Ko honno Laamu Allah ngun woniri ?

1. Ko honno ngun laamu woniri ?

Laamu Allah ngun no ka kammu. Allah ittoyay laamuuji ɗin fow e oo aduna, ko laamu makko ngun tun heddoyto. Faale makko on waɗoyay ka kammu e ka leydi. Kibaaru iwruɗo ka Allah on no moƴƴi. Neeɓataa Laamu Allah ngun waɗoyay faale kala tagaaɗo. Allah waɗoyay yimɓe ɓen fow jokka enɗan. — Janngee Danu’iila 2:44, TMN ; Matta 6:9, 10 ; 24:14.

Laamu kala no mari lanɗo. Ko sabu ɗun, Yahuwah waɗi annabi Iisaa lanɗo laamu makko ngun. — Janngee Feɲɲinannde 11:15.

Ndaaree vidio on Ko honno Laamu Allah ngun woniri ?

2. Fii honɗun Iisaa wonani lanɗo gaynoowo ?

Annabi Iisaa ko lanɗo gaynoowo ɓayri himo moƴƴi e himo wonani ko moƴƴi (Matta 11:28-30). Kadi, himo mari bawgal wallugol yimɓe ɓen ɓayri o wonay ka kammu o laamo oo aduna. Ko o immintinaa, o ƴawuno ka kammu, o jooɗi ka senngo ɲaamo Yahuwah, o sabbi (Yahuudiyankeeɓe 10:12, 13). Ontuma Allah jonni mo laamu ngun. — Janngee Luuka 1:32, 33.

3. Ko homɓe laamodotoo e Iisaa ?

Ko mojobere gomɗinɓe laamodotoo e Iisaa ka kammu (Feɲɲinannde 5:10). Ɓe o adi suɓaade ɓen ko sahaabaaɓe makko ɓen. Yahuwah haa jooni no ɓeydude suɓagol gomɗinɓe worɓe e rewɓe. Ɓe immintinoyte no annabi Iisaa immintiniraa non e ɓanndu ruuhu. — Janngee Yuuhanna 14:1-3 ; 1 Korenti 15:42.

Yimɓe njelo ƴawata ka kammu ? Iisaa noddi ɓe “ wuro tosooko ” (Luuka 12:32). Ko ɓe yimɓe 144 000. Ɓe laamodoto e Iisaa leydi ndin. — Janngee Feɲɲinannde 14:1.

4. Honɗun waɗunoo ko Iisaa fuɗɗi laamaade ?

Laamu Allah ngun fuɗɗino gila 1914a. Ko Iisaa laamii, o bugino Seytaane e fedde mun nden ka hoore leydi. Seytaane no heewuno tikkere. Ko onsay o fuɗɗi waɗude masiibooji e oo aduna (Feɲɲinannde 12:7-10, 12). Gila ɗun, tampere tagaaɗo fuɗɗi ɗuuɗude wano gere, heege, ɲabbeeli e dimmbo leydi. Ɗun fow no holli neeɓataa Laamu Allah ngun ara. — Janngee Luuka 21:7, 10, 11, 31.

5. Ko honɗun Laamu Allah ngun golli ?

Ngol waajagol no woni sabu fii leƴƴi buy yo fottu. Yimɓe buy no wonande Laamu Allah ngun. Allah danndoyay wonanɓe laamu makko ngun, si o muloyii bonɓe ɓen e hoore ndii leydi. — Janngee Feɲɲinannde 7:9, 14, 16, 17.

E nder duuɓi 1 000, Laamu Allah ngun waɗoyay faale makko fii tagaaɗo. Aduna on fow wontoyay aljanna. Onsay, annabi Iisaa jonnitoyay Allah Laamu ngun (1 Korenti 15:24-26). Hommbo faalaɗon yewtude fii nguu Laamu Allah ? — Janngee Zabuura 37;10, 11, TMN ; Matta 5:5.