Honno hebilarantoɗen fii pottital ngal ?

Si tawii hiɗon janngude Deftere Allah nden e Seedeeɓe Yahuwah ɓen, on ndartay ko janngoton kon, hebiloɗon. Ko wano non kadi si hiɗon faalaa hebilanaade fii pottital ngal ka moftal. Ko ɓuri e moƴƴude ko marugol saa’i fii waɗugol ɗun.

Suɓagol saa’i e nokkuure deƴƴunde. Ko saa’i hommbo waawoton ndartude ? Ko bimmbi ɗoo yo on fuɗɗaade golle kaa ko jemma si fayɓe ɓen waalike ? Hay si on waawaali janngude ko neeɓi, kono ko yo on ndaaru saa’i hommbo e nokkuure deƴƴunde ka waawoton janngude. Wota on accu hay huunde haɗa on ndartude ko janngoton kon wano radio, tele maa telefon. Toroɗon Allah si fuɗɗoɗon janngude fii no waɗiron miijooji mon ɗin fow ka janngugol daaluyee Allah on. — Filipii 4:6, 7.

Hebiloɗen fii no jaaboroɗen. Fuɗɗoree ndartugol fow. Miijitee fii tiitoonde wonunde dow nden e ndaaron si no yiitodi e tiitooɗe wonuɗe ɗen ka hakkunde. Ndaaree mise ɗen e janngon lanndaale wonuɗe ɗen ka lannitoode. Janngee simoore kala e ndaaron ko honno nde jaabori ko lanndaa kon. Janngee aayeeje hollaaɗe ɗen e ndaaron si no yiitodi e ko jannguɗon kon (Kuuɗe sahaabaaɓe ɓen 17:11). Si on yi’i jaabawol, on tentinay. Si hiɗon faalaa jonnugol jaabawol ka pottital e nder ko wona e janngeede kon, on townay jungo mon ngon, jaaboɗon.

Si on ndartii ko jannguɗon kon yontere kala ka pottital, on wa’ay wa “ nde jom suudu no yaltina e nder marga mun keyeeji kesi e kiɗɗi ”. — Matta 13:51, 52.

• Ko saa’i hommbo waawoton hebilanaade fii pottital ngal ?

• Ko honno gerdeten fii jaabagol lanndaale ɗen ka pottital ?