Tá Iób Dílis do Dhia

IÓB is ainm don fhear tinn seo. An bhfuil fhios agat céard atá a bhean a rá le Iób? ‘Cuir do mhallacht ar Dhia agus fáigh bás.’ Cén fáth a ndéarfadh sí rud mar sin agus cén fáth a bhfuil Iób ag fulaingt?

Ba fear dílis é Iób a bhí umhal do Iehobhah. Chónaigh sé i dtír Uz, gar do Cha’naan. Bhí an-chion ag Iehobhah ar Iób. Ach bhí fuath ag Sátan an Deabhal do Iób.

Sé Sátan an drochaingeal a bhfuil fuath aige do Iehobhah. Bhí sé in ann Ádhamh agus Éabha a iompú ó Dhia agus cheap sé go bhféadfadh sé gach duine eile a iompú freisin. Ach níor éirigh leis. Cuimhnigh ar na fir agus na mná dílse ar fhoghlaim muid fúthu. Cé mhéid acu atá tú in ann a ainmniú?

Tar éis do Iacob agus do Sheosamh bás a fháil san Éigipt, ba é Iób an duine ba dílse do Dhia sa domhan iomlán. Theastaigh ó Dhia go mbeadh fhios ag Sátan nach bhféadfadh sé gach duine a chuir i gcoinee Dé. Dúirt sé leis: ‘Féach chomh dílis is atá Iób.’

‘Tá sé dílis,’ a deireann Sátan, ‘mar beannaíonn tú é agus tá rudaí maithe aige. Ach tóg uaidh iad agus cuirfidh sé a mhallacht ort.’

Mar sin dúirt Dia: ‘Tóg uaidh iad. Déan gach rud is mian leat le Iób. Feicfimíd an gcuirfidh sé a mhallacht orm. Ach bí cinnte nach maraíonn tú é.’

Ar dtús, chuir Sátan ar ghadaithe ba, caoire agus camaill Iób a ghoid. Ansin mharaigh sé a dheichniúr mac agus iníon i stoirm. Ansin bhuail Sátan Iób le tinneas uafásach. D’fhulaing Iób go mór. Dúirt a bhean leis a mhallacht a chuir ar Dhia agus bás a fháil. Ach ní dhéanfadh Iób é. Tháinig trí chara bréige chuige a dúirt leis go raibh drochshaol caite aige. Ach d’fhan Iób dílis.

Bhí Iehobhah an-sásta leis seo agus ina dhiaidh bheannaigh sé Iób. Leigheas sé a thinneas. Bhí deichniúr eile páistí áilne ag Iób agus a dhá oiread caoire, ba agus camaill.

An mbéidh tusa dílis do Iehobhah mar a bhí Iób? Má bhíonn beannóidh sé tusa freisin. Béidh tú in ann maireachtáil go deo ar an domhan nuair a bhéas sé chomh hálainn le gáirdín Phárthais.