Alɔdlɛ́ndónǔ Kplé gbɛzán kpó sinsɛnzɔ́ kpó tɔn sín azɔ̌wéma tɔn lɛ́
© 2023 Watch Tower Bible and Tract Society of Pennsylvania
6-12 NOVEMBRE
DƆKUN MAWUXÓ Ɔ TƆN ÐÉ LƐ́ | JƆBU 13-14
“Gbɛtɔ́ ka kú ɔ, é ka sixú lɛ́ wá gbɛ a?”
w99 15/10 3 akpá. 1-3
Jidɔ́ gbé nyinya
È WLÁN ɖɔ gbɛ gbɛtɔ́ tɔn ɔ, azǎn wɛ ɖ’é wú din é ɔ, é ko bló xwe 3500 mɔ̌ có, é ná bo tlɛ nyí ɖo égbé ɔ, mɛ kpɛɖé jɛ́n ná gbɛ́ ɖɔ nǔ kún nyí mɔ̌ ó. Hwebǐnu wɛ mɛ lɛ́ nɔ mɔ ɖɔ táan kpɛ e è nɔ nɔ wínnyáwínnyá mɛ ná, bɔ énɛ́ gúdo ɔ, è nɔ kpo bo nɔ kú é kún nɔ kpé mɛ ó. Énɛ́ wú ɔ, wlɛnwín jidɔ́ tɔn lɛ́ biba gba kpé sín hwenuxó mɛ káká jɛ din.
Ðo Jɔbu sín táan mɛ ɔ, Ejípunu lɛ́ nɔ ɖu kanlin lɛ́ sín ajiglokwín bá lɛ́ wínnyá dó wǔvɔ́. Nukɔnmɛ ɔ, nǔ tají e gbé nǔnywɛ́xwítíxwítízɔ́watɔ́ lɛ́ nɔ nya é ɖokpó wɛ nyí ɖɔ yě ná bló amasin alɔkpa ɖé bɔ é sixú d’alɔ bɔ è ná dɔ́ ji. Nǔnywɛ́xwítíxwítízɔ́watɔ́ hwenɛ́nu tɔn gěgé lin ɖɔ siká e gbɛtɔ́ bló é sixú ná gbɛ jɔmakú, bɔ nǔ ɖuɖu ɖo sikágannú mɛ sixú ná jidɔ́. Vodún Tao sɛntɔ́ Chine hwexónu tɔn tɔn lɛ́ lin ɖɔ yě sixú húzú lěe nǔvíkún lɛ́ nɔ w’azɔ̌ gbɔn ɖo gbɛtɔ́ lanmɛ é gbɔn wlɛnwín élɔ́ lɛ́ zínzán gblamɛ dó nɔ gbɛ káká sɔ́yi: tamɛ linlin, gbɔjɛ ɖiɖetɔ́n ɖo ali ɖé nu, kpó nǔɖé lɛ́ ɖuɖu kpó.
È tuun dó dobanúnǔtɔ́ Espagne tɔn e è nɔ ylɔ́ ɖɔ Juan Ponce de León é wú ɖɔ é ba jɔtɛn wǐnnyáwínnyá mɛ ninɔ tɔn magbokɔ. Dotóo xwe kanweko 18gɔ́ ɔ tɔn ɖé ɖɔ ɖo wěma tɔn Hermippus Redivivus mɛ ɖɔ è ní sú ɖyɔ̌vǐ e ɖo alɔjí lɛ́ é dó xɔ kpɛví ɖé mɛ ɖo xwejí sín táan mɛ, bo yí gbɔjɛ yětɔn dó go lɛ́ mɛ, bo ná zán jidɔ́ sín amasin ɖɔhun. É ɖo wɛn ɖɔ wlɛnwín énɛ́ lɛ́ ɖě kún w’azɔ̌ ó.
w15 15/4 32 akpá. 1-2
Atín e è gbo é ka sixú lɛ́ wú a?
Nú è sɔ́ olívutín, éé wǔtu tɔn nɔ cí kacakaca é jlɛ́ dó sɛ́dlutín jinganjingan Libáan tɔn wú ɔ, olívutín ɔ sixú nɔ ma hwɛ́n nǔɖé. Amɔ̌, olívutín lɛ́ ɖó nǔwúkpíkpé jí wǔ ɖé bo nɔ xo ninɔmɛ vɛ́ wǔ lɛ́ zlɛ́. Ðé lɛ́ nɔ dɔ́ ji nú xwe 1000 mɔ̌. Vun e olívutín sín ɖɔ lɛ́ nɔ vun é nɔ zɔ́n bɔ, è ná bo gbo è ɔ, é nɔ lɛ́ vɔ́ jɔ nú éɖée. Ényí ɖɔ tɔn lɛ́ kpo ɖo gbɛ jɛ́n wɛ ɔ, é ná lɛ́ wú kun.
Tɔ́gbó Jɔbu kú d’é jí ɖɔ ényí émí ná bo kú ɔ, émí ná lɛ́ wá gbɛ. (Jɔb 14:13-15) É zán atín ɖé sín kpɔ́ndéwú, bóyá olívutín ɖé dó ɖe xlɛ́ ɖɔ émí ɖó gǎnjɛwú ɖɔ Mawu ɖó nǔwúkpíkpé ɔ, bo ná fɔ́n émí sín kú. Jɔbu ɖɔ: “È gbo atín ɔ, atín hɛn ɔ, é ná ɖó nukún ɖɔ émí ná lɛ́ tɔ́n kun.” Ényí akú ɖaxó ɖó bónú jǐ wá wɔ́ ɔ, atínta olivutín e xú é ɖé tɔn sín ɖɔ lɛ́ sixú lɛ́ tɔ́n kun, bo ná “tɔ́n ama atínvú ɖɔhun.”—Jɔb 14:7-9.
w11 1/3 22 akpá. 5
“A ná ba ná mɔ”
Xó Jɔbu tɔn lɛ́ kplɔ́n nǔ ɖagbe ɖé mǐ dó Jexóva wú: É nɔ yí wǎn nú mɛ ɖěɖěe nɔ sɔ́ yěɖée d’alɔ mɛ n’i Jɔbu ɖɔhun, bo nɔ jó yěɖée dó, b’ɛ nɔ w’azɔ̌ ɖo yě wú bo nɔ sɔ́ yě dó húzú mɛ e sín nǔ nɔ nyɔ́ nukún tɔn mɛ lɛ́ é ɖó vo. (Ezayíi 64:7) Jexóva nɔ yí wǎn nú mɛsɛntɔ́ tɔn gbejínɔtɔ́ lɛ́. É nɔ “ba ná mɔ” gbejínɔtɔ́ tɔn ɖěɖěe ko kú lɛ́ é. Akɔwé ɖé ɖɔ ɖɔ xókwín Ebléegbe tɔn énɛ́ e è zán é ɔ, “é ɖo wɛn ɖɔ xókwín e ɖ’agbɔ̌n hú gǎn bɔ è nɔ zán dó ɖe jlǒ ɖaxó e è ɖó é xlɛ́ lɛ́ é ɖokpó wɛ.” Mɔ̌ wɛ, flín kɛ́ɖɛ́ wɛ Jexóva nɔ flín mɛsɛntɔ́ tɔn e ko kú lɛ́ é ǎ, loɔ, é nɔ lɛ́ ɖó jlǒ syɛ́nsyɛ́n bo ná fɔ́n yě wá gbɛ.
Nǔ xɔ akwɛ́ Biblu tɔn lɛ́ biba
it-1 412
Afín
Ényí è jlɛ́ nǔɖé dó afín wú ɔ, xlɛ́xlɛ́ wɛ è ɖe ɖɔ é kún hwɛ́n nǔɖé ó. Ði kpɔ́ndéwú ɔ, Ablaxámu yí gbe ɖo Jexóva nukɔn bo ɖɔ: “Kɔ́ kpó afín kpó yǎyá wɛ un nyí.” (Bǐ 18:27; kpɔ́n Eza 44:20; Jɔb 30:19.) Bɔ Jɔbu jlɛ́ gbɔdónúmɛtɔ́ enyíi tɔn lɛ́ sín xó dó ‘nǔnywɛ́xó e è ɖe sín afín mɛ lɛ́ é’ wú.—Jɔb 13:12, nwt.
13-19 NOVEMBRE
DƆKUN MAWUXÓ Ɔ TƆN ÐÉ LƐ́ | JƆBU 15-17
“Ma wa nǔ Elifázi ɖɔhun hwenu e a ɖo gbɔ dó nú mɛ wɛ é ó”
w05 15/9 26 akpá. 4-5
Nɔ gbí dɔn ɖo linlin masɔgbe lɛ́ nukɔn!
Azɔn atɔn e Elifázi ɖɔ xó lɛ́ é bǐ hwenu ɔ, linlin ɔ ɖɔ Mawu nɔ dó su sɔmɔ̌ bɔ, nǔ e mɛsɛntɔ́ tɔn lɛ́ nɔ wa é ɖě kún sixú nyɔ́ nukún tɔn mɛ ganjí ó wɛ é sɔ́ ɖ’ajo. Elifázi ɖɔ nú Jɔbu ɖɔ: “Hwiɖésú kpɔ́n! Mawu nɔ ɖeji dó wɛnsagun tɔn lɛ́ wú ǎ, é nɔ mɔ hwɛ nú mɛsɛntɔ́ tɔn énɛ́ lɛ́.” (Jɔbu 4:18) Elifázi wá ɖɔ dó Mawu wú ɖɔ: “Mawu ɖeji dó wɛnsagun tɔn lɛ́ lɔ wú ǎ, sɛ́xwé ɔ lɔ nɛ́ ma mɛ́ ɖo nukɔntɔn ǎ nɛ́.” (Jɔbu 15:15) Bɔ é kanbyɔ́ ɖɔ: “Ényí a nyí nǔjlɔ́jlɔ́watɔ́ ɔ, ani wɛ ná tɔ́n ɖ’é mɛ nú Nǔbǐwúkpétɔ́ ɔ?” (Jɔbu 22:3) Biludádi yí gbe nú linlin énɛ́ ɖó é ɖɔ: “Sun ɖésú za wě ɖo Mawu nukúnmɛ ǎ, sunví lɛ́ ɖésú za wě ɖo nukún tɔn mɛ ǎ.”—Jɔbu 25:5.
Mǐ ɖó ná ɖ’ayi te nú linlin mɔ̌hun lɛ́ ma wa nǔ dó mǐ wú ó. Yě sixú zɔ́n bɔ mǐ ná lin ɖɔ Mawu nɔ ɖó nukún nǔ ɖo mǐ sí zɛ xwé wú. Énɛ́ nɔ wa nǔ dó xɔ́ntɔn e mǐ zun xá Jexóva é wú. Gɔ́ ná ɔ, nú mǐ jó mǐɖée dó nú linlin mɔ̌hun ɔ, nɛ̌ mǐ ka ná wa nǔ gbɔn hwenu e è ná gbɛ́ nǔ nú mǐ é? Mǐ ná sɔ́ mǐɖée hwe bo yí gbe nú nǔgbɛ́númɛ ɔ ǎ, é nyɔ́ wa ɔ, mǐ sixú jɛ “wunvo ba Jexóva jí,” bo sixú jɛ akpɔ mɔ̌ dó wǔ tɔn jí. (Nǔnywɛ́xó 19:3) Énɛ́ ná wa nǔ dó mǐ wú tawun ɖo gbigbɔ lixo!
w15 15/2 9 akpá. 16
Xwedó kpɔ́ndéwú mɛɖéesɔ́hwe kpó xomɛnyínyɔ́ kpó tɔn Jezu tɔn
16 Xomɛnyínyɔ́xó mǐtɔn lɛ́. Xomɛ e mǐ nɔ nyɔ́ dó mɛ ɖěvo lɛ́ wú é nɔ sísɛ́ mǐ bɔ mǐ nɔ “ɖɔ xó dó dó gbɔ nú mɛ e ɖó linkpɔ́n lɛ́ é.” (1 Tɛ. 5:14) Étɛ́ lɛ́ mǐ ka sixú ɖɔ dó dó wǔsyɛ́n lanmɛ nú mɛ mɔ̌hun lɛ́? Mǐ sixú ɖe xlɛ́ yě ɖɔ nǔ yětɔn nɔ ɖu ayi mɛ nú mǐ nǔgbó nǔgbó dó dó wǔsyɛ́n lanmɛ nú yě. Mǐ sixú nɔ kpa yě dó nǔjɔnǔ mɛ dó d’alɔ yě bɔ yě ná mɔ ɖɔ émí ɖó jijɔ kpó nǔwúkpíkpé kpó ɖagbe lɛ́. Mǐ sixú nɔ flín yě ɖɔ Jexóva dɔn mǐ wá Vǐ súnnu tɔn gɔ́n, énɛ́ ɖo xlɛ́xlɛ́ wɛ ɖɔ mǐ ɖó ná xɔ akwɛ́ n’i. (Jaan 6:44) Mǐ sixú vɔ́ jiɖe ná yě ɖɔ Jexóva nɔ kpé nukún dó mɛsɛntɔ́ tɔn ɖěɖěe “ayi yětɔn gbadó lɛ́” é wú. (Ðɛh. 34:19) Xomɛnyínyɔ́xó mǐtɔn lɛ́ sixú dó gbɔ nú mɛ e ɖó hudó gbɔdónúmɛ tɔn lɛ́ é.—Nǔx. 16:24.
Nǔ xɔ akwɛ́ Biblu tɔn lɛ́ biba
w06 15/3 14 akpá. 11
Nǔ tají ɖěɖěe ɖo wěma Jɔbu tɔn mɛ lɛ́ é
7:9, 10; 10:21; 16:22—Xlɛ́xlɛ́ wɛ xó Jɔbu tɔn énɛ́ lɛ́ ka ɖe ɖɔ é kún ɖi nǔ nú fínfɔ́n sín kú ó a? Lěe gbɛ Jɔbu tɔn ná cí ɖo malínmálín mɛ é xó ɖɔ wɛ é ɖe. Étɛ́ ɖɔ wɛ é ka ɖe tawun? Nǔ e ɖɔ wɛ é ɖe é sixú ko nyí ɖɔ nú émí kú ɔ, mɛ e kpó émí kpó ɖo gbɛ ɖo táan ɖokpó ɔ mɛ lɛ́ é ɖě kún sɔ́ ná mɔ émí ó. Nú yědɛɛ ɔ, é sɔ́ ná lɛ́ kɔ yi xwé tɔn gbe ǎ, mɔ̌ jɛ́n é ma ná lɛ́ ɖó nukúnnúmɔjɛnǔmɛ ɖě káká jɛ hwenu e Mawu ɖó dó é ǎ ɔ nɛ́. Jɔbu sixú ko lɛ́ ɖo ɖiɖɔ wɛ ɖɔ mɛɖé kún sixú lɛ́ kɔ wá sín Ceɔ́lu mɛ wá gbɛ éɖésúnɔ ó. Nukúnɖíɖó fínfɔ́n sín kú tɔn énɛ́ e Jɔbu ɖó é za wě ɖo Jɔbu 14:13-15 mɛ.
