Jexóva
Nyǐkɔ tɔn
È lin ɖɔ tínmɛ nyǐkɔ Jexóva ɔ tɔn wɛ nyí “É nɔ bló b’ɛ nɔ húzú”
Bǐ 1:1; Tí 3:13-15, nwt; Ðɛ 102:26; Eza 42:5
Étɛ́ Jexóva ka nɔ húzú, alǒ nǔ tɛ́ lɛ́ é ka nɔ wa bo ná dó kpé nukún dó mɛsɛntɔ́ tɔn lɛ́ wú?
Ðɛ 19:15; 68:6; Eza 33:22; 40:11; 2Kɔ 1:3, 4
Étɛ́wú é ka ɖo dandan ɖɔ mɛ bǐ ní tuun ɖɔ mɛ mímɛ́ wɛ Jexóva nyí, bɔ éɖokpónɔ wɛ nyí Mawu nǔgbó ɔ?
Étɛ́wú é ka jɛxá ɖɔ mɛ bǐ ní nɔ se tónú nú Jexóva, Nǔbǐwúkpétɔ́ wɛ̌kɛ́ ɔ tɔn?
Tɛnmɛ-nyíkɔ Jexóva tɔn ɖé lɛ́
Ajalɔ̌nlɔn: Bǐ 14:18-22; Ðɛ 7:18
Aklúnɔ Nǔbǐwúkpétɔ́: Eza 25:8, nwt; Am 3:7, nwt
Axɔ́sú mavɔmavɔ: 1Ti 1:17; Nǔ 15:3
Jexóva ahwankpá lɛ́ tɔn: 1Sa 1:11, nwt
Mɛ̌si ɖaxó: Eza 30:20, nwt
Nǔbǐwúkpétɔ́: Bǐ 17:1; Nǔ 19:6
Só ɔ: Sɛ́ 32:4; Eza 26:4
Susubǐnɔ: Eb 1:3; 8:1
Tɔ́: Mt 6:9; Jn 5:21
Jijɔ Jexóva tɔn ɖaaɖagbe ɖé lɛ́
Nɛ̌ Jexóva ka tɛ ɖɛ̌ lě do é mɛ́ sɔ é jí gbɔn? Étɛ́ énɛ́ tuuntuun ka ɖó ná sísɛ́ mǐ bɔ mǐ ná ba ná wa?
Tí 28:36, nwt; Le 19:2; 2Kɔ 7:1; 1Pi 1:13-16
Kpɔ́ndéwú Biblu tɔn e sixú d’alɔ we lɛ́ é:
Eza 6:1-8: Ée gbeyíɖɔ Ezayíi mɔ nǔmimɔ e tɛ ɖɛ̌ lě do Jexóva mɛ́ sɔ é jí é ɔ, ahwi to xo è hwɛ̌, amɔ̌, Selafɛ́ɛn ɖé flín i ɖɔ ényí é ná bo tlɛ nyí gbɛtɔ́ hwɛhutɔ́ ɔ, é sixú mɛ́ ɖo Mawu nukúnmɛ
Hlɔ̌ 6:12-23; 12:1, 2: Mɛsɛ́dó Pɔ́lu tínmɛ lěe mǐ sixú fun ahwan xá jlǒ hwɛhuhu tɔn mǐtɔn lɛ́, bo kpo ɖo “gbɛ mímɛ́” zán wɛ gbɔn é
Nɛ̌ do hlɔ̌nhlɔ́n Jexóva tɔn ka d’agba sɔ? Ali ɖětɛ́ lɛ́ nu é ka nɔ zán ɖe?
Tí 15:3-6; 2Ta 16:9; Eza 40:22, 25, 26, 28-31
Kpɔ́ndéwú Biblu tɔn e sixú d’alɔ we lɛ́ é:
Sɛ́ 8:12-18: Gbeyíɖɔ Mɔyízi flín togun ɔ ɖɔ, yě ɖu nǔ ɖaaɖagbe e yě ɖó lɛ́ é bǐ sín axɔ́ dó Jexóva, ɖó é zán hlɔ̌nhlɔ́n tɔn dó kɔn nyɔ̌ná dó yě jí wútu
1Ax 19:9-14: Jexóva ɖe hlɔ̌nhlɔ́n tɔn xlɛ́ ɖo ali jí wǔ nu dó dó wǔsyɛ́n lanmɛ nú gbeyíɖɔ Elíi e ɖo linkpɔ́n mɛ é
Étɛ́wú mǐ ka sixú ɖeji bǐ mlɛ́mlɛ́ ɖɔ Jexóva nɔ ɖɔ hwɛ jlɔ́jlɔ́?
