Tínmɛ e ɖo do é

a Tyndale zán “Iehouah” ɖò lilɛdógbeɖevomɛ tɔn mɛ, hwenu e é ɖò wema atɔ́ɔ́n nukɔntɔn Biblu tɔn lɛ lilɛ wɛ é. Xwè lɛ ɖò yiyi wɛ é ɔ, lee è nɔ dó Glɛnsigbe gbɔn é huzu, bɔ lee è nɔ wlán nyikɔ Mawu tɔn lɔ gbɔn é huzu. Ði kpɔ́ndéwú ɔ, ɖò 1612 ɔ, Henry Ainsworth zán nyikɔ “Iehovah” ɔ ɖò hwenu e é ɖò wema Ðɛhan lɛ tɔn blebu wlán wɛ é. Hwenu e é vɔ́ azɔ̌ wà ɖò lilɛdógbeɖevomɛ ɔ wu ɖò 1639 é ɔ, “Jehovah” wɛ é zán. Mɔ̌ ɖokpo ɔ, mɛ ɖěɖee lilɛ Biblu American Standard Version ee è ɖetɔ́n ɖò 1901 é lɛ é zán nyikɔ “Jehovah” ɔ ɖò fí ɖěɖee nyikɔ Mawu tɔn tɔ́n ɖè ɖò Ebléegbe mɛ lɛ é.