20-26 NOVEMBRE
DƆKUN MAWUXÓ Ɔ TƆN ÐÉ LƐ́ | JƆBU 18-19
“Ma jó nǔɖitɔ́ hǎtɔ́ towe lɛ́ dó gbeɖé ó”
Nǔ e avǐ e Jezu ya lɛ é sixu kplɔ́n mǐ é
9 A sixu nɔ gudo nú mɛ ɖěɖee ɖò aluwɛ mɛ lɛ é. Avǐ kɛɖɛ wɛ Jezu ya xá Mali kpo Mata kpo ǎ, loɔ, é lɛ́ ɖótó ye, lobo lɛ́ dó gbɔ nú ye. Mǐ sixu wà nǔ ɖokpo ɔ nú mɛ ɖěɖee ɖò aluwɛ mɛ lɛ é. Dan nyí mɛxo agun tɔn ɖé, bo nɔ nɔ Australie; é ɖɔ: “Ee asì ce kú gudo é ɔ, un ɖó hudo alɔdó tɔn. Nɔví sunnu gegě kpo asì yetɔn lɛ kpo ɖò gbesisɔmɛ hwebǐnu bá ɖótó mì. Ye na tɛn mì bɔ un ɖè aluwɛ e mɛ un ɖè é xlɛ́, bɔ avǐ e un nɔ ya é ka nɔ lɛ́ d’akpɔ nú ye ǎ. Ye lɛ́ d’alɔ tawun tawun lɛ mì, ɖi mɔ̌to klɔ́klɔ́, axi xwléxwlé, nǔ ɖiɖa ɖò hwenu e un ma sixu kpé nǔ enɛ lɛ wu ǎ é. Gɔ́ na ɔ, hwɛhwɛ wɛ ye nɔ xoɖɛ ɖó kpɔ́ xá mì. Ye xlɛ́ ɖɔ xɔ́ntɔn nǔgbo kpo ‘nɔví sunnu e wu è sixu ɖeji dó ɖò wuvɛ̌ lɛ hwenu é’ kpo wɛ emi nyí.”—Nǔx. 17:17, nwt.
Hwenu e mɛvívɛ́ mǐtɔn ɖé jó jehovah sinsɛn dó é
16 Kpò ɖò gudo nɔ nú mɛ ɖevo e kpò ɖò gbeji ɖò xwédo ɔ mɛ lɛ é wɛ. Ye ɖó hudo wanyiyi kpo wusyɛn dó lanmɛ nú mɛ kpo tɔn towe dìn tawun hú ɖ’ayǐ tɔn. (Ebl. 10:24, 25) Hweɖelɛnu ɔ, mɛ ɖevo e kpò ɖò xwédo e mɛ è ɖè mɛɖé sín agun mɛ ɖè lɛ é nɔ ɖ’ayi wu ɖɔ mɛɖé lɛ kún sɔ́ nɔ ɖɔ xó xá emi ɖò agun ɔ mɛ ó, cí nǔ ɖɔ è ɖè emi lɔ sín agun mɛ wɛ ɖɔhun. Mǐ ba ɖɔ nǔ ni cí mɔ̌ nú ye ǎ. Mǐ ɖó na nɔ kpa mɛ winnyawinnya ɖěɖee mɛjitɔ́ yetɔn lɛ ma sɔ́ kpò ɖò Jehovah sɛn wɛ ǎ lɛ é, bo na nɔ lɛ́ dó wusyɛn lanmɛ nú ye. È ɖè Maria sín asú sín agun mɛ, b’ɛ lɛ́ jó xwédo tɔn dó. Maria ɖɔ: “Xɔ́ntɔn ce ɖé lɛ nɔ wá xwé ce gbè, bo nɔ ɖa nǔɖuɖu nú mǐ, lobo nɔ d’alɔ mì bɔ un nɔ kplɔ́n Biblu xá vǐ ce lɛ. Ye nɔ sè wuvɛ̌ xá mì, bo nɔ lɛ́ y’avǐ xá mì. Hwenu e mɛ lɛ jɛ adingbanxó lɛ fúnfún kpé dó wǔ ce jí é ɔ, ye lɛ́ jɛhun dó jǐ ce. Ye dó wusyɛn lanmɛ nú mì tawun.”—Hlɔ̌. 12:13, 15.
w90 1/9 22 akpá. 20
A ka ɖo gǎn dó wɛ a?
20 Kplékplé mɛxó lɛ́ tɔn ɖó ná tuun ɖɔ ényí mɛ e nyí nukúnkpénǔwútɔ́ alǒ mɛsɛntɔ́ agun tɔn kpɔ́n é ɖé ma sɔ́ ɖó wǔjɔmɛzɔ́ énɛ́ ǎ ɔ, énɛ́ sixú ɖó linkpɔ́n n’i, ényí é ná bo nyí ɖɔ éɖésú wɛ jó wǔjɔmɛzɔ́ énɛ́ dó ɔ nɛ́. Nú è ma ɖe nɔví súnnu ɔ sín agun mɛ ǎ bɔ mɛxó agun tɔn lɛ́ ɖ’ayi wú ɖɔ awakanmɛ kú i ɔ, yě ɖó ná dó wǔsyɛ́n lanmɛ n’i kpó wǎnyíyí kpó ɖo gbigbɔ lixo. (1 Tɛsaloníkinu lɛ́ 5:14) Yě ɖó ná d’alɔ ɛ b’ɛ ná tuun ɖɔ è ɖó hudó émítɔn ɖo agun ɔ mɛ. Ényí é ná bo tlɛ byɔ́ ɖɔ è ní ɖe wě xá mɛ ɔ ɔ, é ná lín cóbɔ mɛ e nɔ sɔ́ éɖée hwe, bo nɔ lɛ́ ɖe nǔsumɛnukúnmɛ xlɛ́ é ɖé ná mɔ wǔjɔmɛ ɖěvo lɛ́ ɖo agun ɔ mɛ ǎ.
Nǔ xɔ akwɛ́ Biblu tɔn lɛ́ biba
w94 1/10 32
Hlɔ̌nhlɔ́n e xomɛnyínyɔ́xó lɛ́ nɔ ɖó é
É ɖo mɔ̌ có, hwenu e Jɔbu ɖésúnɔ ɖó hudó wǔsyɛ́n dó lanmɛ nú mɛ tɔn é ɔ, Elifázi kpó gbɛ̌ tɔn lɛ́ kpó ɖɔ xomɛnyínyɔ́xó lɛ́ n’i ǎ. Yě dó hwɛ Jɔbu ɖó wǔvɛ́ tɔn lɛ́ wú bo ɖɔ ɖɔ hwɛ wɛ é ná ko hu, bo sɔ́ hwlá. (Jɔbu 4:8) Wěma The Interpreter’s Bible ɖɔ: “Nǔ e sín hudó Jɔbu ɖó é wɛ nyí ɖɔ gbɛtɔ́ ní se wǔvɛ́ xá ɛ. Sinsɛn-núkplɔ́nmɛ lɛ́ kpó walɔ ɖagbe xó maɖótaɖé lɛ́ kpó kɛ́ɖɛ́ jɛ́n è ka xwlé è.” Hwenu e Jɔbu se Elifázi kpó gbɛ̌ tɔn lɛ́ kpó sín xó é ɔ, awakanmɛ kú i sɔmɔ̌ bɔ é sú xó bo ɖɔ: “Xó e wlí ɖɔ wɛ mi ɖe, bo dó ɖo ayixa gbadó nú mì wɛ, bo dó ɖo tagba dó nú mì wɛ mɔ̌ ɔ, fítɛ́ ná yi fó dó wɛ é ɖe?”—Jɔbu 19:2.
Mǐ ɖó ná lɔn gbeɖé bɔ xó e mǐ nɔ ɖɔ ma lin tamɛ lɛ́ é, alǒ xó vɛ́ sin mǐtɔn lɛ́ ná zɔ́n bɔ mawusɛntɔ́ hǎtɔ́ mǐtɔn ɖé ná sú xó ɖó awakanmɛ kú i wútu ǎ. (Kpɔ́n Sɛ́nflínmɛ 24:15.) Nǔnywɛ́xó Biblu tɔn ɖé gb’akpá nú mǐ ɖɔ: “Xó ɔ, kú kpó gbɛ kpó bǐ wɛ ɖ’é mɛ; mɛ e yí wǎn nú xó ɔ, xó ɔ ji nǔɖé ɔ, é ná sɔ́ kpan.”—Nǔnywɛ́xó 18:21, MAWUXÓWÉMA.
ZĚ HWIÐÉE BǏ JÓ NÚ MAWUXÓÐIÐƆZƆ́ Ɔ
11 Nǔkplɔnmɛtɔ́ lɛ ɖó na nɔ ɖexlɛ́ nǔkplɔntɔ́ yetɔn lɛ ɖɔ nǔ yetɔn nɔ ɖu ayi mɛ nú emi tawun. Ye ɖó na nɔ kpɔ́n ye dó mɔ nɔví gbigbɔ tɔn sɔ tɔn yetɔn lɛ. (Xà 1 Tɛsaloníkinu lɛ́ 2:7, 8.) Xɔ́ntɔn e ye zun ɖò gbɛ̀ ɔ mɛ lɛ é jijodó kpo huzuhuzu e ɖò dandan lɛ é bǐ blobló bá dó sɛn Jehovah kpo nɔ bɔwǔ nú ye ǎ. Mǐ ɖó na d’alɔ ye bɔ ye na zun xɔ́ntɔn jɔ xɔ́ntɔn lɛ ɖò agun ɔ mɛ. Ma nɔ zán hwenu ɖó kpɔ́ xá nǔkplɔntɔ́ towe ɖò nǔkplɔnkplɔn ɔ hwenu kɛɖɛ ó, loɔ, nɔ lɛ́ zán hwenu xá ɛ ɖò ninɔmɛ ɖevo lɛ mɛ, enɛ ɔ, mi na vɛ́ hugǎn. Nɔ ylɔ́ ɛ ɖò alokan jí, nɔ wlán nǔ sɛ́dó è, alǒ nɔ yì ba ɛ kpɔ́n ɖò azǎn ɖevo lɛ jí bonu é ma nyí azǎn e gbè mi nɔ kplɔ́n nǔ lɛ é kɛɖɛ ó, enɛ ɔ, a na ɖexlɛ́ ɛ ɖɔ nǔ tɔn nɔ ɖu ayi mɛ nú we tawun.
12 Lǒ ɖé ɖɔ: “Tò wɛ nɔ kplɔ́n vǐ.” Mǐ sixu ɖɔ: “Agun ɖé blebu wɛ nɔ bló bɔ mɛɖé nɔ huzu ahwanvu.” Nǔ e wu mɛ ɖěɖee nyɔ́ nǔ kplɔ́n mɛ ganji lɛ é nɔ dó nǔkplɔntɔ́ yetɔn lɛ gesí nú mɛ ɖevo e ɖò agun ɔ mɛ, bo sixu d’alɔ ye bɔ ye na sɛkpɔ́ Jehovah lɛ é nɛ. Mɔ̌ mɛ ɔ, nǔkplɔntɔ́ lɛ sixu nɔ ɖu vivǐ gbɛ̌didó xá togun Mawu tɔn e sixu d’alɔ ye ɖò gbigbɔ kpo lee nǔ nɔ cí nú ye é kpo lixo é tɔn. Mǐ ba ɖɔ nǔkplɔntɔ́ ɖokpo ɖokpo ni mɔ ɖɔ emi ɖó tɛn ɖé ɖò agun ɔ mɛ, lobo ɖò xwédo gbigbɔ tɔn mǐtɔn mɛ. Mǐ ba ɖɔ wanyiyi e mɛ e ɖò xwédo gbigbɔ tɔn en ɔ mɛ lɛ é nɔ ɖexlɛ́ é ni dɔn nǔkplɔntɔ́ ɖokpo ɖokpo. Enɛ ɔ, é na bɔwǔ nú ye bɔ ye na ɖó gbɛ̌didó xá mɛ ɖěɖee ma na d’alɔ ye bɔ ye na yí wǎn nú Jehovah ǎ lɛ é te. (Nǔx. 13:20) Enyi xɔ́ntɔn yetɔn xóxó lɛ jó ye dó ɔ, ye na tuùn ɖɔ emi sixu mɔ xɔ́ntɔn jɔ xɔ́ntɔn lɛ ɖò tutoblonunu Jehovah tɔn mɛ.—Mak. 10:29, 30; 1 Pi. 4:4.
27 NOVEMBRE–3 DÉCEMBRE
DƆKUN MAWUXÓ Ɔ TƆN ÐÉ LƐ́ | JƆBU 20-21
“È nɔ jɛ dɔkun ɖó nǔjlɔ́jlɔ́wiwa wú ǎ”
w07 1/8 29 akpá. 12
A ka nyí “dɔkunnɔ ɖo Mawu nukúnmɛ” a?
12 Ðo xó e Jezu ɖɔ é mɛ ɔ, è ní nyí dɔkunnɔ ɖo Mawu nukúnmɛ gbɔn vo nú è ní xo nǔ agbaza tɔn lɛ́ kplé nú mɛɖée, alǒ jɛ dɔkun ɖo agbaza lixo. Mɔ̌ mɛ ɔ, Jezu ɖo ɖiɖɔ wɛ ɖɔ nǔ e ɖó ná nɔ ɖu ayi mɛ nú mǐ hú gǎn ɖo gbɛ mɛ é kún ɖó ná nyí nǔ agbaza tɔn lɛ́ xixokplé, alǒ nǔ e mǐ ɖó lɛ́ é sín vǐví ɖuɖu ó. É nyɔ́ wa ɔ, mǐ ɖó ná nɔ zán nǔ e mǐ ɖó lɛ́ é dó zun xɔ́ntɔn xá Jexóva alǒ vɛ́ kpó é kpó d’é jí. É ɖo wɛn ɖɔ mɔ̌ wiwa ná zɔ́n bɔ mǐ ná jɛ dɔkun ɖo Mawu nukúnmɛ. Étɛ́wú? Ðó énɛ́ nɔ zɔ́n bɔ é nɔ kɔn nyɔ̌ná gěgé dó mǐ jí. Biblu ɖɔ nú mǐ ɖɔ: “Nyɔ̌ná e Jexóva nɔ kɔn dó mɛ jí é wɛ nɔ dó dɔkun nú mɛ, É ka nɔ sɔ́ wǔvɛ́ ɖěbǔ gɔ́ ná ǎ.”—Nǔnywɛ́xó 10:22, nwt.