Sɛ́ 32:4; Jɔb 34:10; 37:23; Ðɛ 37:28; Eza 33:22
Kpɔ́ndéwú Biblu tɔn e sixú d’alɔ we lɛ́ é:
Sɛ́ 24:16-22: Lěe Mɔyízisɛ́n ɔ ɖe xlɛ́ gbɔn é ɔ, hwɛ jlɔ́jlɔ́ ɖiɖɔ Jexóva tɔn nɔ zɔn kpɔ́ xá nǔbláwǔkúnúmɛ tɔn kpó wǎnyíyí tɔn kpó hwebǐnu
2Ta 19:4-7: Axɔ́sú Jozafáti flín hwɛɖɔtɔ́ lɛ́ ɖɔ yě ɖó ná nɔ wá gbeta lɛ́ kɔn sɔgbe xá nǔ e Jexóva ɖɔ ɖɔ é nyí nǔ jlɔ́jlɔ́ é, ényí sɔgbe xá ée gbɛtɔ́ lɛ́ ɖɔ é ǎ
Étɛ́ ka ɖe xlɛ́ ɖɔ Jexóva nyɔ́nǔi hú mɛ ɖěvo ɖěbǔ?
Ðɛ 104:24; Nǔx 2:1-8; Jel 10:12; Hlɔ̌ 11:33; 16:27
Lɛ̌ kpɔ́n Ðɛ 139:14; Jel 17:10
Kpɔ́ndéwú Biblu tɔn e sixú d’alɔ we lɛ́ é:
1Ax 5:9-14: Jexóva kɔn nyɔ̌ná dó axɔ́sú Salomɔ́ɔ jí, bo ná ɛ nǔnywɛ́ hú mɛ e nɔ gbɛ ɖo hwetɔnnu lɛ́ é bǐ
Lk 11:31; Jn 7:14-18: Jezu nyɔ́nǔi hú Salomɔ́ɔ; é ɖo mɔ̌ có, é yí gbe kpó mɛɖéesɔ́hwe kpó ɖɔ Jexóva gɔ́n wɛ nǔnywɛ́ émítɔn gosín
Nɛ̌ Jexóva ka ɖe xlɛ́ ɖɔ wǎnyíyí wɛ nyí jijɔ émítɔn tají hú gǎn ɔ gbɔn?
Jn 3:16; Hlɔ̌ 8:32; 1Jn 4:8-10, 19
Kpɔ́ndéwú Biblu tɔn e sixú d’alɔ we lɛ́ é:
Mt 10:29-31: Jezu ná nǔjlɛ́dónǔwú dó gboli wú dó ɖe lě do Jexóva yí wǎn nú gbɛtɔ́ e nɔ sɛn ɛ lɛ́ é ɖokpó ɖokpó, bɔ yě lɛ́ xɔ akwɛ́ n’i sɔ é xlɛ́
Mk 1:9-11: Jexóva ɖɔ nú Jezu ɖɔ émí yí wǎn n’i, bo nɔ lɛ́ gó ɖó Tɔ́ tɔn e émí nyí é wú. Kpɔ́ndéwú ɖagbe ɖé wɛ énɛ́ nyí nú mɛjitɔ́ lɛ́, ɖó vǐ bǐ wɛ ɖó xó mɔ̌hun lɛ́ sise ɖo mɛjitɔ́ yětɔn lɛ́ sín nu sín hudó
Hwɛjijɔ ɖěvo tɛ́ lɛ́ wú mǐ ka nɔ sɛkpɔ́ Jexóva? Biblu ɖɔ xó dó jijɔ ɖagbe Jexóva tɔn gěgé wú. Ðé lɛ́ ɖíe:
Alɔhundónánǔmɛtɔ́: Ðɛ 104:13-15; 145:16
Awǎjijɛnɔ: 1Ti 1:11
É nɔ ɖó suúlu: Eza 30:18; 2Pi 3:9
É nɔ húzú ǎ; é nyí mɛ ɖejidéwú: Mal 3:6; Ja 1:17
É nɔ mɔ nǔ bǐ: 2Ta 16:9; Nǔx 15:3
É nyí mɛfífá: Flp 4:9
Gbejínɔtɔ́: Nǔ 15:4
Mavɔmavɔ; é ɖó bǐbɛ́mɛ, alǒ vivɔnu ǎ: Ðɛ 90:2; 93:2
Mɛɖéesɔ́hwetɔ́: Ðɛ 18:35, nwt
Nǔbláwǔkúnúmɛtɔ́: Tí 34:6
Nǔjlɔ́jlɔ́watɔ́: Ðɛ 7:10
Susubǐnɔ: Ðɛ 8:2, nwt; 148:13, nwt
Susunɔ: Nǔ 4:1-6
Wǔvɛ́sexámɛtɔ́: Eza 49:15; 63:9; Zak 2:12
Xomɛnyɔ́tɔ́: Lk 6:35; Hlɔ̌ 2:4
Ényí mǐ kplɔ́n bo tuun Jexóva ganjí ɔ, étɛ́ ka ná jɛ?
