TOƁƁERE 36
Wonee feewuɓe e kala huunde
Mo kala no yiɗi yo weldiɓɓe mun wonu feewuɓe. Yahuwah Alla kadi no faalaa yo yiɓɓe makko ɓen wonu feewuɓe. Kono ɗun welaa fii e nder aduna ka yimɓe buy feewaa. Ko honɗun e nafa heɓeten fii wonugol feewuɓe e kala huunde ?
1. Ko fii dalil hittuɗo hommbo wonanten feewuɓe ?
Si en feewanii woɓɓe goo, en hollay hiɗen yiɗi Yahuwah Alla e hiɗen teddini mo. Annditee : Yahuwah Alla no anndi kala ko miijotoɗen e ko waɗeten (Yahuudiyankeeɓe 4:13). Si en suɓike wonugol feewuɓe o annday e o weltoto fii mun. Daaluyee makko on wi’i : « Ko fii [Yahuwah] Joomiraaɗo on no weldi e feewuɓe ɓen, himo aɲi bonɓe ɓen » (Tindi 3:32, VPFJ).
2. Ko honno hollirten ko en feewuɓe e nder ngurndan men ɗan ?
Yahuwah Alla no faalaa mo kala e men « yo wowlan ɗimmo mun on goonga » (Efeesi 4:25). Ko honɗun ɗun firi ? Si tawii hiɗen yewtude ɓeynguure men nden, ɓe gollideten, musiɓɓe men ɓen ka dewal, laamiiɓe, en fenantaa ɓe maa suuɗaa ɓe goonga on. Feewuɓe wujjataa woɓɓe goo maa janfoo ɓe (janngee Tindi 24:28 [VPFJ] e Efeesi 4:28). E ɓe yoɓay kala sagalle ɗe ɓe haani yoɓude (Roomu 13:5-7). Ko wano nii e sifaaji goo men waɗata « no feewiri e kala huunde » (Yahuudiyankeeɓe 13:18).
3. Ko nafa honɗun heɓeten wonugol feewuɓe ?
Si hiɗen anndiraa wonugol feewuɓe, woɓɓe goo hooloto en. En wallitoto mo kala ka moftal wonugol danndaaɗo wa e nder ɓeynguure wondunde e giggol. En heɓay ɓernde laaɓunde. Nunɗal men ngal kadi « teddinay gandal fii Alla Danduɗo en on » fii no woɓɓe goo faaliree rewugol Yahuwah Alla goongaajo on (Tiituusa 2:10).
LUGGINEE
Ndaaree no nunɗal battinirta on onon e Yahuwah Alla, e janngon honno wonirton feewuɓe e baŋŋe ɗen fow ka ngurndan mon.
4. Wonugol feewuɓe no weltina Yahuwah Alla
Janngee Zabuura 44:21 (44:22, VPFJ) e Malakii 3:16, e yewton fii ɗee lanndaale :
Fii honɗun hoolagol hiɗen waawi suuɗude goonga on aldaa e faamu ?
E miijo mon, ko honno Yahuwah Alla wa’irta si en suɓike haalugol goonga on hay si no sattani en ?
Si fayɓe ɓen haalii goonga, ɓe weltinay mawɓe maɓɓe ɓen. Si en haalii goonga, en weltinay Yahuwah Alla.
5. Wonee feewuɓe saa’iiji ɗin fow
Yimɓe buy no miijoo wonugol feewuɓe aldaa e nafa. Kono ndaaree fii honɗun hiɗen haani wonude feewuɓe saa’iiji ɗin fow. Fijinee VIDIO on.
Janngee Yahuudiyankeeɓe 13:18 e yewton fii no wonirten feewuɓe...
ka ɓeynguure,
ka golle maa ka lekkol,
e ɓaŋŋe goo.
6. Wonugol feewuɓe no nafa en
Wonugol feewuɓe addanay en wonnde sonnjaa. Kono ka sakkitoode ko huunde ɓurnde moƴƴude nde haanuɗen waɗude. Janngee Zabuura 34: 12-16 (13-17, VPFJ) e yewton fii ngal lanndal :
Ko honno nunɗal wallirta on fii no wuuriron no moƴƴiri ?
Jommbindirɓe feewuɓe no tiiɗina dewgal maɓɓe ngal.
Gollooɓe feewuɓe no heɓa hoolaare ɓe ɓe gollanta ɓen.
Ɓii-leydi’en feewuɓe no heɓa innde moƴƴunde yeeso laamiiɓe ɓen.
WOƁƁE GOO NO WI’A : « Penaale tosooke bonnataa hay huunde. »
E miijo mon, fii honɗun Yahuwah Alla no aɲi penaale ɗen fow.
RAWNOODE
Yahuwah Alla no faalaa weldiɓɓe makko ɓen yo wonu feewuɓe e kala ko ɓe haalata e ko ɓe waɗata.
Ndartannde
Ko honno wonirten feewuɓe ?
Fii honɗun hoolagol hiɗen waawi suuɗude goonga on aldaa e faamu ?
Fii honɗun hiɗon faalaa wonugol feewuɓe saa’iiji ɗin fow ?
TASKEE
Ko honno mawɓe ɓen jannirta fayɓe mun ɓen wonugol feewuɓe ?
Ko nafa honɗun heɓeten e hoore teddingol haala men kan ?
Annditee yoɓugol sagalle hay si ɗun huurtortaake no moƴƴiri.
« Hiɗen haani yoɓude sagalle ? » (Suudu Aynirdu ndun, 1 settaambur 2011)
Ko honɗun walli gorko mo aldaano e peewal waylugol jikkuuji makko ɗin fii gollugol no feewiri ?
« Mi annduno Yahuwah Alla ko yurmeteeɗo e yaafotooɗo » (Suudu Aynirdu ndun, 1 mee 2015)