Nǔ xɔ akwɛ́ Biblu tɔn lɛ́ biba
w95 1/1 9 akpá. 19
Ðuɖu ɖo Satáan kpó nǔwiwa tɔn lɛ́ kpó jí
19 É nyɔ́ ɖɔ mǐ ní ɖ’ayi wú ɖɔ mɛsɛntɔ́ Mawu tɔn Jɔbu gbí dɔn ɖo ‘linlin e nɔ ɖó linkpɔ́n nú mɛ’ bɔ Satáan sɔ́ dó nu nú Elifázi kpó Sofáa kpó lɛ́ é nukɔn. (Jɔbu 4:13-18; 20:2, 3, nwt) Jɔbu se “wǔvɛ́” bɔ énɛ́ zɔ́n bɔ é “wlá nǔ ɖɔ” ɖó “xɛsi” e ɖo jǐ tɔn é wú. (Jɔbu 6:2-4; 30:15, 16) Elihu cí xwíí bo ɖótó Jɔbu, lobo d’alɔ ɛ dó nǔjɔnǔ mɛ nú é ná ɖó linlin e nǔnywɛ́ kpé bɔ Jexóva nɔ ɖó dó nǔ lɛ́ wú é. Mɔ̌ ɖokpó ɔ ɖo égbé ɔ, mɛxó agun tɔn ɖěɖěe nɔ mɔ nǔ jɛ nǔ mɛ lɛ́ é nɔ xlɛ́ ɖɔ émí nɔ kpé nukún dó mɛ e ayi yětɔn gbadó lɛ́ é wú, bo nɔ lɛ́ ‘dó cɔcɔ’ nú mɛ mɔ̌hun lɛ́ ǎ. É nyɔ́ wa ɔ, Elihu ɖɔhun ɔ, yě nɔ ɖótó yě kpó suúlu kpó, bo nɔ zán ami Mawuxó ɔ tɔn dó fá kɔ nú yě. (Jɔbu 33:1-3, 7; Jaki 5:13-15) Mɔ̌ mɛ ɔ, mɛ ɖěbǔ e linlin e nɔ ɖó adohu adohu nú mɛ lɛ́ é ɖo ya dó ná wɛ nǔgbó nǔgbó lɛ́ é, alǒ mɛ ɖěbǔ e lin mɔ̌ é, abǐ mɛ ɖěbǔ e ‘ɖo xɛsi jí ɖó dlɔ̌ kpó nǔmimɔ kpó’ wú é sixú mɔ gbɔdónúmɛ ɖo agun ɔ mɛ, bɔ è ná lɛ́ fá kɔ nú yě.—Jɔbu 7:14; Jaki 4:7.
ZĚ HWIÐÉE BǏ JÓ NÚ MAWUXÓÐIÐƆZƆ́ Ɔ
g 5/09 12-13
Hwenu e è ná jɛ dɔkun dó é ka ɖe wɛ a?
Ð’ayǐ ɔ, Jexóva Mawu sɔ́ dɔkun jijɛ ɖo agbaza lixo dó dó nú mɛsɛntɔ́ tɔn ɖé lɛ́ ɖi tɔ́gbó Jɔbu kpó Axɔ́sú Salomɔ́ɔ kpó mɔ̌. (1 Axɔ́sú lɛ́ 10:23; Jɔb 42:12) É ɖo mɔ̌ có, súnnu e nɔ ɖó sísí nú Mawu lɛ́ é gěgé tíin bo ɖó nǔ káká ɖé ǎ bɔ Jaan Batɛ́mublónúmɛtɔ́ ɔ kpó Jezu Klísu kpó ɖo yě mɛ. (Maki 1:6; Luki 9:58) Nǔ tají ɔ ɖíe: Sɔgbe xá Biblu ɔ, Mawu nɔ wa nǔ xá mɛsɛntɔ́ tɔn lɛ́ sɔgbe xá linlin tɔn ɖo hwe ɔ nu. (Nǔnywɛ́tɔ́xó 3:1) Nɛ̌ nǔgbódodó énɛ́ ka kan mǐ gbɔn ɖo égbé?
Nǔɖɔɖayǐ Biblu tɔn lɛ́ ɖe xlɛ́ ɖɔ “azǎn gǔdo gúdo tɔn gbɛ élɔ́ tɔn lɛ́” mɛ nɔ gbɛ ɖe wɛ mǐ ɖe. Hwe énɛ́ ɔ nu ɔ, ahwan, azɔn, adɔ, ayǐkúngban dán wǔ, hunnyahunnya to tɔn lɛ́ ná tíin. Ninɔmɛ énɛ́ lɛ́ ɖo nǔ wa dó gbɛ ɔ wú wɛ lěe é ma ko nyí gbɔn kpɔ́n ǎ é sín 1914. (Matíe 24:3; 2 Timɔtée 3:1-5; Luki 21:10, 11; Nǔɖexlɛ́mɛ 6:3-8) Ðo kléwún mɛ ɔ, gbɛ élɔ́ cí tɔjíhún e ɖo nǎ syɔ́ wɛ é ɖɔhun! Ðó hwɛjijɔ énɛ́ lɛ́ wú ɔ, é ná sɔgbe ɖɔ Mawu ní sɔ́ dɔkun dó dó nú mɛsɛntɔ́ tɔn lɛ́ ɖokpó ɖokpó a? Énɛ́ ná ɖo xixlɛ́ wɛ ɖɔ é ba ɖɔ mǐ ní nya nǔ ɖěvo lɛ́ gbé ǎ cé?
Jezu Klísu jlɛ́ hwenu mǐtɔn dó Nɔwée sín hwenu wú. Jezu ɖɔ: “Ðó lěe é nyí gbɔn ɖo Nɔwée hwenu é ɔ, mɔ̌ wɛ fí ɖiɖe Gbɛtɔ́ví ɔ tɔn lɔ ná cí. Ðo hwe énɛ́ nu, jɛ nukɔn nú Sinvɔgbɛ ɔ ɔ, mɛ lɛ́ ɖo nǔ ɖu wɛ bo ɖo ahan nu wɛ, súnnu lɛ́ ɖo asi da wɛ, bɔ è ɖo nyɔ̌nu lɛ́ ná asú wɛ, káká jɛ gbe e gbe Nɔwée byɔ́ tɔjíhún ɔ mɛ é, bɔ yě ɖó ayi ɖěbǔ nǔ e ɖo jijɛ wɛ é wú ǎ, káká bɔ Sinvɔgbɛ ɔ wá bo kplɔ́ yě bǐ yi. Lěe fí ɖiɖe Gbɛtɔ́ví ɔ tɔn ná cí é nɛ́.” (Matíe 24:37-39) Jezu lɛ́ sɔ́ azǎn mǐtɔn lɛ́ jlɛ́ dó Lɔti sín azǎn lɛ́ wú. Nɔzo Lɔti tɔn e ɖo Sodɔ́mu kpó Gomɔ́ɔ kpó lɛ́ é ɖo ‘nǔ ɖu wɛ, ɖo ahan nu wɛ, ɖo nǔ xɔ wɛ, ɖo nǔ sa wɛ, ɖo nǔkún dó wɛ bo ɖo xɔ gbá wɛ.’ Jezu ɖɔ: “Amɔ̌, gbe e gbe Lɔti tɔ́n sín Sodɔ́mu é ɔ, myɔ kpó hwemí kpó ja sín jǐxwé bo sú kún dó nú yě bǐ. Mɔ̌ ɖokpó ɔ wɛ é ná nyí ɖo gbe énɛ́ gbe hwenu e è ná ɖe Gbɛtɔ́ví ɔ xlɛ́ é.”—Luki 17:28-30.
É ɖo wɛn ɖɔ nǔɖé kún nylá ɖo nǔ ɖuɖu, ahan nunu, alɔwlíwlí, nǔ xixɔ kpó nǔ sisa kpó mɛ ó. Fí e awǒvinú ɔ ɖe é wɛ nyí ɖɔ mǐ ná sɔ́ mǐɖée bǐ jó nú nǔ énɛ́ lɛ́ káká bo sɔ́ ná tuun nǔ e myá nukún hú gǎn lɛ́ é ǎ. Énɛ́ wú ɔ, kanbyɔ́ hwiɖée ɖɔ: “Ðagbe mǐtɔn ba wɛ jɛ́n Mawu ná ɖe bo ná sɔ́ nǔ e ná fɛ́ ayi mǐtɔn lɛ́ é dó dó nú mǐ a?” Ényí é bló mɔ̌ ɔ, é ná wa ɖagbe ɖěbǔ nú mǐ ǎ. Mawu wǎnyíyínɔ ɔ nɔ wa nǔ gbɔn mɔ̌ ǎ!—1 Timɔtée 6:17; 1 Jaan 4:8.
KLISÁNWUN GBƐ ZÍNZÁN
g 9/15 6
Linlin tɛ́ a ka nɔ ɖó dó akwɛ́ wú?
Mɛɖée gbígbéjé kpɔ́n sixú d’alɔ we bɔ a ná nɔ flín ɖɔ é ɖo dandan ɖɔ a ní nɔ ɖó linlin e ɖo jlɛ̌ jí é dó akwɛ́ wú. Ði kpɔ́ndéwú ɔ, kan nǔ élɔ́ lɛ́ byɔ́ hwiɖée:
Tuto dɔkun jijɛ zogbe tɔn lɛ́ ka nɔ dɔn mì wɛ a?
lɔ hunhun dó ná akwɛ́ mɛ ka nɔ vɛ́ wǔ nú mì wɛ a?
n ka nɔ ba ná zun xɔ́ntɔn xá mɛ ɖěɖěe nɔ ɖo xó ɖɔ dó akwɛ́ kpó nǔɖókan kpó yětɔn lɛ́ wú wɛ hwebǐnu lɛ́ é wɛ a?
Un ka nɔ ɖ’adingban alǒ nɔ zán wlɛnwín ɖěɖěe ma sɔgbe xá nǔgbódodó walɔ ɖagbe tɔn ǎ lɛ́ é bá dó mɔ akwɛ́ wɛ a?
Akwɛ́ ɖíɖó ka nɔ zɔ́n bɔ un nɔ mɔ ɖɔ un nyí mɛjɔmɛ wɛ a?
Un ka nɔ ɖo tamɛ lin dó akwɛ́ jí wɛ hwebǐnu wɛ a?
Linlin e un nɔ ɖó d’akwɛ́ wú é ka ɖo nǔ wa dó lanmɛ ce kpó gbɛzán xwédo tɔn ce kpó wú wɛ a?
Ényí a ɖɔ ɛɛn nú nǔkanbyɔ́ énɛ́ lɛ́ ɖě hǔn, tɛ́n kpɔ́n bo nyi alɔ nú linlin kpó jlǒ kpó nǔ agbaza tɔn lɛ́ tɔn ɖíɖó. Nyi alɔ nú gbɛ̌ dídó xá mɛ ɖěɖěe nɔ mɔ ɖɔ akwɛ́ kpó nǔɖókan lɛ́ kpó ɖíɖó ɖo tají zɛ xwé wú lɛ́ é. É nyɔ́ wa hǔn, nɔ dó gbɛ̌ xá mɛ ɖěɖěe nɔ sɔ́ nǔgbódodó walɔ ɖagbe tɔn lɛ́ ɖ’ajo hú nǔɖókan lɛ́ é.
Ma lɔn gbeɖé nú wǎn yí nú akwɛ́ dó ɖɔ do ɖo ayi towe mɛ ó. É nyɔ́ wa hǔn, sɔ́ akwɛ́ ɖó tɛn e mɛ é ɖó ná nɔ é, énɛ́ wɛ nyí ɖɔ xɔ́ntɔn towe lɛ́, xwédo towe, lěe nǔ nɔ cí nú we é kpó lanmɛ ná nɔ ganjí towe kpó ní jɛ nukɔn n’i. Nú a ɖo mɔ̌ wa wɛ ɔ, a ná xlɛ́ ɖɔ émí nɔ ɖó linlin e ɖo jlɛ̌ jí é d’akwɛ́ wú.
Ba Axɔ́súɖuto ɔ, ní ma nyí nǔ lɛ́ ó
1 È NƆ ɖɔ ɖɔ nǔ kpɛɖé sín hudo wɛ gbɛtɔ́ nɔ ɖó, nǔ e ka nɔ jló gbɛtɔ́ é ɖó dogbó ǎ. É cí ɖɔ mɛ gègě kún tuùn vogbingbɔn e ɖò hudo agbaza tɔn lɛ kpo jlǒ agbaza tɔn lɛ kpo tɛntin é ó ɖɔhun. Vogbingbɔn tɛ ka ɖò ye mɛ? “Hudo” ɔ, nǔ e a ɖó na ɖó é wɛ, ɖó é kàn gbɛ̀ towe. Nùɖuɖu, nǔzinzan, kpo xɔ kpo nyí dandannú e sɔgbe lɛ é. “Jlǒ” ɔ, nǔ e a ba bo na ɖó é wɛ, b’ɛ ka ɖò dandan cobɔ a na nɔ gbɛ̀ ǎ.
