CEACHT 04

Cé hÉ Dia?

Eagrán Priontáilte

Tá daoine ag adhradh go leor déithe agus bandéithe, ó cruthaíodh an duine. Ach deir an Bíobla faoi Dhia amháin acu “is mó ár nDia ná na déithe go léir.” (2 Croinicí 2:4 [2 Croinicí 2:5 i mBíoblaí eile]) Cé hé an Dia sin? Cén fáth gur fearr É ná na déithe eile go léir a adhrann an duine? Foghlaimeoidh tú sa gceacht seo faoin gcaoi a gcuireann an Dia seo é féin in aithne duit.

1. Cén t-ainm atá ar Dhia, agus cén chaoi ar féidir linn a bheith cinnte go bhfuil sé ag iarraidh go mbeadh a ainm ar eolas againn?

Cuireann Dia é féin in aithne dúinn sa mBíobla. Deir sé: “Mise, arb é an Tiarna [Iehovaa] is ainm dom.” (Léigh Íseáia 42:5, 8.) Is aistriúchán ar ainm Eabhraise é an t-ainm “Iehova”—ainm a chiallaíonn “Déanann Seisean le go dTarlóidh sé.” Tá Iehova ag iarraidh go mbeadh a ainm ar eolas againn. (Eaxodus 3:15) Cén chaoi ar féidir linn a bheith cinnte de sin? Tá a ainm luaite sa mBíobla breis agus 7,000 uair! Is é Iehova an t-ainm atá ar an bhfíor Dhia “ar neamh thuas agus ar talamh thíos.”—Deotranaimí 4:39.b

2. Céard atá ráite sa mBíobla faoi Iehova?

Deir an Bíobla gurb é Iehova an t-aon Dia fírinneach amháin. Cén fáth? Tá cúpla cúis leis seo. Tá údarás ardcheannasach aige, agus dá bhrí sin is é amháin an “Té is Airde os cionn an domhain go léir.” (Léigh Salm 83:19. [Salm 83:18 i mBíoblaí eile]) Is é “an tUilechumhachtach” é, rud a chiallaíonn go bhfuil sé de chumhacht aige pé rud a roghnaíonn sé a dhéanamh, a dhéanamh. “Chruthaigh [Sé] an uile ní”—an chruinne agus gach dúil bheo atá ar an talamh. (Apacailipsis 4:8, 11) Bhí Iehova ann i gcónaí, agus beidh sé ann go deo.—Salm 90:2.

DÉAN TAIGHDE

Scrúdaigh an difríocht atá idir na teidil atá ag Dia agus a ainm sainiúil pearsanta. Ansin faigh amach faoin gcúis ar chuir sé ar an eolas thú faoina ainm.

Fear ag féachaint ar spéir na hoíche. Tá an t-ainm Iehova greanta ar an spéir.

3. Tá go leor teidil ag Dia, ach níl air ach ainm amháin

Chun an difríocht idir an teideal atá ag duine agus a ainm a fháil amach, seinn an FÍSEÁN, agus ansin pléigh an cheist a leanann.

FÍSEÁN: Go Leor Teidil, ach Ainm Amháin (0:41)

Cén difríocht atá idir teideal, mar “Tiarna,” agus ainm?

Deir an Bíobla go n-adhrann daoine go leor déithe agus tiarnaí. Léigh Salm 136:1-3, agus déan plé ar an gceist:

Cé hé ‘Dia na ndéithe’ agus ‘Tiarna na dtiarnaí’?

4. Ba mhaith le hIehova go mbeadh a ainm ar eolas agat agus go n-úsáidfeá é

Céard a léiríonn go bhfuil Iehova ag iarraidh go mbeadh a ainm ar eolas agat? Seinn an FÍSEÁN, agus ansin pléigh an cheist a leanann.

FÍSEÁN: An Bhfuil Ainm ar Dhia?—Blaisín (3:11)

Radharc ón bhfíseán ‘An Bhfuil Ainm ar Dhia?—Blaisín.’ Scrúdaíonn fear ainm Dé, Iehova, ag Salm 83:18 i ‘leagan an King James’ den Bhíobla a foilsíodh i 1611.

An gceapann tú go bhfuil Iehova ag iarraidh go mbeadh a ainm ar eolas ag daoine? Cén fáth?

