Hiɗon waawi heɓude baraaji iwruɗi ka Alla mo giggol haa poomaa
Hiɗon faalaa wuurude e nder aduna mo aldaa e gere, sicceendi e liddondiral ?
Hiɗon faalaa yi’ude nawnaare, satteendi e mayde no lanni ?
Hiɗon yelii anngal weemere e sonnjaa ?
Hiɗon faalaa wuurude e nokkuure ka waamere, dimmbannde leydi, yooru... waɗataa ?
Alla men on, mo giggol, Taguɗo leydi men labaandi ndin, no fodi tagaaɗo wuurugol e nder ɓuttu e weltaare haa poomaa. Ɗun ko ko selli.
E nder winndanɗe jokkituɗe ɗen, on janngay fii :
Ko Alla miiji fii tagaaɗo.
Ko Daaluyee Alla winndaaɗo on jannata en kon.
Ko annabaaɓe Alla ɓen feɲɲini fii baraaji ɗi o fodi ɗin.
Ko waaweten waɗude fii heɓugol weltaare hannde e baraaji Alla ko aroyta haa poomaa.
Fuɗɗoren ndaarugol piiji holluɗi giggol Taguɗo on fii tagaaɗo.