2 Nǔ e nɔ jló gbɛtɔ́ lɛ é sixu gbɔn vo tawun dó yeɖée lɛ tɔn, ɖó fí e ye nɔ nɔ é wu. Ðò tò e ɖò yeɖée nyí wɛ lɛ é mɛ ɔ, mɛ gègě sixu jló kpowun bo na mɔ akwɛ bo xɔ alokan, zokɛkɛ, alǒ ayikúngban klewun ɖé. Ðò tò e ko nyí yeɖée lɛ é mɛ ɔ, nǔ e nɔ mya nukún é sixu nyí avɔgbá kpinkpɛn ɖé, xwé ɖaxó ɖé, alǒ mɔ̌to axivɛ́nú ɖé. Awovinú ɖé ka ɖò ninɔmɛ enɛ lɛ bǐ mɛ, é wɛ nyí ɖɔ, è sixu jɛ fɛ́ca nukúnkɛ́ndídó tɔn mɛ, bo na nɔ ɖò nǔ gègě ba d’eji wɛ kpowun, enyi mǐ ɖó hudo yetɔn kpo mǐ gbɔ kpo alǒ mǐ ɖó akwɛ yetɔn kpo mǐ gbɔ kpo ɔ nɛ.
w14 15/4 21 akpá. 17
Mɛ ɖěbǔ sixú nyí kannumɔ nú gǎn we ǎ
17 Tɔ́ mǐtɔn Jexóva d’akpá ɖɔ ényí mǐ sɔ́ Axɔ́súɖuto émítɔn kpó nǔjlɔ́jlɔ́wiwa émítɔn kpó ɖó tɛn nukɔntɔn ɔ mɛ ɖo gbɛzán mǐtɔn mɛ ɔ, émí ná nɔ d’’alɔ mǐ bɔ mǐ ná nɔ mɔ nǔ e sín hudó mǐ ɖó nǔgbó nǔgbó lɛ́ é. (Mat. 6:33) Mɔ̌ mɛ ɔ, ali nɔ hun nú klisánwun nǔgbó lɛ́ hwebǐnu bɔ yě ná wá gbeta ɖé kɔn. Jexóva d’akpá ɖɔ nú mǐ ná bo ɖo tagba ɖěbǔ ɖí xwi xá wɛ ɔ, émí ná “ɖe ali e [mǐ] ná gbɔn bo tɔ́n sín mɛ,” bɔ é ma ná byɔ́ ɖɔ mǐ ní tɛ afɔ nǔgbódodó Biblu tɔn lɛ́ jí ǎ é nú mǐ. (Xa 1 Kɔlɛ́ntinu lɛ́ 10:13.) Ényí mǐ ‘nɔ te kpɔ́n’ Jexóva bo ‘ma hwlɛ́n dó ǎ’ ɔ, ényí mǐ nɔ ‘gán jɛ wǔ tɔn’ gbɔn ɖɛ xixo dó byɔ́ nǔnywɛ́ kpó wěɖexámɛ kpó tɔn lɛ́ gblamɛ, lobo nɔ xwedó gbeɖiɖe tɔn lɛ́ kpó nǔgbódodó tɔn lɛ́ kpó ɔ, “é ná wa azɔ̌ tɔn.” (Ðɛh. 37:5, 7) É ná nɔ ɖo dǐdó nǔ gǎn ɖěɖěe mǐ nɔ dó dó nǔjɔnǔ mɛ, bá sɔ́ éɖokpónɔ dó ɖó Gǎn mǐtɔn lobo sɛn ɛ lɛ́ é wɛ. Ényí mǐ sɔ́ ɛ ɖó tɛn nukɔntɔn ɔ mɛ ɔ, é ná bló bɔ nǔ bǐ ná nɔ ɖo ‘yiyi nú mǐ wɛ’ ɖo gbɛ mǐtɔn mɛ.—Kpɔ́n Bǐbɛ́mɛ 39:3.
4-10 DÉCEMBRE
DƆKUN MAWUXÓ Ɔ TƆN ÐÉ LƐ́ | JƆBU 22-24
“Gbɛtɔ́ sixú jɛ alɔ nú Mawu a?”
w05 15/9 27 akpá. 1-3
Gbǐ dɔn ɖo linlin nyanya lɛ́ nukɔn!
Linlin ɖěvo e sɛkpɔ́ éé ɖɔ ɖɔ Mawu nɔ dó su dín é wɛ nyí linlin ɔ ɖɔ Mawu nɔ mɔ ɖɔ gbɛtɔ́ kún nyí nǔɖéwanú ó. Elifázi kan nǔ élɔ́ byɔ́ hwenu e é yí xó azɔn atɔngɔ́ ɔ é: “Gbɛtɔ́ sixú jɛ alɔ nú Mawu a? Gbeɖé kpɔ́n! Gbɛtɔ́ e ɖó nǔnywɛ́ ɔ, éɖésúnɔ jɛ́n é sixú jɛ alɔ ná.” (Jɔbu 22:2) Ðiɖɔ wɛ Elifázi ɖe ɖɔ gbɛtɔ́ kún nyí nǔɖéwanú nú Mawu ó. Biludádi lɔ xo nǔ dó akpa ɖokpó ɔ mɛ bo ɖɔ: “Nɛ̌ gbɛtɔ́ ka sixú nyí hwɛjijɔnɔ ɖo Mawu nukɔn gbɔn? Nɛ̌ é sixú nyí mɛ mímɛ́ gbɔn?” (Jɔbu 25:4) Sɔgbe xá linlin énɛ́ ɔ, nɛ̌ Jɔbu, éé nyí gbɛtɔ́ yǎyá e sixú kú é ka sixú lin ɖɔ émí ná nyí hwɛjijɔnɔ ɖo Mawu nukɔn gbɔn?
Mɛ gěgé nɔ ɖó linlin masɔgbe lɛ́ dó yěɖée wú ɖo égbé. Nǔ élɔ́ lɛ́ sixú ko ɖo nǔ e wú nǔ nɔ nyí mɔ̌ lɛ́ é mɛ: xwédo e mɛ è jɔ ɖe é, xwi ɖíɖí xá tagba gbɛmɛ tɔn lɛ́, alǒ wǎngbɛ́númɛ ɖó sinmɛ agbaza tɔn mɛtɔn abǐ akɔ mɛtɔn wú. Amɔ̌, wǔvɛ́ ɖíɖó nú mɛ nɔ víví nú Satáan kpó awǒvi tɔn lɛ́ kpó tawun. Ényí yě sixú bló bɔ mɛɖé ná mɔ ɖɔ émí kún sixú wa nǔɖé dó nyɔ́ Mawu Nǔbǐwúkpétɔ́ ɔ nukúnmɛ ó ɔ, énɛ́ ná zɔ́n bɔ blǒbló bónú wǔ ná kú mɛ ɔ ná bɔ wǔ nú yě hú gǎn. Nukɔnmɛ ɔ, mɛ mɔ̌hun sixú wá zɛ gbě, bo tlɛ sixú jɛ zɔ nú Mawu gbɛɖe ɔ.—Eblée lɛ́ 2:1; 3:12.
Mɛxóxwe kpó lanmɛ ma ɖo ganjí kpó nɔ ɖó dogbó ɖé lɛ́ nú mǐ. Nǔ e mǐ ɖo wiwa wɛ hwenu e mɛxóxwe kpó lanmɛ ma ɖo ganjí kpó ɖó dogbó nú mǐ é sixú hwe tawun ɖo nukún mǐtɔn mɛ, ényí mǐ nɔ sɔ́ jlɛ́ dó nǔ e mǐ wa ɖo sinsɛnzɔ́ ɔ mɛ hwenu e mǐ ɖo wǐnnyáwínnyá mɛ, lanmɛ mǐtɔn ɖo ganjí, bɔ mǐ lɛ́ ɖó hlɔ̌nhlɔ́n é wú ɔ nɛ́. É ɖo tají tawun ɖɔ mǐ ní tuun ɖɔ Satáan kpó awǒvi tɔn lɛ́ kpó nɔ ba ɖɔ mǐ ní lin ɖɔ nǔ e mǐ nɔ wa é kún nɔ nyɔ́ ganjí Mawu nukúnmɛ ó! Mǐ ɖó ná nɔ gbí dɔn ɖo linlin mɔ̌hun nukɔn.
w95 15/2 27 akpá. 6
Lěe è sixú ɖe ɖɛ tagba lɛ́ gbɔn é sín kpɔ́ndéwú ɖé
Xɔ́ntɔn Jɔbu tɔn atɔn lɛ́ dó awakanmɛ kú n’i ɖó linlin yěɖésúnɔ tɔn e yě ɖɔ bɔ é ma nyí Mawu tɔn ǎ lɛ́ é wú. Elifázi lɛ́ yi nukɔn hú mɔ̌ bo ɖɔ ɖɔ ‘Mawu kún nɔ ɖi nǔ nú mɛsɛntɔ́ tɔn lɛ́ ó,’ bɔ nú Jɔbu nyí nǔjlɔ́jlɔ́watɔ́ alǒ gbɔ ɔ, énɛ́ kún ɖɔ nǔɖé nú Jexóva ó. (Jɔbu 4:18; 22:2, 3) É ná vɛ́ wǔ bɔ è ná mɔ adingban e ná lɛ́ dó awakanmɛ kú nú mɛ hú énɛ́ é! Nǔ e Jexóva wá gbɛ́ nú Elifázi kpó gbɛ̌ tɔn lɛ́ kpó ɖó nu nylá dó Mawu wú sín xó énɛ́ lɛ́ wú é kpácá mɛ ǎ. É ɖɔ: “Mi ɖɔ xó ce dó jlɔ̌jlɔ́ jí ǎ.” (Jɔbu 42:7) Amɔ̌, xó e nylá hú mɔ̌ é lɛ́ kpo ɖo nukɔn.
w03 15/4 14-15 akpá. 10-12
Mɛ wínnyáwínnyá ɖěɖěe nɔ hɛn xomɛ Jexóva tɔn hun lɛ́ é
10 Lěe Biblu ɖe xlɛ́ gbɔn é ɔ, ényí gbejíninɔ Jɔbu tɔn kɛ́ɖɛ́ wú wɛ Satáan mɔ xó ɖɔ dó ǎ, loɔ, é lɛ́ mɔ xó ɖɔ dó mɛ ɖěvo e nɔ sɛn Mawu lɛ́ é bǐ tɔn wú, káká jɛ towe lɔ jí. Nǔgbó ɔ, hwenu e Satáan ɖo xó ɖɔ dó gbɛtɔ́ lɛ́ bǐ wú wɛ é ɔ, é ɖɔ: “Gbɛtɔ́ [é nyí Jɔbu kɛ́ɖɛ́ ǎ] nɔ́ jó nǔ e é ɖó ɔ bǐ bo nɔ dó hwlɛ́n gbɛ éɖée tɔn gán.” (Jɔbu 2:4) A mɔ azɔ̌ e nyí towe ɖo xó tají énɛ́ mɛ é a? Lěe Nǔnywɛ́xó 27:11 xlɛ́ gbɔn é ɔ, Jexóva ɖo ɖiɖɔ wɛ ɖɔ a sixú ná nǔɖé émí bɔ émí ná zɔn d’é wú bo ná xósin Satáan, nǔɖɔbamɛtɔ́ tɔn. Dǒ nukún mɛ bo kpɔ́n! Nǔbǐwúkpétɔ́ wɛ̌kɛ́ ɔ tɔn ɖo byɔ̌byɔ́ we wɛ ɖɔ hwi ní wá ɖ’alɔ ɖo xó ɖaxó hú gǎn e ɖo atɛ jí é ɖiɖeɖɛ mɛ. Azɔ̌ ɖaxó éé lɛ́ nyí wǔjɔmɛ ɖaxó é ɖé wɛ! A ka ná wa nǔ e byɔ́ we wɛ Jexóva ɖe é a? Jɔbu wa mɔ̌. (Jɔbu 2:9, 10) Jezu kpó gbɛtɔ́ maxamaxa ɖěvo lɛ́ kpó wa mɔ̌ ɖo hwenuxó mɛ, káká jɛ mɛ wínnyáwínnyá gěgé jí. (Filípunu lɛ́ 2:8; Nǔɖexlɛ́mɛ 6:9) A sixú wa nǔ ɖokpó ɔ. Ma blɛ́ hwiɖée ó, ɖó a sixú gɔn akpá ɖé xwé nɔ ɖo xó énɛ́ mɛ ǎ. A ná ɖe xlɛ́ gbɔn nǔwiwa towe lɛ́ gblamɛ ɖɔ Satáan nǔɖɔbamɛtɔ́ ɔ alǒ Jexóva kpáxwé wɛ a ɖe. Mɛ̌ gúdo a ka ná wá gbeta ɔ kɔn bá nɔ?
Jexóva nɔ kpé nukún dó wǔ we!
11 Gbeta e kɔn a nɔ wá lɛ́ é ka nɔ ɖɔ nǔɖé nú Jexóva dóó a? Mɛ e ko nɔ gbejí n’i lɛ́ é ko kpé bónú é ná ná xósin e sɔgbe é Satáan ǎ cé? Nǔgbó wɛ ɖɔ Awǒvi ɖɔ ɖɔ mɛ ɖěbǔ kún nɔ sɛn Jexóva ɖó mɛ ɔ yí wǎn n’i wútu ó, amɔ̌, è ko ɖe xlɛ́ ɖɔ adingban wɛ xó énɛ́ nyí. É ɖo mɔ̌ có, Jexóva ba ɖɔ a ní nɔ Nǔbǐwúkpétɔ́ e é nyí é kpáxwé ɖó é nɔ ɖ’ayi hwiɖésúnɔ mɛtún ɔ wú wútu. Jezu ɖɔ: “Tɔ́ ce e ɖo jǐxwé é ba ɖěbǔ ɖɔ mɛ kpɛví élɔ́ lɛ́ ɖokpó vɔ́vɔ́ ní dɔn ǎ.”—Matíe 18:14.
12 É ɖo wɛn ɖɔ gbeta e kɔn mǐ nɔ wá é nɔ ɖu ayi mɛ nú Jexóva. Hú mɔ̌ ɔ, énɛ́ sixú hɛn xomɛ tɔn hun, alǒ zɔ́n bɔ wǔ kú i. Biblu ɖe xlɛ́ nyi wɛn ɖɔ nǔ ɖagbe alǒ nyanya e gbɛtɔ́ lɛ́ nɔ wa lɛ́ é sixú flɔ́ zo dó glɔ̌ nú lěe nǔ nɔ cí nú Jexóva é tawun. Ði kpɔ́ndéwú ɔ, hwenu e Izlayɛ́li ví lɛ́ fɔ́n gǔ azɔn mɔ̌kpán é ɔ, ‘wǔ kú’ Jexóva. (Ðɛhan 78:40, 41, nwt) Jɛ nukɔn nú Sinvɔgbɛ ɔ ɖo Nɔwée hwenu ɔ, “hwenu e [Jexóva mɔ bɔ] dǎkaxixo gbɛtɔ́ tɔn sukpɔ́ é ɔ,” “é vɛ́” n’i. (Bǐbɛ́mɛ 6:5, 6) Lin tamɛ dó nǔ e énɛ́ ɖo xlɛ́xlɛ́ wɛ é jí. Ényí a wlí ali nyanya ɔ, a sixú ɖó wǔvɛ́ nú Gbɛɖótɔ́ towe. Xlɛ́xlɛ́ wɛ énɛ́ ɖe ɖɔ Mawu vɔ́ da alǒ nɔ jó éɖée dó nú lěe nǔ nɔ cí n’i é ǎ. É nyɔ́ wa ɔ, é yí wǎn nú we, ganjíninɔ towe nɔ ɖu ayi mɛ n’i. Ðo alɔ ɖěvo mɛ ɔ, nú a wa nǔ e sɔgbe é ɔ, xomɛ nɔ hun Jexóva. Ényí ali e nɔ lɛ́ hun n’i bɔ é ná ná xósin Satáan é kɛ́ɖɛ́ wú wɛ xomɛ nɔ hun i ǎ, xomɛ nɔ lɛ́ hun i ɖó é sixú lɛ́ húzú Ajɔdómɛtɔ́ towe. Mɛ e ba ná nyí nú we wɛ é ka ɖe é nɛ́. (Eblée lɛ́ 11:6) Tɔ́ wǎnyíyínɔ ɖé wɛ Jexóva Mawu nyí nú we.
