CEACHT 11
An Bealach is Fearr le Tairbhe a Bhaint as an mBíobla
An raibh drogall riamh ort togra mór a thosú? B’fhéidir go ndearna tú é de réir a chéile chun éascaíocht a dhéanamh duit féin. Tá an rud céanna fíor nuair a thagann sé go dtí léitheoireacht an Bhíobla. Ach cá dtosóidh tú? Sa gceacht seo, déanfaidh muid machnamh ar roinnt rudaí simplí ar féidir leat a dhéanamh chun cabhrú leat taitneamh a bhaint as léitheoireacht agus as staidéar an Bhíobla.
1. Cén fáth ar chóir dúinn an Bíobla a léamh go rialta?
Beidh an duine a léann an Bíobla, nó “dlí an Tiarna [Iehova],” sona agus rathúil. (Léigh Salm 1:1-3.) Chun tabhairt faoin togra seo, léigh an Bíobla ar feadh cúpla nóiméad gach lá. De réir mar a gheobhaidh tú cleachta ar an mBíobla, is ea is mó a bhainfidh tú taitneamh as a bheith á léamh.
2. Céard a chabhróidh leatsa leas a bhaint as léitheoireacht an Bhíobla?
Chun an tairbhe is fearr a bhaint as léitheoireacht an Bhíobla, caithfidh muid sos a thógáil agus “machnamh a dhéanamh” ar a bhfuil á léamh againn. (Iósua 1:8) Agus tú ag léamh, cuir na ceisteanna seo a leanann ort féin: ‘Céard a insíonn sé seo dom faoi Iehova Dia? Cén chaoi ar féidir liom é seo a chur i bhfeidhm i mo shaol? Cén chaoi ar féidir liom na véarsaí seo a úsáid chun cabhrú le daoine eile?’
3. Cá bhfaighidh tú am chun an Bíobla a léamh?
An bhfuil sé deacair agat am a fháil le haghaidh an Bhíobla a léamh? Sin fadhb a bhíonn ag go leor daoine. Deir Eifisigh 5:16 linn a bheith “ag cur na huaire chun sochair.” Is féidir leat é seo a dhéanamh trí am a chur ar leataobh chun an Bíobla a léamh gach lá. Léann cuid de na daoine an Bíobla go luath ar maidin, daoine eile níos déanaí sa lá nó san oíche sula dtéann siad a chodladh. Cén t-am is fearr duitse?
DÉAN TAIGHDE
Foghlaim le léitheoireacht Bíobla a dhéanamh níos suimiúla agus le hullmhú go maith ionas go mbainfidh tú an leas is fearr as do staidéar ar an mBíobla.
Díreach mar a théann duine i dtaithí ar a bheith ag ithe bia éagsúil, is féidir linn foghlaim le taitneamh a bhaint as a bheith ag léamh an Bhíobla
4. Bain taitneamh as do léitheoireacht Bíobla
B’fhéidir nach mbeadh sé éasca ar dtús. Ach is féidir dul i dtaithí air díreach mar is féidir dul i dtaithí ar bhia nár ith tú cheana. Léigh 1 Peadar 2:2, ansin pléigh an cheist thíos:
Dá léifeá an Bíobla chuile lá an gceapann tú go mbainfeá taitneamh as agus go mbeifeá ag tnúth lena léamh?
SEINN AN FÍSEÁN agus féach mar a bhaineann daoine áirithe taitneamh as léamh an Bhíobla. Pléigh na ceisteanna a leanann.
Cé na dúshláin a sháraigh na daoine óga sa bhfíseán?
Céard a chabhraigh leo cloí le léamh an Bhíobla?
Cén chaoi a ndearna siad a gcuid léitheoireacht níos suimiúla?
Leideanna le cabhrú leat:
Roghnaigh aistriúchán cruinn den Bhíobla. Bain triail as an New World Translation nó an Bíobla Naofa Maigh Nuad.
Léigh caibidil a thaitníonn go mór leat. Féach ar an gcairt “Tosaigh ag léamh an Bhíobla.”
Déan nóta den méid atá léite agat. Úsáid an Chairt “Sceideal Léitheoireacht Bíobla” sa bhfoilseachán seo.
Úsáid an JW Library® app. Is féidir leat an Bíobla a léamh agus éisteacht leis, ag úsáid fón nó gléas den sórt sin.
Úsáid na haguisíní atá sa New World Translation. Tá léarscáileanna, cairteacha, agus gluais ansin atá an-suimiúil.
5. Ullmhaigh do do sheisiún staidéir
Léigh Salm 119:34, agus ansin pléigh an cheist seo:
Cén fáth ar cheart duit guí sula léann tú an Bíobla nó sula n-ullmhaíonn tú do do sheisiún staidéir?
Cén chaoi ar féidir leat an leas is fearr a bhaint as gach seisiún staidéir? Agus tú ag ullmhú ceacht do do sheisiún staidéir ar an mBíobla, bain triail as an modh seo a leanas:
Léigh na chéad chúpla alt den cheacht.
Léigh na scrioptúir, agus déan iarracht tuiscint a fháil ar an mbaint atá acu leis an ábhar.
Marcáil na focail nó na frásaí a fhreagraíonn gach ceist; cabhróidh sé seo leat an ceacht a phlé le do mhúinteoir.
An raibh a fhios agat?
D’úsáid Finnéithe Iehova go leor aistriúcháin éagsúla den Bhíobla. Mar sin féin, tá an New World Translation of the Holy Scriptures an-ghar dár gcroí de bhrí go bhfuil sé cruinn, soiléir, agus go n-úsáideann sé ainm Dé.—Féach an t-alt Gréasáin “Do Jehovah’s Witnesses Have Their Own Bible?”
DEIR DAOINE ÁIRITHE: “Tá an iomarca oibre ag baint le staidéar a dhéanamh ar an mBíobla. Níl an t-am ná an fuinneamh agam.”
Céard a cheapann tusa?
ACHOIMRE
Chun an leas is fearr a bhaint as an mBíobla, socraigh am lena léamh, iarr cúnamh ar Iehova lena thuiscint, agus ullmhaigh do do sheisiúin staidéir ar an mBíobla.
Súil Siar
Céard a chabhróidh leat an leas is fearr a bhaint as an mBíobla?
Cén uair a bheidh deis agat am a chur ar leataobh chun an Bíobla a léamh agus staidéar a dhéanamh air?
Cén fáth gur fiú ullmhú do do sheisiúin staidéir ar an mBíobla?
FIOSRAIGH
Déan athbhreithniú ar roinnt rudaí a chabhróidh leat níos mó a fháil as do léitheoireacht Bíobla.
“How to Get More From Reading the Bible” (The Watchtower Uimh. 1 2017)
Faigh amach faoi thrí bhealach ar féidir leat an Bíobla a léamh.
“How Can the Bible Help Me?—Part 1: Exploring Your Bible” (Alt ar líne)
Faigh amach faoin mbealach le taitneamh a bhaint as léamh an Bhíobla.
“How Can the Bible Help Me?—Part 2: Make Bible Reading Enjoyable” (Alt ar líne)
Faigh roinnt leideanna faoi staidéar an Bhíobla ó dhaoine atá á léamh le blianta fada.