Bɛ́sín Zǒsun mɛ ɔ, nùxwlémɛ sín kpɔ́ndéwú alɔkpa yɔyɔ̌ ɖé na nɔ tɔ́n ɖò Kplé Gbɛzán kpo Sinsɛnzɔ́ kpo Tɔn Sín Azɔ̌wema ɔ mɛ, bɔ xota tɔn na nɔ nyí “Kplɔ́n Nǔgbǒ ɔ Mɛ.” Nǔ e gbé mǐ na nya é wɛ nyí ɖɔ mǐ na zán nùkanbyɔ ɖé kpo wemafɔ ɖé kpo dó tɛɖɛ̌ nugbǒ Biblu tɔn dòdó ɖé jí.

Enyi mǐ ɖ’ayi wu ɖɔ mɛɖé ɖó jlǒ ɔ, mǐ sixu sɔ́ mɛbakpɔ́n sín nu ɖó te, gbɔn wema ɖé zízé n’i gblamɛ, abǐ gbɔn video jw.org tɔn ɖé xíxlɛ́ ɛ gblamɛ. Mǐ ɖó na tɛnkpɔn bo lɛkɔ yì ɖò azǎn klewun ɖé gudo bo na dó sixu gbɛ̀ kàn dó xóɖɔɖókpɔ́ ɔ nu. Nùxwlémɛ yɔyɔ̌ lɛ kpo wemaxɔmɛvi sín azɔ̌ lɛ kpo na nɔ jinjɔn sìn sisɛ xwè nú wemata lɛ wema Etɛ Biblu ka Sixu Kplɔ́n Mǐ? tɔn tɔn jí. Ðò finɛ ɔ, mǐ sixu mɔ nùkanbyɔ kpo wemafɔ kpo ɖevo lɛ, bɔ ye na d’alɔ mǐ bɔ mǐ na wá ba mɛ ɔ kpɔ́n alǒ zán Biblu kɛɖɛ dó kplɔ́n Biblu xá ɛ.

Ali ɖokpo géé wɛ kplá mɛ yì gbɛ̀ mɛ. (Mt 7:13, 14) Ðó mǐ nɔ ɖɔ xó nú mɛ e ɖò sinsɛn vovo lɛ mɛ é kpo mɛ e ɖó aca vovo lɛ é kpo wutu ɔ, nugbǒ Biblu tɔn e na dɔn ye mɛ ɖokpo ɖokpo lɛ é wɛ mǐ ɖó na nɔ xwlé ye. (1Ti 2:4) Enyi xota vovo Biblu tɔn lɛ má mǐ ganji, bonu ‘nugbǒ wɛn ɔ jijla ganji’ lɛ́ bí alɔ nú mǐ d’eji ɔ, awǎjijɛ mǐtɔn na jɛji, bɔ nugbǒ ɔ kpinkplɔn mɛ ɖevo lɛ na kpa mǐ.​—2Ti 2:15.

Gbɛtɔ́ lɛ gbɔn gbɛ̀ ɔ bǐ wɛ ɖó hudo gbɔdónúmɛ tɔn. (Nùt 4:1) Ðò Zǒsun ɔ blebu mɛ ɔ, mǐ na dó gǎn ɖò ali bunɔ ɖé nu bo na xwlé Atɔxwɛ, ee na ɖɔ xó dó gbɔdónúmɛ jí é mɛ. Mǎ xójlawema enɛ gbɔn fí bǐ. É ɖò mɔ̌ có, ɖó mǐ jló na ɖɔ xó xá mɛ lɛ tlɔlɔ bo na dó sixu dó gbɔ nú ye wutu ɔ, mǐ na sɔ́ xójlawema ɔ ɖ’ayǐ nú mɛ e ma ɖò xwégbe ǎ lɛ é ǎ.

NǓ E A SIXU ÐƆ É

“Mǐ bǐ wɛ ɖó hudo gbɔdónúmɛ tɔn hwebǐnu. Bɔ fitɛ mǐ ka sixu mɔ ɖè lo? [Xà 2 Kɔlɛntinu lɛ 1:3, 4.] Atɔxwɛ elɔ ɖɔ xó dó lee Mawu nɔ bló tuto gbɔdónúmɛ mɔhun tɔn gbɔn é jí.”

Enyi mɛ ɔ ɖó jlǒ bo yí xójlawema ɔ ɔ, . . .

XLƐ́ Ɛ VIDEO ETƐWU È KA ÐÓ NA KPLƆ́N BIBLU?

Enɛ gudo hǔn, xwlé Biblu kplɔnkplɔn ɛ.

SƆ́ MƐBAKPƆ́N SÍN NU ÐÓ TE

Kàn nǔ e a na na xósin tɔn hwenu e a na lɛkɔ wá é ɖé byɔ, ɖi “Etɛwu Mawu ka tin bɔ wuvɛ̌ mimɔ ɖè?”