Nǔ xɔ akwɛ́ Biblu tɔn lɛ́ biba
w04 15/7 21-22
Nya nǔ gbigbɔ tɔn lɛ́ gbé dó kpa susu nú Gbɛɖótɔ́ towe
Lin tamɛ dó lěe Jexóva bló bɔ linlin e é ɖó bo ná dá wɛ̌kɛ́ ɔ, bɔ ayǐkúngban ɔ lɔ ɖ’é mɛ é jɛnu gbɔn é jí. Xógbe “zǎn kú, bɔ ayǐ hɔ́n” ɔ ɖe xlɛ́ ɖɔ Jexóva ɖe hwenu ɖěɖěe é sɔ́ ɖó te bo dó dá nǔ lɛ́ ɖě jɛ ɖě gúdo é ɖó vovo. (Bǐbɛ́mɛ 1:5, 8, 13, 19, 23, 31) Ðo bǐbɛ́mɛ nǔ lɛ́ dídá sín hwenu ɖokpó ɖokpó tɔn ɔ, é nɔ ko tuun nǔ e ná wa wɛ é ɖe, alǒ linlin e é ɖó nú azǎn énɛ́ é ganjí. Mɔ̌ mɛ ɔ, Mawu bló bɔ linlin e é ɖó bo ná dá nǔ lɛ́ é jɛnu. (Nǔɖexlɛ́mɛ 4:11) Tɔ́gbó Jɔbu ɖɔ: “Mɛ̌ wɛ sixú sú ali dó [Jexóva]? Nǔ e jló è ɔ wɛ é nɔ wa.” (Jɔbu 23:13) É ná ko jɛmɛ nú Jexóva tawun hwenu e é mɔ ‘nǔ e é bló lɛ́ é bǐ,’ bo ɖɔ ɖɔ “nǔ ɖagbe wɛ yě nyí tawun” é.—Bǐbɛ́mɛ 1:31.
Nú nǔ e gbé nya wɛ mǐ ɖe lɛ́ é ná jɛnu ɔ, mǐ lɔ ɖó ná jló tawun bá wa yě. Étɛ́ ka ná d’alɔ mǐ bɔ mǐ ná ɖó jlǒ syɛ́nsyɛ́n mɔ̌hun? É ná bo tlɛ nyí hwenu e ayǐkúngban ɔ ma ko jɔ ǎ bɔ nǔɖé ma ko ɖ’é jí ǎ é ɔ, Jexóva kpé wú bo mɔ lěe é ná wá cí é sɛ́ dó. Énɛ́ wɛ nyí nǔ xɔ akwɛ́ ɖɛkpɛ ɖɛkpɛ ɖé ɖo jɔhɔn mɛ, bo ná nɔ kpa susu n’i, bo sɔ́ ɛ su. Mɔ̌ ɖokpó ɔ, tamɛ linlin dó nǔ e mɛ nǔ e gbé nya wɛ mǐ ɖe é ná tɔ́n kɔ dó lɛ́ é kpó le e é ná hɛn wá lɛ́ é kpó jí sixú ná hlɔ̌nhlɔ́n jlǒ e mǐ ɖó ba wa nǔ ɔ é. Lěe é nyí gbɔn nú Tony e ɖó xwe 19 é nɛ́. É wɔn lěe nǔ cí n’i azɔn nukɔntɔn e é ɖi sa yi alaxɔ Kúnnuɖetɔ́ Jexóva tɔn lɛ́ tɔn ɖo Gbadahwe jí Elɔ́pu tɔn é ǎ. Sín hwenɛ́nu ɔ, nǔ e jí Tony nɔ lin tamɛ dó é jɛ́n nyí: ‘Nɛ̌ fí mɔ̌hun ninɔ bo sɛn Jexóva ɖo fínɛ́ ka ná cí?’ Tony gɔn tamɛ lin d’é jí kpɔ́n ǎ, bo kpo ɖo gbě tɔn nya wɛ. É víví n’i tawun hwenu e é d’alɔ wěma mɛ bá wa sinsɛnzɔ́ ɖo Betɛ́li bɔ xwe gěgé gúdo ɔ, è yí gbe é!
ZĚ HWIÐÉE BǏ JÓ NÚ MAWUXÓÐIÐƆZƆ́ Ɔ
17 Jezu kpò ɖò linlin e sɔgbe é ɖó wɛ, bo nɔ lɛ́ jlá Mawuxó ɔ, é na bo tlɛ nyí hwenu e mɛ lɛ gbɛ́ wɛn tɔn é ɔ nɛ. Aniwu? É tuùn lě dò mɛ lɛ ɖó hudo nǔgbo ɔ tɔn sɔ é, bo jló na dó wɛn Axɔ́suɖuto ɔ tɔn mɛ gegě lee é kpéwú gbɔn é. É lɛ́ tuùn ɖɔ mɛ e gbɛ́ wɛn ɔ ɖò bǐbɛ̌mɛ é ɖé lɛ na wá yí wɛn ɔ ɖò nukɔnmɛ. Ðǒ ayi nǔ e jɛ ɖò xwédo éɖesu tɔn mɛ é wu. Ðò xwè atɔn adaɖé e Jezu zán dó ɖɔ Mawuxó na lɛ é mɛ ɔ, nɔví tɔn ɖokpo lě huzu ahwanvu tɔn ǎ. (Jaan 7:5) Amɔ̌, ɖò fínfɔ́n sín kú tɔn gudo ɔ, ye huzu Klisanwun.—Mɛ. 1:14.
18 Mǐ tuùn mɛ e na wá sɛn Jehovah lɛ é ǎ. Mɛɖé lɛ nɔ yawǔ yí wɛn mǐtɔn, mɛ ɖevo lɛ ka nɔ wà mɔ̌ ǎ. Mɛ ɖěɖee ma tlɛ nɔ ba na sè xó mǐtɔn ǎ lɛ é nɔ ɖó ayi walɔ ɖagbe kpo linlin ɖagbe e mǐ ɖó é kpo wu, bo sixu wá ‘jɛ susu kpa nú Mawu jí.’—1 Pi. 2:12.
19 Nǔgbo wɛ ɖɔ mǐ nɔ tun atín, bo nɔ lɛ́ hú sin na, amɔ̌, mǐ ɖó na nɔ flín ɖɔ Mawu wɛ nɔ bló b’ɛ nɔ sù. (Xà 1 Kɔlɛ́ntinu lɛ́ 3:6, 7.) Nɔví sunnu ɖé nɔ nɔ Éthiopie, bo ɖɔ: “Nú xwè 20 jɛji ɔ, nyiɖokponɔ wɛ nyí Kúnnuɖetɔ́ ɖò xá e mɛ un nɔ nɔ é. Amɔ̌ dìn ɔ, wɛnjlatɔ́ 14 wɛ ɖò fí. Mɛ 13 bló baptɛm; asì ce kpo vǐ ce atɔn lɛ kpo ɖò mɛ enɛ lɛ mɛ. Mɛ 32 wɛ nɔ wá kplé lɛ hwɛhwɛ.” Xomɛ nɔ hun nɔví sunnu enɛ ɖɔ é kpò ɖò wɛnɖagbe ɔ jlá wɛ, bo nɔ lɛ́ ɖó suúlu, lobo ɖò te kpɔ́n Jehovah ɖɔ é na dɔn ayijlɔjlɔnɔ lɛ wá tutoblonunu Tɔn mɛ.—Jaan 6:44.
20 Gbɛ̀ gbɛtɔ́ lɛ bǐ tɔn wɛ xɔ akwɛ ɖò Jehovah nukúnmɛ. É jɔwǔ mǐ bonu mǐ na w’azɔ̌ ɖó kpɔ́ xá Vǐ tɔn, bo na xò gbɛtɔ́ e gosin akɔta lɛ bǐ mɛ lɛ é kplé cobonu gbɛ̀ ɔ na vɔ. (Ajée 2:7) Wɛnɖagbejijlazɔ́ mǐtɔn cí gbɛhwlɛngán sín azɔ̌ ɖé ɖɔhun. Mǐ cí mɛ e ɖò gbɛ̌ta gbɛhwlɛngán tɔn ɖé mɛ lɛ é ɖɔhun, bɔ è sɛ́ mǐ dó bonu mǐ na yì hwlɛn mɛ ɖěɖee ɖò tɔjihun e ɖò syɔ́syɔ́ wɛ é mɛ lɛ é. Mɛ e ɖò gbɛ̌ta gbɛhwlɛngán tɔn enɛ mɛ lɛ é klewun ɖé jɛn sixu mɔ mɛɖé bo hwlɛngán có, ye bǐ wɛ ka w’azɔ̌ titewungbe ɖé. Nǔ ɖokpo ɔ wɛ é nyí nú azɔ̌ e mǐ nɔ wà ɖò sinsɛnzɔ́ ɔ mɛ é. Mǐ tuùn mɛ nabi e kpò bɔ è na lɛ́ hwlɛn ɖò gbɛ̀ Satáan tɔn mɛ é ǎ. Jehovah ka sixu zán mǐ mɛ ɖebǔ bɔ mǐ na d’alɔ ye. Andreas e nɔ nɔ Bolivie é ɖɔ, “Enyi mɛɖé kplɔ́n nǔgbo Biblu tɔn lɛ, bo bló baptɛm ɔ, un nɔ mɔ ɖɔ é kún nyí mɛ ɖokpo wɛ wà azɔ̌ ɔ ó.” Mi nú mǐ ni kpò ɖò linlin e sɔgbe é mɔ̌hun ɖó dó sinsɛnzɔ́ mǐtɔn wu wɛ. Enyi mǐ nɔ wà mɔ̌ ɔ, Jehovah na kɔn nyɔna dó mǐ jí, bɔ sinsɛnzɔ́ mǐtɔn na na mǐ awǎjijɛ tawun.
11-17 DÉCEMBRE
DƆKUN MAWUXÓ Ɔ TƆN ÐÉ LƐ́ | JƆBU 25-27
“Mɛ maɖóblɔ̌ jɛ́n mǐ ná nyí cóbá nɔ gbejí ǎ”
it-1 1194 akpá. 5
Gbejíninɔ
Jɔbu. È ɖɔ dó Jɔbu e é ɖo wɛn ɖɔ táan e ɖo kú Jozɛ́fu tɔn kpó hwenu e Mɔyízi nɔ gbɛ é kpó tɛ́ntin é mɛ wɛ é nɔ gbɛ ɖe é wú ɖɔ ‘è kún nɔ mɔ nǔ jɛ do ɖě dɔ dó wǔ tɔn ó, é nɔ wa nǔ jlɔ́jlɔ́, é ɖo gbejí nú Mawu, é nɔ hɔn nú nǔnyanyawiwa.’ (Jɔb 1:1) Gbejíninɔ gbɛtɔ́ lɛ́ tɔn e tɔ́n ɖo tagba e ɖo Jexóva Mawu kpó Satáan kpó tɛ́ntin é mɛ é jɛ wě ɖo nǔ e Mawu kanbyɔ́ Kɛntɔ́ tɔn dó Jɔbu wú, hwenu e Satáan wá xwetɔ́n ɖo wɛnsagun lɛ́ sín kplé ɖé hwenu, ɖo hwɛɖɔxɔsá jǐxwé tɔn lɛ́ mɛ é mɛ. Satáan ɖɔ ɖɔ linlin nyanya lɛ́ wɛ sísɛ́ Jɔbu bɔ é ɖo Mawu sɛn wɛ, Jɔbu kún tɛ́ dó Mawu wú ɖó é yí wǎn n’i wútu ó, loɔ, cejɛ́nnábí wú wɛ. Mɔ̌ mɛ ɔ, é mɔ xó ɖɔ dó gbejí e Jɔbu ɖe nú Mawu é wú. È ná gbe Satáan bɔ é ná hɛn nǔ e nyí Jɔbu tɔn lɛ́ é bǐ gblé, káká jɛ vǐ tɔn lɛ́ jí có, é kpé wú bo bló bɔ Jɔbu jó gbejíninɔ tɔn dó ǎ. (Jɔb 1:6–2:3) Énɛ́ gúdo ɔ, Satáan ɖɔ ɖɔ cejɛ́nnábí zɔ́n bɔ Jɔbu sín nǔ lɛ́ gblé bɔ vǐ tɔn lɛ́ kú có, é kpo ɖo didɛ wɛ ɖó agbaza tɔn kpo ɖo ganjí wútu. (Jɔb 2:4, 5) Énɛ́ gúdo ɔ, Satáan dó wǔtuzɔn baɖabaɖa ɖé Jɔbu b’ɛ ɖo wǔtu tɔn hɛn gblé wɛ kpɛɖé kpɛɖé, asi tɔn ɖésú dó awakanmɛ kú n’i, bɔ gbɛ̌ tɔn, éé ma ɖɔ xó e sɔgbe xá nǔgbódodó Mawu tɔn lɛ́ kpó linlin tɔn kpó ǎ lɛ́ é lɛ́vɔ́ ɖó linlin masɔgbe lɛ́ dó wǔ tɔn bo lɛ́ ɖɔ xó e ná dó awakanmɛ kú n’i lɛ́ é có, (Jɔb 2:6-13; 22:1, 5-11), xósin e é ná é xlɛ́ ɖɔ é kún ná jó gbejíninɔ tɔn dó ó. “Un ná ɖo ɖiɖɔ wɛ káká yi kú ɖɔ xomɛvɔ́nɔ wɛ un nyí. Un ɖɔ bo tɛ́ afɔ jí ɖɔ lěe un nɔ zán gbɛ gbɔn ɔ sɔgbe, un ɖo kɔ ná lɛ́ sín xó e ɖɔ wɛ un ɖe ɔ gúdo wɛ ǎ. Ayi ce xo hun xá mì ɖo gbɛ e zán wɛ un ɖe lɛ́ ɖěbǔ mɛ ǎ.” (Jɔb 27:5, 6) Gbejí e é nɔ é xlɛ́ ɖɔ adingbannɔ wɛ nú Kɛntɔ́ Mawu tɔn.
Zunfan Gbejininɔ Towe!