Sɛ́ 6:4, 5; Mk 12:28-32
Lěe mǐ sixú sɛn Jexóva gbɔn é
Étɛ́ ka xlɛ́ ɖɔ Jexóva kún nɔ byɔ́ mɛsɛntɔ́ tɔn lɛ́ ɖɔ yě ní wa nǔ zɛ nǔ e ɖo jlɛ̌ jí lɛ́ é wú ó?
Kpɔ́ndéwú Biblu tɔn e sixú d’alɔ we lɛ́ é:
Sɛ́ 30:11-14: Sɛ́n e è ná gbɔn Mɔyízi jí é syɛ́n dín bónú Izlayɛ́li ví lɛ́ ná gɔn nyinyi ǎ
Mt 11:28-30: Jezu e nɔ ɖe jijɔ Tɔ́ tɔn tɔn lɛ́ xlɛ́ bɔ nǔ bǐ nɔ vɔ́ ɖ’é wú é ná gǎnjɛwú ahwanvú tɔn lɛ́ ɖɔ Gǎn e nɔ fá kɔ nú mɛ é ɖé wɛ nú émí
Étɛ́wú é ka sɔgbe ɖɔ mǐ ní nɔ kpa susu nú Jexóva?
Ðɛ 105:1, 2; Eza 43:10-12, 21
Lɛ̌ kpɔ́n Jel 20:9; Lk 6:45; Mɛ 4:19, 20
Kpɔ́ndéwú Biblu tɔn e sixú d’alɔ we lɛ́ é:
Ðɛ 104:1, 2, 10-20, 33, 34: Ðɛhanwlántɔ́ ɔ mɔ hwɛjijɔ e wú é ɖó ná ji han dó kpa susu nú Jexóva é gěgé ɖo nǔɖíɖó lɛ́ mɛ
Ðɛ 148:1-14: Nǔ e Jexóva dá lɛ́ é bǐ, káká jɛ wɛnsagun lɛ́ jí nɔ kpa susu n’i; mǐ lɔ ɖó ná wa mɔ̌
Nɛ̌ nǔwalɔ mǐtɔn ka sixú ɖe kúnnu nú Jexóva gbɔn?
Étɛ́wú mǐ ka ɖó ná sɛkpɔ́ Jexóva?
Ðɛ 73:28; Ja 4:8
Nɛ̌ mɛɖéesɔ́hwe ka nɔ d’alɔ mǐ bɔ mǐ nɔ sɛkpɔ́ Mawu gbɔn?
Ðɛ 138:6; Eza 57:15
Nɛ̌ Biblu xixa kpó tamɛ linlin kpó ka nɔ zɔ́n bɔ mǐ nɔ sɛkpɔ́ Jexóva gbɔn?
Ðɛ 1:1-3; 77:12-14; Mal 3:16
Étɛ́wú é ka ɖo tají ɖɔ mǐ ní nɔ wa nǔ sɔgbe xá nǔ e mǐ nɔ kplɔ́n dó Jexóva wú lɛ́ é?
Étɛ́wú mǐ ma ka ɖó ná tɛ́n kpɔ́n bo sɔ́ nǔ ɖěbǔ hwlá dó Jexóva gbeɖé ǎ?
Jɔb 34:22; Nǔx 28:13; Jel 23:24; 1Ti 5:24, 25
Kpɔ́ndéwú Biblu tɔn e sixú d’alɔ we lɛ́ é:
2Ax 5:20-27: Gehazíi tɛ́n kpɔ́n bo sɔ́ hwɛ tɔn hwlá, amɔ̌, Jexóva ná nǔwúkpíkpé ɔ gbeyíɖɔ tɔn Elizée b’ɛ mɔ nǔ jɛ nǔgbó ɔ wú
Mɛ 5:1-11: È ɖe Ananiyási kpó Safíla kpó gba bo dɔn tó nú yě, ɖó yě ɖó adingban nú gbigbɔ mímɛ́ ɔ wútu