokplétɛn tokplétɛn. Mǐ ná lɛ́ ɖɔ xó dó lěe mǐ sixú wa gbɔn bo húzú nǔnywɛ́tɔ́ é, nǔ e wú mɛɖé lɛ́ ma nɔ ba ná ɖótó nǔnywɛ́ Jexóva tɔn ǎ é kpó nǔ e wú é nyɔ́ ɖɔ mǐ ní ɖótó nǔnywɛ́ é kpó jí.