3 Enyi è zán xókwín gbejininɔ ɔ dó mǐ mɛsɛntɔ́ Mawu tɔn lɛ wu ɔ, tinmɛ tɔn nɔ nyí ɖɔ mǐ ni ɖó wanyiyi nú Jehovah kpo ayi mǐtɔn bǐ kpo, bo zé mǐɖée bǐ jó n’i mlɛ́mlɛ́, bonu jlǒ tɔn wiwa ni jɛ nukɔn ɖò gbeta e kɔn mǐ na wá lɛ é bǐ mɛ. Mǐ ni kpɔ́n lee è zán xókwín gbejininɔ ɔ gbɔn ɖò Biblu mɛ é. Tinmɛ dodó e xókwín Biblu tɔn “gbejininɔ” ɔ ɖó é ɖíe: blebu, maɖóblɔ̌ alǒ bǔté. Ði kpɔ́ndéwú ɔ, Izlayɛli-ví lɛ nɔ sɔ́ kanlin lɛ dó savɔ̌ nú Jehovah, bɔ Sɛ́n ɔ ɖɔ ɖɔ kanlin enɛ lɛ kún ɖó na ɖó blɔ̌ ó. (Lev. 22:21, 22) Mawu yí gbè nú togun tɔn na sɔ́ kanlin afɔkponɔ ɖé, tókúnɔ ɖé alǒ nukúntíntɔ́nnɔ ɖé dó savɔ̌ n’i ǎ; mɔ̌ jɛn ye ma ka ɖó na lɛ́ sɔ́ kanlin azinzɔnnɔ ɖé dó savɔ̌ n’i ǎ é nɛ. É ɖò taji nú Jehovah ɖɔ kanlin ɔ ni ɖò blebu, ma ɖó blɔ̌ ó alǒ ni ɖò bǔté. (Mal. 1:6-9) Mǐ sixu mɔ nǔ jɛ nǔ e wu Jehovah nɔ ba ɖɔ kanlin ɖé ni ma ɖó blɔ̌ ó alǒ ni ɖò blebu é mɛ. Enyi mǐ jló na xɔ nǔɖe, ɖi atín sínsɛ́n ɖé, wema ɖé alǒ azɔ̌wanú ɖé mɔ̌ ɔ, mǐ nɔ sɔ́ ee ɖó akpa ɖaxó ɖò wǔtu, alǒ ee akpáxwé tɔn ɖé hwe é ǎ. Ee ɖò blebu, ma ɖó blɔ̌ ǎ alǒ ɖò bǔté é wɛ mǐ nɔ ba. Mɔ̌ ɖokpo ɔ, Jehovah lɔ nɔ ba ɖɔ wǎn e mǐ yí nú emi é kpo gbejininɔ mǐtɔn kpo lɔ ni cí mɔ̌. É ɖó na ɖò blebu, ɖó blɔ̌ ǎ alǒ ɖò bǔté.
4 Mǐ ka ɖó na lin ɖɔ cobonu mǐ na nɔ gbeji ɔ, mǐ ɖó na nyí mɛ maɖóblɔ̌ wɛ à? Mǐ sixu mɔ ɖɔ mǐ nɔ wà nǔ gegě nyi dò. Mǐ ni kpɔ́n hwɛjijɔ e wu mǐ ma ɖó na ɖi xɛsi ǎ é we. Nukɔntɔn ɔ, Jehovah nɔ sɔ́ ayi ɖó nǔwanyido mǐtɔn lɛ jí ǎ. Xó tɔn ɖɔ nú mǐ ɖɔ: ‘Jehovah, enyi a na kpɔ́n dó hwɛ e mǐ nɔ hu lɛ wu ɔ, mɛ̌ ka na gán ɖ’emɛ?’ (Ðɛh. 130:3) É tuùn ɖɔ mǐ ɖó blɔ̌, bo nyí hwɛhutɔ́, lobo nɔ sɔ́ hwɛ kɛ mǐ kpo xomɛnyínyɔ́ kpo. (Ðɛh. 86:5) Wegɔ́ ɔ, Jehovah tuùn dogbó mǐtɔn lɛ, bo nɔ ɖó nukún ɖɔ mǐ ni wà nǔ e hugǎn mǐ é ǎ. (Xà Ðɛhan 103:12-14.) Enɛ wu ɔ, ali tɛ nu mǐ ka sixu nɔ blebu, ɖó blɔ̌ ǎ alǒ nɔ bǔté ɖò nukún tɔn mɛ ɖè?
5 Nú mɛsɛntɔ́ Jehovah tɔn lɛ ɔ, wanyiyi wɛ nyí cávi gbejininɔ tɔn. Wǎn e mǐ yí nú Mawu é kpo zě e mǐ zé mǐɖée jó n’i bǐ mlɛ́mlɛ́ ɖɔ é nyí Tɔ́ mǐtɔn jixwé tɔn ɔ é kpo ɖó na ɖò blebu, ɖó blɔ̌ ǎ alǒ ɖò bǔté. Enyi mǐ na bo tlɛ mɔ tɛnkpɔn lɛ, bonu wanyiyi mǐtɔn ka cí ee mǐ ɖɔ wá yì dìn é ɖɔhun hǔn, mǐ nɔ gbeji nɛ. (1 Tan 28:9; Mat. 22:37) Mǐ ni lɛ́ lin tamɛ dó Kúnnuɖetɔ́ atɔn e xó mǐ ɖɔ ɖò bǐbɛ̌mɛ lɛ é jí. Etɛwu ye ka wà nǔ gbɔn mɔ̌? Ðyɔvǐ ɔ nɔ ba na d’ayihun ɖò azɔ̌mɛ ǎ wɛ à? Dɔnkpɛvu ɔ ba ɖɔ è ni dó winnya emi ɖò hɔn ɖé kɔn wɛ à? Alǒ, tatɔ́ xwédo tɔn ɔ ba ɖɔ azɔ̌ ni gblé dó emi wɛ à? Ye ɖě ba mɔ̌ ǎ. É nyɔ́ wà ɔ, ye tuùn ɖɔ Jehovah ɖó nǔgbododó jlɔjlɔ lɛ, bɔ nǔ e nɔ nyɔ́ Tɔ́ yetɔn jixwé tɔn ɔ nukúnmɛ lɛ é jí wɛ ayi yetɔn ɖè. Wǎn e ye yí n’i é sísɛ́ ye bɔ ye sɔ́ ɛ ɖó nukɔn ɖò gbeta e kɔn ye nɔ wá lɛ é bǐ mɛ. Mɔ̌ mɛ ɔ, ye nɔ xlɛ́ ɖɔ emi ɖò gbeji.
Nǔ xɔ akwɛ́ Biblu tɔn lɛ́ biba
È bló tuto nú mǐ sɔgbe kpo Xó Mawu tɔn kpo
3 Nùɖíɖó lɛ ɖexlɛ́ ɖɔ Mawu nyí Tutoblonunutɔ́ e ma kpé wè ǎ é. “Nùnywɛ wɛ Mawu Mavɔmavɔ dó ɖó ayikúngban ɔ na,” wɛ Biblu ɖɔ. “Bo sɔ́ nukúnnúmɔjɛnǔmɛ tɔn dó ɖó jinukúnsin ɔ na.” (Nùx. 3:19) “Nǔwiwa Mawu tɔn kpɛɖé” jɛn mǐ sè, “zingidi tɔn kpɛɖé wɛ mǐ sè.” (Jɔb. 26:14) É ɖò mɔ̌ có, nǔ kpɛ e mǐ tuùn dó planɛti lɛ, sunví lɛ, kpo sunvisɛkplé lɛ kpo wu é sísɛ́ mǐ bɔ mǐ yí gbè ɖɔ è bló tuto nú nùɖíɖó enɛ lɛ e ɖò jinukúnsin é ɖó alɔkpa ɖé b’ɛ jiwǔ tawun. (Ðɛh. 8:4, 5) Sunví livi mɔkpan wɛ nɔ ɖò sunvisɛkplé lɛ mɛ, bɔ bǐ xwii nɔ ɖò tɛn sɛ̀ wɛ ɖò jinukúnsin kpo tuto kpo. Planɛti e lɛlɛ̌ dó hwe ɔ lɛ é nɔ ɖò yiyi lɛlɛ̌ dó è wɛ cí nǔ ɖɔ ye ɖò alitasɛ́n lɛ nyì wɛ tɛnwin lɛnwin ɖɔhun! É ɖò wɛn ɖɔ tutojininɔ jiwǔ e ɖò wɛkɛ ɔ mɛ é d’alɔ mǐ, bɔ mǐ mɔ ɖɔ é jɛxa ɖɔ mǐ ni kpa susu nú Jehovah e “sɔ́ nùnywɛ tɔn dó bló jixwé” na é, bo nɔ gbeji n’i lobo lɛ́ sɛ̀n ɛ.—Ðɛh. 136:1, 5-9.
18-24 DÉCEMBRE
DƆKUN MAWUXÓ Ɔ TƆN ÐÉ LƐ́ | JƆBU 28-29
“A ka ɖó nyǐkɔ ɖagbe ɖo ta Jɔbu ɖɔhun a?”
w02 15/5 22 akpá. 19
Nɔ nyɔ́ xomɛ dó mɛ e ɖo hudó mɛ lɛ́ é wú
19 Tan Biblu tɔn e jí mǐ ɖɔ xó dó lɛ́ é tɛ́ ɖɛ̌ jí ɖɔ è ɖó ná nɔ lɛ́ nyɔ́ xomɛ dó mɛ ɖěɖěe ɖó hudó e sín do yěɖésúnɔ ma sixú sú ǎ lɛ́ é wú. Bónú xwédo Ablaxámu tɔn sín kúnkan ná kpo ɖo te ɔ, é ɖó hudó ɖɔ Betuwɛli ní wa nǔ ɖó kpɔ́ xá ɛ. Bónú Jakɔ́bu sín mɛ e kpo lɛ́ é ná dó yi Kanáan ɔ, é ɖó hudó alɔdó Jozɛ́fu tɔn tɔn. Bónú Nɔemíi ní dó ɖó gǔɖutɔ́ ɖé ɔ, é ɖó hudó alɔdó Hwliti tɔn tɔn. Ablaxámu, Jakɔ́bu kpó Nɔemíi kpó ɖě sixú sú do énɛ́ lɛ́ alɔdó mɛvo ǎ. Mɔ̌ ɖokpó ɔ ɖo égbé ɔ, mɛ e ɖo hudó mɛ lɛ́ é wú wɛ è ɖó ná nɔ nyɔ́ xomɛ dó hú gǎn. (Nǔnywɛ́xó 19:17) Tɔ́gbó Jɔbu ɖɔhun ɔ, mǐ ɖó ná nɔ ɖ’ayi “wamamɔnɔ e ɖo xó sú wɛ ɖɔ è ní wá gɔ́ alɔ nú émí lɛ́” é, “tɔ́cyɔvǐ e ma ɖó mɛɖé ǎ lɛ́” é, kpó “mɛ e ɖo nǎ kú wɛ lɛ́” é kpó wú. Jɔbu nɔ lɛ́ ‘hɛn xomɛ asúkúsi lɛ́ tɔn hun’ bo lɛ́ ‘nyí nukún nú nukúntíntɔ́nnɔ lɛ́, afɔ nú afɔkponɔ lɛ́.’—Jɔb 29:12-15.
it-2 1144 akpá. 10
Awu
È lɛ́ ɖɔ xó dó awu wú ɖo nǔjlɛ́dónǔwú linu ɖo fí gěgé ɖěvo lɛ́. Lěe awu bǔnɔ ɖé nɔ ɖe xlɛ́ ɖɔ e ɖo tutoblónúnǔ ɖé mɛ, alǒ ɖo gǔdo nú gbɛ̌ta ɖé gbɔn é ɖɔhun ɔ, ɖo nǔjlɛ́dónǔwú linu ɖo Biblu mɛ ɔ, awu nɔ dó gesí mɛɖé sɔgbe xá akpá e xwé mɛ ɔ ɖe é kpó nǔwiwa tɔn lɛ́ sɔgbe xá akpáxwé ɔ kpó, lěe é nyí gbɔn ɖo nǔjlɛ́dónǔwú Jezu tɔn e ɖɔ xó dó alɔwlíwlíwu wú é mɛ é. (Mt 22:11, 12) Ðo Nǔɖexlɛ́mɛ 16:14, 15 mɛ ɔ, Aklúnɔ Jezu Klísu gba akpá nú mǐ dó amlɔ dídɔ́ ɖo gbigbɔ lixo, bónú énɛ́ ní zɔ́n bɔ kúnnuɖetɔ́ gbejínɔtɔ́ Mawu nǔgbó ɔ tɔn e mǐ nyí é sín nyǐkɔ ní gosín mǐ wú wú. Énɛ́ sixú nylá tawun din e mǐ ko ɖo kɛ́nnɛ́kɛ́nnɛ́ nú “ahwan e è ná fun ɖo Mawu Nǔbǐwúkpétɔ́ ɔ sín azǎn ɖaxó ɔ gbe é.”
w09 1/2 15 akpá. 3-4
Étɛ́ nyǐkɔ ɖé ka nɔ dó gesí?
Mǐ ɖó acɛ ɖěbǔ dó nyǐkɔ e è ná mǐ hwenu e è ji mǐ é jí ǎ. É ɖo mɔ̌ có, mǐɖésúnɔ kɛ́ɖɛ́ wɛ nɔ ɖɔ nyǐkɔ e è ná mlá mǐ é. (Nǔnywɛ́xó 20:11) Kanbyɔ́ hwiɖée ɖɔ: ‘Ényí ali wɛ hun nú Jezu kpó mɛsɛ́dó tɔn lɛ́ kpó ɔ, nyǐkɔ tɛ́ yě ka ná ná mì? Nyǐkɔ tɛ́ ka ná jɛxá hú gǎn bo ná tínmɛ jijɔ e un nɔ ɖe xlɛ́ hú gǎn alǒ mɛ alɔkpa e un nyí é?’
É jɛxá ɖɔ è ní lin tamɛ dó nǔkanbyɔ́ énɛ́ jí ganjí. Étɛ́wú? Axɔ́sú nǔnywɛ́tɔ́ Salomɔ́ɔ wlán ɖɔ: “È mlá nyǐkɔ ɖagbe mɛɖé ɔ, é nyɔ́ hú mɛ ɔ jɛ dɔkun gbɔn tó kɔ awɔn kɔ.” (Nǔnywɛ́xó 22:1) É ɖo wɛn ɖɔ, ényí mǐ ɖó nyǐkɔ ɖagbe ɖé ɖo xá mǐtɔn mɛ ɔ, nǔ xɔ akwɛ́ ɖé wɛ mǐ ɖó. Éé lɛ́ hú gǎn bǐ é wɛ nyí ɖɔ nú mǐ ɖó nyǐkɔ ɖagbe ɖo Mawu gɔ́n ɔ, mǐ ná ɖó nǔ xɔ akwɛ́ e ná nɔ ayǐ káká sɔ́yi é ɖé. Gbɔn nɛ̌ é? Mawu d’akpá ɖɔ émí ná wlán nyǐkɔ mɛ e nɔ ɖó sísí nú émí lɛ́ é tɔn dó “flǐnwéma” émítɔn mɛ, bo ná ná yě nukúnɖíɖó gbɛ mavɔmavɔ tɔn.—Malacíi 3:16, nwt; Nǔɖexlɛ́mɛ 3:5; 20:12-15.
Nǔ xɔ akwɛ́ Biblu tɔn lɛ́ biba
g00 8/7 11 akpá. 3
Nɔ ko nǔ! É ná wa ɖagbe nú we!
