Tínmɛ e ɖo do é

a Hwɛhwɛ ɔ, mɛ wínnyáwínnyá ɖěɖěe ɖo Jexóva sɛn wɛ lɛ́ é nɔ gbɔn ninɔmɛ ɖěɖěe nɔ tɛ́n akɔ́nkpinkpan yětɔn kpó gbejí e yě ɖe nú Jexóva é kpó kpɔ́n lɛ́ é mɛ. Wěmaxɔmɛvígbɛ́ yětɔn lɛ́ sixú cá yě ko ɖó nǔ e yě ɖi ɖɔ, nǔ lɛ́ ɔ dǎ wɛ è dá yě é wútu. Alǒ, gbɛ̌ yětɔn lɛ́ sixú tɛ́n kpɔ́n bo ná bló bɔ yě ná mɔ ɖɔ Mawu e sɛn wɛ émí ɖe, bo lɛ́ ɖo gbɛ zán sɔgbe xá nǔgbódodó tɔn lɛ́ wɛ é ɔ, xlonɔnú wa wɛ émí ɖe. Amɔ̌, lěe xóta élɔ́ ná xlɛ́ gbɔn é ɔ, mɛ ɖěɖěe nɔ wa nǔ gbeyíɖɔ Daniyɛ́li ɖɔhun, bo nɔ sɛn Jexóva kpó akɔ́nkpinkpan kpó lobo nɔ lɛ́ wa mɔ̌ kpó gbejíninɔ kpó lɛ́ é ɔ, nǔnywɛ́tɔ́ wɛ nú yě nǔgbó.