Céard a Tharlaíonn Nuair a Fhaigheann Muid Bás?

An bhfuair duine a raibh cion agat air bás? Ag amanna crua mar sin b’fhéidir go bhfiafrófá duit féin: ‘Céard a tharlaíonn nuair a fhaigheann muid bás? An bhfeicfidh muid ár mairbh arís?’ Sa gceacht seo agus sa gcéad cheacht eile, déan machnamh ar fhreagraí sásúla an Bhíobla.

1. Céard a tharlaíonn nuair a fhaigheann muid bás?

Chuir Íosa an bás i gcomparáid le codladh trom. Nuair atá duine ina chodladh níl a fhios aige céard atá ag tarlú. Cén chaoi a bhfuil an bás cosúil le codladh? Níl pian ná tinneas ar an té atá básaithe. Níl aon uaigneas air, is cuma cé chomh mór lena chlann is a bhí sé. Deir an Bíobla “níl eolas dá laghad ag na mairbh.”​​—Léigh Cóheilit 9:5

2. Cén tairbhe atá i bhfios na fírinne faoin mbás a bheith ar eolas againn?

Tá faitíos ag go leor daoine roimh an mbás agus roimh na mairbh. Ach is ábhar sóláis dúinn an méid atá ráite sa mBíobla faoin mbás. Dúirt Íosa: “saorfaidh an fhírinne sibh.” (Eoin 8:32) Múineann formhór na reiligiúin go bhfuil rud éigin istigh sa duine a leanann air ag maireachtáil tar éis a bháis. Ach ní shin é a mhúineann an Bíobla. Níl na mairbh ag fulaingt. De bhrí go bhfuil na mairbh gan aithne gan urlabhra ní féidir leo dochar a dhéanamh dúinn. Mar sin, ní gá na mairbh a adhradh, ná a bheith ag rá paidreacha ar a son.

Ceapann daoine airithe gur féidir teagmháil a dhéanamh leis na mairbh. Ach tá sé seo dodhéanta mar “níl eolas dá laghad ag na mairbh.” Iad siúd a cheapann go bhfuil siad i dteagmháil leis na mairbh, d’fhéadfadh sé gur i dteagmháil leis na deamhain atá siad. Mar bíonn na deamhain ag cur i gcéill gurb iad spioraid na marbh iad. Saorann an fhírinne muid ó smacht na ndeamhan. Tugann Iehova foláireamh dúinn gan iarracht a dhéanamh teagmháil leis na mairbh mar tá a fhios aige go ndéanann na deamhain dochar dúinn.—Léigh Deotranaimí 18:10-12.

3. Foghlaim faoi riocht na mairbh

Tá tuairimí éagsúla ag daoine ar fud an domhain faoi céard a tharlaíonn nuair a fhaigheann muid bás. Ach ní féidir leo sin ar fad a bheith fíor.

• Céard a chreideann daoine i do cheantar faoi riocht na mairbh?

FÍSEÁN: Cén Riocht a Bhfuil na Mairbh Ann?—Blaisín (1:19)

Léigh Cóheilit 3:20, ansin plé na ceisteanna a leanann:

• De réir an véarsa sin, céard a tharlaíonn nuair a fhaigheann duine bás?

• An maireann aon pháirt den duine tar éis a bháis?

Cuireann an Bíobla síos ar bhás Lazaras, cara Íosa. Agus tú ag léamh Eoin 11:11-14, tabhair faoi deara an chaoi ar thagair Íosa don riocht a bhí Lazaras ann. Ansin plé na ceisteanna seo:

• Céard ar chuir Íosa an bás i gcomparáid leis?

• Céard a insíonn sé seo dúinn faoi riocht na mairbh?

• Cén chaoi a mothaíonn tú faoin méid a deir an Bíobla faoin mbás?

4. Téann an fhírinne faoin mbás chun tairbhe dúinn

Níl faitíos orainn roimh na mairbh mar saothraíonn an fhírinne faoin mbás muid. Léigh Cóheilit 9:10, ansin plé an cheist seo:

• An féidir leis na mairbh dochar a dhéanamh dúinn?

Nuair atá fios againn faoi riocht na mairbh, beidh a fhios againn nach gcaithfidh muid na mairbh a adhradh nó a shásamh. Léigh Íseáia 8:19 agus Apacailipsis 4:11, ansin plé an cheist seo:

• Cén chaoi a mothaíonn Iehova faoi dhuine a adhrann nó a lorgaíonn cabhair ó dhuine a fuair bás?

5. Tugann an fhírinne faoin mbás sólás dúinn

Múintear do dhaoine go mbeidh siad ag fulaingt mar gheall ar rud éigin a rinne siad nuair a bhí siad beo. Ach is ábhar sóláis é nach mbeidh an duine ag fulaingt tar éis a mbáis, fiú amháin iad seo a rinne an t-olc. Léigh Rómhánaigh 6:7, ansin plé an cheist seo:

• Deir an Bíobla go bhfuil a gcuid peacaí maite do na mairbh, mar sin an gceapann tú go bhfuil na mairbh ag fulaingt de bhrí gur pheaca siad?

Dá mhéad aithne a chuireann muid ar Iehova, is ea is mó a thuigeann muid nach gceadódh sé fulaingt na mairbh. Léigh Deotranaimí 32:4 agus 1 Eoin 4:8, ansin plé na ceisteanna seo:

• An gceadódh an Dia grámhar atá luaite sna véarsaí seo fulaingt na mairbh?

• An dtugann an fhírinne faoi na mairbh sólás duit? Cén fáth?

ACHOIMRE

Nuair a fhaigheann duine bás, tagann deireadh lena bheatha. Níl na mairbh ag fulaingt, agus ní féidir leo aon dochar a dhéanamh do na beo.

Súil Siar

• Céard a tharlaíonn nuair a fhaigheann muid bás?

• Cén chaoi a dtéann an fhírinne faoin mbás chun tairbhe dúinn?

• Cén chaoi a dtugann an fhírinne faoin mbás sólás dúinn?

FIOSRAIGH

Féach ar shainmhíniú an fhocail “anam” sa mBíobla.

“Céard é an tAnam?” (Alt ar líne)

An úsáideann Dia ifreann chun drochdhaoine a chrá?

Is Hell a Real Place of Torment? (3:07)

An gá dúinn faitíos a bheith orainn roimh na mairbh?

Spirits of the Dead—Can They Help You or Harm You? Do They Really Exist? (bróisiúr)

Faigh amach faoin sólás a fuair fear amháin nuair a fuair sé amach faoi riocht na mairbh.

“I Was Impressed by the Bible’s Clear, Logical Answers” (The Watchtower, 1 Feabhra, 2015)