Nǔkiko ka sixú húzú nǔɖé dóó a? A flín hwenu e nǔkiko mɛɖé tɔn dó gbɔ nú we, alǒ zɔ́n bɔ a mɔ hwiɖée mɛ é a? Alǒ hwenu e nǔmako mɛɖé tɔn zɔ́n bɔ akpɔ ɖó we abǐ a mɔ ɖɔ é kún ba xó émítɔn ó é a? Ganjí, nǔkiko sixú húzú nǔɖé. É nɔ wa ɖagbe nú mɛ e ɖo nǔ ko wɛ é kpó mɛ e ko dó wɛ è ɖe é kpó bǐ. Jɔbu e xó e ɖɔ ɖo Biblu mɛ é ɖɔ dó kɛntɔ́ tɔn lɛ́ wú ɖɔ: “Yě nɔ ba ɖɔ má vlɔ́n nukúnmɛ dó émí, un ka ko nǔ dó yě ɔ, yě nɔ ɖi ǎ.” (Jɔb 29:24) Ðó Jɔbu nɔ “vlɔ́n nukúnmɛ” wútu ɔ, énɛ́ sixú ko nɔ xlɛ́ ɖɔ awǎjijɛ alǒ fífá ɖo ayi tɔn mɛ.
25-31 DÉCEMBRE
DƆKUN MAWUXÓ Ɔ TƆN ÐÉ LƐ́ | JƆBU 30-31
“Lěe Jɔbu nɔ mǐmɛ́ jí ɖo walɔ lixo gbɔn é”
w10 15/4 21 akpá. 8
Ðe nukún towe sín nǔ ma xɔ akwɛ́ lɛ́ jí!
8 Jlǒ nukún tɔn lɛ́ kpó jlǒ agbaza tɔn lɛ́ kpó sixú wa nǔ dó Klisánwun nǔgbó lɛ́ lɔ wú. Énɛ́ wú ɔ, Xó Mawu tɔn dó wǔsyɛ́n lanmɛ nú mǐ ɖɔ mǐ ní nɔ gbɛ́ nǔ nú mǐɖée dó nǔ e mǐ nɔ kpɔ́n lɛ́ é kpó nǔ e nɔ jló mǐ lɛ́ é kpó wú. (1 Kɔ. 9:25, 27; xa 1 Jaan 2:15-17.) Jɔbu e nyí nǔjlɔ́jlɔ́watɔ́ é tuun kancícá syɛ́nsyɛ́n e ɖo nǔ e mǐ nɔ kpɔ́n lɛ́ é kpó nǔ e nɔ jló mǐ lɛ́ é kpó tɛ́ntin é. É ɖɔ: “Un nu alɛ xá nukún ce ɖɔ un kún ná kpɔ́n ɖyɔ̌ví ɖé bo ná lin ná ɖóxó xá ɛ ó.” (Jɔb 31:1) Ényí gbɛ̌ kɛ́ɖɛ́ wɛ Jɔbu gbɛ́ ɖɔ émí kún ná ɖ’alɔ nyɔ̌nu ɖé wú kpó linlin blíblí kpó ó ǎ, loɔ, é lɛ́ gbɛ́ ɖɔ émí kún tlɛ ná lɔn bo lin tamɛ dó linlin mɔ̌hun jí ó. Jezu tɛ ɖɛ̌ jí ɖɔ mǐ ɖó ná bló bɔ linlin mǐtɔn ná nɔ mǐmɛ́ jí, bɔ linlin blíblí lɛ́ kún ná byɔ́ mɛ ó hwenu e é ɖɔ xó élɔ́ é: “Mɛ ɖěbǔ e bɔ nukún nyi nyɔ̌nu ɖé wú, bo ɖo kpínkpɔ́n ɛ wɛ káká bo ɖó jlǒ bo ná ɖóxó xá ɛ é ko ba ɛ ɖo ayi mɛ.”—Mat. 5:28.
w08 1/9 11 akpá. 4
Nɔ lin tamɛ dó fí e é sixú ‘wá yi fó ɖó ɖo nukɔnmɛ’ é jí
Cóbɔ a ná ɖe afɔ nukɔntɔn ɔ ɖo ali mɔ̌hun jí ɔ, kanbyɔ́ hwiɖée ɖɔ: ‘Fítɛ́ é ka ná kplá mì yi?’ Agbɔ̌n jí yiyi bo lin tamɛ dó fí e é sixú ‘wá yi fó ɖó ɖo nukɔnmɛ’ é jí kpowun sixú ko kpé bɔ a ná nyi alɔ nú ali e sixú wá ji nǔ nyanya lɛ́ é ɖé mimlɛ́. SIDA kpó glɔ̌zɔn ɖěvo lɛ́ kpó, xo mimɔ maɖónukún tɔn, xoɖiɖe, xwédo e gba é, gɔ́ nú ayixa e nɔ dó hwɛ mɛ é, wɛ nɔ ɖo te kpɔ́n mɛ e nɔ jló bo nɔ myɔ́ nukún dó akpágbanúmɛ mɔ̌hun lɛ́ é. Mɛsɛ́dó Pɔ́lu ɖɔ lěe nǔ mɛ e nɔ wa nǔ blíblí lɛ́ é tɔn nɔ wá fó gbɔn é nyi wɛn. Yě “ná ɖu Axɔ́súɖuto Mawu tɔn sín gǔ ǎ.”—1 Kɔlɛ́ntinu lɛ́ 6:9, 10.
w10 15/11 5-6 akpá. 15-16
Mɛ wínnyáwínnyá lɛ́ mi: Xó Mawu tɔn ní nɔ xlɛ́ ali mi
15 Hwetɛ́nu a ka lin ɖɔ gbejí e a ɖe nú Mawu é ná gbɔn tɛ́nkpɔ́n nu hú gǎn? Hwenu e a ɖo kpɔ́ xá mɛ ɖěvo lɛ́ é wɛ a alǒ hwenu e a ɖo hwiɖokpó é? Nú a ɖo wěmaxɔmɛ alǒ azɔ̌mɛ ɔ, ayi towe ná ɖibla ɖo te hú gǎn. Ayi towe nɔ ɖo te dó awǒvinú e sixú jɛ ɖo gbigbɔ lixo lɛ́ é wú. Hwenu e a ɖo gbigbɔjɛ́ wɛ bɔ ayi towe ma ɖo te ǎ é wɛ ényí nǔɖé wá tɛ́n nǔgbódodó walɔ ɖagbe tɔn towe lɛ́ kpɔ́n ɔ, é ná bɔ wǔ hú gǎn bɔ a ná j’ayǐ.
16 Étɛ́wú ényí a na bo tlɛ ɖo hwiɖokpó ɔ, a ka ɖó ná nɔ ba ná se tónú nú Jexóva? Nɔ flín nǔ élɔ́: A sixú bló bɔ wǔ ná kú Jexóva alǒ bló bɔ xomɛ ná hun i. (Bǐb. 6:5, 6; Nǔx. 27:11) Nǔwiwa mǐtɔn lɛ́ nɔ wa nǔ dó Jexóva wú ɖó “nǔ mǐtɔn nɔ ɖu ayi mɛ n’i.” (1 Pi. 5:7) É nɔ ba ɖɔ a ní ɖótó émí, mɔ̌ mɛ ɔ, a ná ɖu le tɔn. (Eza. 48:17, 18) Hwenu e mɛsɛntɔ́ Jexóva tɔn ɖé lɛ́ wɔn ya nú wěɖexámɛ tɔn lɛ́ ɖo Izlayɛ́li hwexónu tɔn é ɔ, énɛ́ zɔ́n bɔ é se wǔvɛ́. (Ðɛh. 78:40, 41) Ðo alɔ ɖěvo mɛ ɔ, Jexóva yí wǎn nǔ gbeyíɖɔ Daniyɛ́li tawun ɖó wɛnsagun ɖé ylɔ́ ɛ ɖɔ: “Hwi mɛ e Mawu yí wǎn ná ɔ.” (Dan. 10:11) Étɛ́wú? Daniyɛ́li nɔ gbejí nú Mawu ɖo agbawungba, bo lɛ́ nɔ hwenu e é ɖo éɖokpónɔ é.—Xa Daniyɛ́li 6:11.
Nǔ xɔ akwɛ́ Biblu tɔn lɛ́ biba
w05 15/11 11 akpá. 3
Lěe è nɔ ɖótó mɛ ganjí kpó wǎnyíyí kpó gbɔn é
É hwe bǐ ɔ, xɔ́ntɔn Jɔbu tɔn lɛ́ se xóɖiɖɔ Jɔbu tɔn wǒ. É ɖo mɔ̌ có, Jɔbu ɖɔ: “Áo! Mɛ̌ wɛ ná ba mɛ e ná ɖótó mì ɔ xá mì?” (Jɔbu 31:35) Étɛ́wú? Ðó lěe ɖótó è gbɔn wɛ yě ɖe é dó gbɔ ɖěbǔ n’i ǎ wútu. Jɔbu sín nǔ ɖu ayi mɛ nú yě ǎ, yě ka lɛ́ ba ná mɔ nǔ jɛ lěe nǔ cí n’i é mɛ ǎ. Nǔ mɛ ɖěvo lɛ́ tɔn nɔ ɖu ayi mɛ nú tóɖómɛtɔ́ e nɔ se wǔvɛ́ xá mɛ lɛ́ é, b’ɛ ɖo wɛn ɖɔ é kún nyí mɔ̌ nú yědɛɛ lɛ́ ó. Amɔ̌, mɛsɛ́dó Piyɛ́ɛ ɖe wě xá mǐ ɖɔ: “Mi mɛ bǐ ní nɔ ɖó linlin ɖokpó ɔ, nǔ mɛ ɖěvo lɛ́ tɔn ní nɔ ɖu ayi mɛ nú mi, mi nɔ ɖe wǎnyíyí nɔví nɔví tɔn, nǔbláwǔkúnúmɛ e gɔ́ngɔ́n é kpó mɛɖéesɔ́hwe kpó xlɛ́.” (1 Piyɛ́ɛ 3:8) Nɛ̌ mǐ ka sixú xlɛ́ ɖɔ nǔ mɛ ɖěvo lɛ́ tɔn nɔ ɖu ayi mɛ nú mǐ gbɔn? Lěe mǐ sixú wa mɔ̌ gbɔn é ɖokpó wɛ nyí ɖɔ mǐ ná nɔ ɖe xlɛ́ ɖɔ lěe nǔ cí nú mɛ ɖě ɔ é ɖu ayi mɛ nú mǐ, bɔ mǐ ná lɛ́ tɛ́n kpɔ́n bo mɔ nǔ jɛ lěe nǔ cí n’i é mɛ. Mǐ sixú ɖe xlɛ́ ɖɔ nǔ mɛ ɔ tɔn ɖu ayi mɛ nú mǐ gbɔn xó ɖagbe lěhun lɛ́ ɖiɖɔ gblamɛ: “Énɛ́ ná ko vɛ́ nú we tawun” alǒ “A ná ko mɔ ɖɔ è kún mɔ nǔ jɛ linlin émítɔn mɛ ó.” Lěe mǐ sixú lɛ́ wa mɔ̌ gbɔn é wɛ nyí ɖɔ mǐ ná ɖɔ nǔ e mɛ ɔ ɖɔ é dó xógbe mǐɖésúnɔ tɔn lɛ́ mɛ, dó xlɛ́ ɖɔ mǐ mɔ nǔ jɛ nǔ e é ɖɔ é mɛ. Tóɖíɖó mɛ kpó wǎnyíyí kpó nyí mǐ ná ɖótó xó e ɖɔ wɛ mɛ ɔ ɖe é kpowun ǎ, loɔ, mǐ ɖó ná lɛ́ ɖ’ayi lěe nǔ cí n’i, b’ɛ ma ɖe xlɛ́ vaan ǎ é wú.
ZĚ HWIÐÉE BǏ JÓ NÚ MAWUXÓÐIÐƆZƆ́ Ɔ
g16.4 8-9
Étɛ́ Kúnnuɖetɔ́ Jexóva tɔn lɛ́ ka ɖi nǔ ná?
Kúnnuɖetɔ́ Jexóva tɔn lɛ́ ɖi nǔ ɖɔ nǔgbódodó walɔ ɖagbe tɔn Biblu tɔn lɛ́ wɛ nyí nǔgbódodó e nyɔ́ hú gǎn lɛ́ é, bɔ yě wá gbeta ɔ kɔn bo ná zán gbɛ sɔgbe xá. (Ezayíi 48:17) Énɛ́ xlɛ́ ɖɔ Kúnnuɖetɔ́ Jexóva tɔn lɛ́ gbɛ́ wǎn nú walɔ nǔblíblíwiwa tɔn lɛ́ bǐ, káká jɛ xóɖóxámɛ e nɔ tíin ɖo mɛ e ɖó mɛ̌ ɖokpó ɔ lɛ́ tɛ́ntin é jí. Lěe Kúnnuɖetɔ́ lɛ́ wá gbeta ɔ kɔn bá zán gbɛ gbɔn é nɛ́, bɔ yě ka ɖó acɛ bo ná wa mɔ̌. Ðo hwe ɖokpó ɔ nu ɔ, Kúnnuɖetɔ́ Jexóva tɔn lɛ́ nɔ dó gan bo nɔ “nya fífá mɛ ninɔ xá mɛ lɛ́ bǐ” gbé. (Eblée lɛ́ 12:14) Kúnnuɖetɔ́ Jexóva tɔn lɛ́ nɔ gbɛ́ wǎn nú xóɖóxámɛ e nɔ tíin ɖo mɛ e ɖó mɛ̌ ɖokpó ɔ lɛ́ é tɛ́ntin é có, yě nɔ hɛn mɛ ɖěvo lɛ́ gǎnnugǎnnu bónú yě ní wa nǔ yěɖɔhun ǎ, mɔ̌ jɛ́n yě ma nɔ ɖ’alɔ ɖo alǎnnúwiwa e nɔ ɖe xlɛ́ ɖɔ è gbɛ́ wǎn nú mɛ e nɔ ɖó xó xá mɛ e ɖó mɛ̌ ɖokpó ɔ xá yě lɛ́ é mɛ ǎ é nɛ́. Yě ka nɔ lɛ́ j’awǎ ɖó alǎnnúwiwa mɔ̌hun lɛ́ wútu ǎ. Kúnnuɖetɔ́ Jexóva tɔn lɛ́ nɔ dó gǎn bo nɔ nyi Sɛ́n siká tɔn ɔ bo nɔ wa nǔ xá mɛ ɖěvo lɛ́ lěe yěɖésúnɔ nɔ ba ɖɔ mɛ ɖě lɛ́ ní wa nǔ xá émí gbɔn é.—Matíe 7:12.
Biblu ka nɔ gǔdo nú nǔagɔwaxámɛ wɛ a?