Tá Iehova ag iarraidh ar dhaoine a ainm a úsáid. Léigh Rómhánaigh 10:13, agus déan plé ar an gceist:

Cé chomh tábhachtach is atá sé ainm Dé, Iehova, a úsáid?
Cén chaoi a mothaíonn tú nuair a chuimhníonn duine éigean ar d’ainm agus úsáideann sé é?
Cén chaoi a mothaíonn Iehova nuair a úsáideann tú a ainm?

5. Tá Dia ag iarraidh ort druidim isteach leis

Dúirt bean ón Chambóid darb ainm Soten “nach raibh sí chomh sásta riamh” is a bhí sí nuair a d’fhoghlaim sí ainm Dé. Seinn an FÍSEÁN, agus ansin pléigh an cheist a leanann.

FÍSEÁN: My Search for the True God (8:18)

Colláis: Radhairc ón bhfíseán ‘My Search for the True God.’ 1. Suíonn Soten faoi chrann san fhoraois, féachann sí suas ar an spéir, agus guíonn sí chuig an fhíor-Dhia. 2. Múineann Herold do Shoten gurb é Iehova ainm Dé.

De réir an fhíseáin sin, cén tionchar a bhí ag ainm Dé ar Shoten?

Is é a ainm an chéad rud a fhaigheann tú amach faoi dhuine sula mbíonn tú cairdiúil leis. Léigh Séamas 4:8a, agus pléigh na ceisteanna seo:

Cén cuireadh a thugann Iehova duitse?
Cén fáth go mbeadh sé cabhrach ainm Dé a bheith ar eolas agat agus é a úsáid chun dlúthchairdeas a chothú leis?

DEIR DAOINE ÁIRITHE: “Níl ann ach aon Dia amháin, mar sin is cuma cén t-ainm a thugtar air.”

An gcreideann tú gurb é Iehova ainm Dé?
Cén chaoi a mhíneofá go bhfuil Dia ag iarraidh orainn a ainm a úsáid?

ACHOIMRE

Is é Iehova ainm an t-aon Dia fírinneach amháin. Tá sé ag iarraidh go mbeadh an t-ainm sin ar eolas againn agus é a úsáid ionas gur féidir linn teannadh isteach leis.

Súil Siar

Cén difríocht atá idir Iehova agus na déithe eile go léir a bhíonn á n-adhradh ag daoine?
Cén fáth ar chóir dúinn ainm Dé a úsáid?
Céard a léiríonn go bhfuil Iehova ag iarraidh ort dlúthchaidreamh a chothú leis?

Ceacht críochnaithe ar:

Sprioc

Úsáid ainm Dé, Iehova, nuair atá tú ag caint faoi.

Tuilleadh:

Sprioc eile

FIOSRAIGH

Scrúdaigh cúig chúis a chruthaíonn go bhfuil Dia ann.

“An Bhfuil Dia Ann?” (Alt ar líne)

Cén fáth go ndéanann sé ciall a chreidiúint go raibh Dia ann i gcónaí?

Who Made God?” (The Watchtower, August 1, 2014)

Faigh amach faoin gcúis ar chóir dúinn ainm Dé a úsáid, fiú mura bhfuil muid cinnte faoin gcaoi a bhfuaimnítí é san am a caitheadh.

“Cé hÉ Iehova?” (Alt ar líne)

An cuma cén t-ainm a thugann muid ar Dhia? Féach ar an gcúis nach bhfuil air ach ainm pearsanta amháin.

“Cé Mhéad Ainm atá ar Dhia?” (Alt ar líne)

a Tá an t-ainm diaga aistrithe mar “an Tiarna” in An Bíobla Naofa (féach an réamhrá ar leabhar Eaxodus, faoi An Peintiteoch—Brollach.) Dá bhrí sin, gach áit a bhfuil an t-ainm diaga aistrithe mar “an Tiarna” sna scrioptúir a luaitear sa bhfoilseachán seo, cuireann muid an leagan Gaeilge den ainm diaga, “Iehova,” idir lúibíní ina dhiaidh.

b Le haghaidh tuilleadh eolais faoin mbrí atá le hainm Dé agus an chúis ar tógadh amach as cuid d’aistriúcháin an Bhíobla é, féach: Appendix A4 in the New World Translation of the Holy Scriptures.