Ko honno tagaaɗo wonirnoo ka fuɗɗoode ?

Yahuwah okkuno baaba Aadama e neene Hawaa piiji moƴƴuɗi buy. Fuɗɗoode nden 1:28

Yahuwah taguno debbo arano on neene Hawaa, o humi dewgal hakkunde makko e baaba Aadama. — Fuɗɗoode nden 2:21, 22.

Yahuwah tagidi ɓe e hakkile e cellal timmungal, hari ɓe aldaa e ella.

Ka Aljanna tutateeri Adni ɓe wonunoo — nokkuure fotunde wondunoonde e maayo e leɗɗe rimooje e kulle.

Yahuwah daalanno ɓe, si ɓe jentino mo ɓe wuurayno haa poomaa ka Aljanna.

Allah haɗuno ɓe wota ɓe ɲaamu ɓiɓɓe ngal legal. Fuɗɗoode nden 2:16, 17

Yahuwah holluno baaba Aadama e neene Hawaa leggal rimoowal ka tutateeri. O daalani ɓe wota ɓe ɲaamu ɓiɓɓe ngal leggal si hinaa ɗun ɓe maayay.

Malaa’ikaajo go’o yedduno Allah. On malaa’ikaajo bonɗo hino innee Seytaane maa Ibuliisa.

Seytaane faalanooka yo ɓe ɗofto Yahuwah. O rewri mboddi fii yewtugol neene Hawaa. O wi’i si o ɲaami ɓiɓɓe ngal leggal, o maayataa kono o wa’ay wa Allah. Tawi ko fenaande. — Fuɗɗoode nden 3:1-5.