Mɛɖé lɛ́ ná ɖɔ ɖɔ Biblu nɔ nɔ gǔdo nú nǔ agɔ e è nɔ wa xá mɛ e nɔ ɖóxó xá mɛ e ɖó mɛ̌ ɖokpó ɔ xá yě lɛ́ é, bɔ mɛ ɖěɖěe nɔ yí gbe nú nǔgbódodó walɔ ɖagbe tɔn Biblu tɔn lɛ́ é nɔ hɛn nǔ gángángán dín. Yě ɖɔ ɖɔ ‘mɛ e nɔ hɛn nǔ gángángán dín lɛ́ é sín hwenu wɛ è wlán Biblu. Égbé ɔ, gbɛtɔ́ alɔkpa lɛ́ bǐ wɛ mǐ nɔ kɛ alɔ bo nɔ yí, yě ná bo tlɛ gosín to ɖěbǔ mɛ, alǒ nɔ ɖó jlǒ ɖěbǔ ɖo xóɖóxámɛ linu ɔ nɛ́.’ Nú yědɛɛ lɛ́ ɔ, mɛ e nɔ ɖó xó xá mɛ e ɖó mɛ̌ ɖokpó ɔ yěɖɔhun lɛ́ é kínklán ɖó vo ɔ, nǔ ɖokpó ɔ wɛ é nyí xá mɛ e ma ɖó sinmɛ agbaza tɔn ɖokpó ɔ xá mɛ ǎ lɛ́ é kínklán ɖó vo. Nǔjlɛ́dónǔwú énɛ́ ka sɔgbe a? Éǒ. Étɛ́wú?
Ðó vogbingbɔn ɖé ɖo nǔwalɔ mɛ e nɔ ɖó xó xá mɛ e ɖó mɛ̌ ɖokpó ɔ yěɖɔhun lɛ́ é tɔn gbígbɛ́ kpó mɛ énɛ́ lɛ́ ɖésúnɔ gbígbɛ́ kpó tɛ́ntin. Biblu nɔ kplɔ́n Klisánwun lɛ́ ɖɔ yě ní nɔ wlí yɛ̌yi nú gbɛtɔ́ alɔkpa lɛ́ bǐ. (Piyɛ́ɛ 2:17) Amɔ̌, énɛ́ ɖo xlɛ́xlɛ́ wɛ ɖɔ Klisánwun lɛ́ ɖó ná yí gbe nú nǔwalɔ alɔkpa lɛ́ bǐ ǎ.
Nǔjlɛ́dónǔwú ɖé ɖíe: Mǐ ní ɖɔ ɖɔ a nɔ lin ɖɔ azɔ nunu nɔ wa nǔ dó mɛ wú, bɔ a tlɛ gbɛ́ wǎn ná. Nú azɔ̌gbɛ́ towe ɖé ka nyí azɔnutɔ́ ɔ ka lo? È ka ná mɔ ɖɔ a nɔ hɛn nǔ gángángán dín ɖó linlin e a nɔ ɖó dó azɔ nunu wú é gbɔn vo nú étɔn kpowun wútu wɛ a? Azɔ e é nɔ nu bɔ hwɛ ma nɔ nu ǎ é ka ná xlɛ́ azɔn ɖokpó ɖɔ a nɔ ɖó linlin agɔ dó wǔ tɔn wɛ a? Ényí azɔ̌gbɛ́ towe byɔ́ we ɖɔ hwi ní ɖyɔ́ linlin e a nɔ ɖó dó azɔ nunu wú é ɔ, énɛ́ ná xlɛ́ ɖɔ é nɔ hɛn nǔ gángángán dín, bo kún nɔ yí gbe nú nǔtí ó ǎ cé? Kúnnuɖetɔ́ Jexóva tɔn lɛ́ wá gbeta ɔ kɔn bo nɔ zán gbɛ sɔgbe xá nǔgbódodó walɔ ɖagbe tɔn e ɖo Biblu mɛ lɛ́ é. Yě nɔ yí gbe nú nǔwalɔ ɖěɖěe Biblu gbɛ́ lɛ́ é ǎ. Mɔ̌ jɛ́n yě ma nɔ cá nú mɛ e ma nɔ wa nǔ yěɖɔhun ǎ lɛ́ é alǒ wa nǔ agɔ xá yě ǎ é nɛ́.
Nǔ e Biblu ɖɔ é syɛ́n dín wɛ a?
Bɔ mɛ e xó ɖíɖó xá mɛ e ɖó mɛ̌ ɖokpó ɔ xá yě lɛ́ é sín zɛn nɔ sɔ́ lɛ́ é ka lo? È ka ji yě ɖó mɔ̌ wɛ a? Nú mɔ̌ wɛ ɔ, ényí è ɖɔ ɖɔ é nylá ɖɔ yě ní wa nǔ sɔgbe xá jlǒ yětɔn ɔ, acɛ wɛ é ná nyí bɔ è ná gba yě wǔ ǎ cé?
Biblu yí gbe ɖɔ nǔwalɔ ɖé lɛ́ nɔ dó ɖɔ do ɖo gbɛtɔ́ sín ayi mɛ tawun có, é ɖɔ nǔɖé dó lěe nǔvíkún lɛ́ nɔ w’azɔ̌ gbɔn ɖo mɛ e nɔ ɖó xó xá mɛ e ɖó mɛ̌ ɖokpó ɔ yěɖɔhun lɛ́ é sín lanmɛ gbɔn é wú ǎ. É ɖo mɔ̌ có, Biblu ɖɔ ɖɔ bónú nǔ mǐtɔn ná nyɔ́ Mawu nukúnmɛ ɔ, mǐ ɖó ná hɔn nú nǔwalɔ ɖé lɛ́ káká jɛ xóɖóxámɛ e nɔ tíin ɖo mɛ e ɖó mɛ̌ ɖokpó ɔ lɛ́ é tɛ́ntin é jí.—2 Kɔlɛ́ntinu lɛ́ 10:4, 5.
Mɛɖé lɛ́ ná ɖɔ ɖɔ nǔ e Biblu ɖɔ d’é wú é syɛ́n dín. Amɔ̌, linlin ɔ ɖɔ è ɖó ná nɔ wa nǔ sɔgbe xá zɛn e nɔ sɔ́ mɛ lɛ́ é, ɖo tají ɔ, zɛn xóɖóxámɛ tɔn mɛtɔn lɛ́, ɖó yě nɔ syɛ́n sɔmɔ̌ bɔ è ɖó ná nɔ ɖu yě jí ǎ, è tlɛ sixú ɖu ɖo yě jí ǎ wú wɛ yě nɔ ɖó dó. É ɖo mɔ̌ có, Biblu wlí yɛ̌yi nú gbɛtɔ́ lɛ́ bo ɖɔ ɖɔ yě sixú ɖu ɖo zɛn e nɔ sɔ́ yě lɛ́ é jí. Gbɛtɔ́ lɛ́ cí kanlin lɛ́ ɖɔhun ǎ, yě sixú wá gbeta ɔ kɔn bo ɖu ɖo zɛn e nɔ sɔ́ yě lɛ́ é jí.—Kolósinu lɛ́ 3:5.
Nǔjlɛ́dónǔwú ɖé ɖíe: Akɔwé ɖé lɛ́ ɖɔ ɖɔ nǔwalɔ gbɛtɔ́ tɔn ɖé lɛ́ ɖi hunnylánylá mɔ̌ sixú sín lěe nǔvíkún lɛ́ nɔ wa nǔ ɖo mɛɖé sín lanmɛ gbɔn é wú. Biblu ɖɔ xó dó lěe nǔvíkún lɛ́ nɔ wa nǔ gbɔn ɖo mɛ e nɔ nylá hun é ɖe sín lanmɛ é wú tlɔlɔ ǎ, amɔ̌ é yí gbe ɖɔ ‘aɖi nɔ ɖó’ mɛɖé lɛ́, bɔ yě nɔ “ɖo adǎn jí hwebǐnu.” (Nǔnywɛ́xó 22:24; 29:22) É ɖo mɔ̌ có, Biblu lɛ́ ɖɔ: “Jǒ xomɛsin dó, jǒ hunnylánylá dó.”—Ðɛhan 37:8; Efɛ́zinu lɛ́ 4:31.
Mɛ kpɛɖé jɛ́n ná gbɛ́ wěɖexámɛ énɛ́, alǒ ɖɔ ɖɔ é syɛ́n dín nú mɛ ɖěɖěe nylá hun lɛ́ é. Nǔgbó ɔ, akɔwé e tlɛ ɖi ɖɔ lěe nǔvíkún lɛ́ nɔ w’azɔ̌ gbɔn ɖo mɛɖé sín lanmɛ é wú wɛ hunnylánylá nɔ sín lɛ́ é nɔ dó gǎn syɛ́nsyɛ́n bo nɔ d’alɔ mɛ ɖěɖěe nɔ nylá hun lɛ́ é bɔ yě nɔ ɖu ɖo nǔwalɔ mɔ̌hun jí. Kúnnuɖetɔ́ Jexóva tɔn lɛ́ nɔ wa nǔ ɖokpó ɔ hwenu e nǔwalɔ ɖé ma sɔgbe xá nǔgbódodó Biblu tɔn lɛ́ ǎ é, káká jɛ xóɖóxámɛ e nɔ tíin ɖo súnnu kpó nyɔ̌nu kpó e ma wlí alɔ ǎ lɛ́ é tɛ́ntin é jí. Biblu ɖe wě xá mɛ ɖo ninɔmɛ mɔ̌hun lɛ́ bǐ mɛ: “Mi mɛ ɖokpó ɖokpó ɖó ná tuun lěe é ná ɖó acɛ dó agbaza éɖésúnɔ tɔn jí, lobo hɛn ɖó mǐmɛ́ jí, bo lɛ́ wlí yɛ̌yi ná gbɔn é; mi ɖó ná jó miɖée dó nú jlǒ xóɖóxámɛ tɔn syɛ́nsyɛ́n e jí è ma ɖu ɖe ǎ b’ɛ zɛ kpá é” ǎ.—1 Tɛsaloníkinu lɛ́ 4:4, 5.
“Nǔ e mɛɖé lɛ́ ɖo mi mɛ bo nyí ɖ’ayǐ é nɛ́”
Kplɔ́n vovo wɛ mɛ ɖěɖěe ba ná húzú Klisánwun ɖo xwe kanweko nukɔntɔn ɔ mɛ lɛ́ é yí bo nɔ zán gbɛ ɖo ali vovo nu, bɔ yě mɛ ɖé lɛ́ bló hǔzúhúzú tají lɛ́ ɖo gbɛzínzán yětɔn mɛ. Ði kpɔ́ndéwú ɔ, Biblu ɖɔ xó dó “mɛ e nɔ lɛ aga lɛ́ é, mɛ e nɔ sɛn bǒcyɔ́ lɛ́ é, mɛ e nɔ dó afɔ gbě alǒ mɛ e nɔ ba nyɔ̌nu ɖěvo lɛ́ é, súnnu e nɔ ɖóxó xá súnnu lɛ́ é” wú bo ɖɔ gɔ́ ná ɖɔ: “nǔ e mɛɖé lɛ́ ɖo mi mɛ bo nyí ɖ’ayǐ é nɛ́.”—1 Kɔlɛ́ntinu lɛ́ 6:9-11.
Ðɔ e Biblu ɖɔ ɖɔ “nǔ e mɛɖé lɛ́ ɖo mi mɛ bo nyí ɖ’ayǐ é nɛ́” é ka ɖo xíxlɛ́ wɛ ɖɔ mɛ ɖěɖěe ɖó xó ɖíɖó xá mɛ e ɖó mɛ̌ ɖokpó ɔ yěɖɔhun lɛ́ é te lɛ́ é kún sɔ́ nɔ ɖó jlǒ mɔ̌hun gbeɖé o wɛ a? É ná vɛ́ wǔ bɔ é ná nyí mɔ̌ ɖó Biblu lɛ́ dó wǔsyɛ́n lanmɛ nú mɛ ɖɔ: “Mi ní nɔ zán gbɛ sɔgbe xá ali e gbigbɔ ɔ nɔ xlɛ́ mɛ é, énɛ́ ɔ, mi ná wa jlǒ agbaza tɔn ɖěbǔ ǎ.”—Galátinu lɛ́ 5:16.
Ð’ayi wú ɖɔ klisánwun ɖé kún ná ɖó jlǒ masɔgbe ɖé gbeɖé ó wɛ Biblu ɖɔ ó. É nyɔ́ wa ɔ, é ɖɔ ɖɔ é kún ná wá gbeta ɔ kɔn bo wa nǔ sɔgbe xá jlǒ mɔ̌hun ó. Klisánwun lɛ́ nɔ kplɔ́n bo nɔ ɖ’acɛ dó jlǒ mɔ̌hun lɛ́ jí, yě nɔ ɖo tamɛ lin d’é jí wɛ káká bɔ é nɔ wá zɔ́n bɔ yě nɔ wa nǔ sɔgbe xá ǎ.—Jaki 1:14, 15.
Mɔ̌ mɛ ɔ, Biblu ɖe xlɛ́ ɖɔ vogbingbɔn ɖé do jlǒ kpó nǔwalɔ kpó tɛ́ntin. (Hlɔ̌manu lɛ́ 7:16-25) Mɛ e jlǒ xó ɖíɖó xá mɛ e ɖó mɛ̌ ɖokpó ɔ éɖɔhun é tɔn sín zɛn nɔ sɔ́ é sixú nɔ ɖu ɖo nǔ e jí é nɔ ɖo tamɛ lin dó wɛ lɛ́ é jí lěe é ná ko ɖu ɖo jlǒ nyanya ɖěvo lɛ́ ɖi hunnylánylá, afɔ dídó gbě alǒ nyɔ̌nu ɖěvo biba, kpó nukúnkɛndídó kpó jí gbɔn é.—1 Kɔlɛ́ntinu lɛ́ 9:27; 2 Piyɛ́ɛ 2:14, 15.
Kúnnuɖetɔ́ Jexóva tɔn lɛ́ nɔ tɛ́ dó nǔgbódodó walɔ ɖagbe tɔn Biblu tɔn lɛ́ wú có, yě nɔ hɛn mɛ ɖěvo lɛ́ gǎnnugǎnnu nú yě ná wa nǔ ɖokpó ɔ ǎ. Mɔ̌ jɛ́n yě ma nɔ lɛ́ tɛ́n kpɔ́n bá húzú sɛ́n ɖěɖěe nɔ nya xɛ mɛ̌ e sín gbɛzínzán gbɔn vo nú yětɔn lɛ́ é jí ǎ é nɛ́. Wɛn ɖagbe wɛ ɖo nu nú Kúnnuɖetɔ́ Jexóva tɔn lɛ́, bɔ akpakpa nɔ sɔ́ yě nú yě ná jlá mɛ e ná ɖótó lɛ́ é bǐ.—Mɛsɛ́dó 20:20.