Cén Chaoi Ar Féidir Leat Iehova a Shásamh Le Do Chumas Labhartha?

Nuair a chruthaigh Iehova muid, thug sé bronntanas iontach dúinn​—cumas labhartha. An bhfuil spéis aige sa gcaoi a n-úsáideann muid an bronntanas seo? Cinnte tá! (Léigh Séamas 1:​26.) Mar sin, cén chaoi ar féidir linn ár gcumas labhartha a úsáid ar bhealach a shásóidh Iehova?

1. Cén chaoi ar cheart dúinn ár gcumas labhartha a úsáid?

Deir an Bíobla linn a bheith “ag spreagadh a chéile agus ag treisiú le chéile.” (1 Teasalónaigh 5:​11) An féidir leat smaoineamh ar aon duine a bhfuil spreagadh ag teastáil uathu? Céard is féidir leat a dhéanamh chun cabhrú leo? Cuir in iúl dóibh gur mór agat iad. B’fhéidir go bhféadfá a gcuid tréithe maithe a chur ar a súile dóibh. An féidir leat smaoineamh ar scrioptúir a thabharfadh misneach do dhuine a bhfuil aithne agat air? Tá go leor scrioptúir ann ar féidir linn a úsáid. Cuimhnigh freisin gur féidir leis an mbealach a ndeir tú rud éigin, daoine eile a spreagadh chomh héifeachtach leis na focail a úsáideann tú. Mar sin déan iarracht labhairt go cineálta agus go séimh.​—Seanfhocail 15:1.

2. Cén sórt cainte ar cheart dúinn a sheachaint?

Deir an Bíobla: “Ná tagadh oiread agus drochfhocal amháin as bhur mbéal.” (Léigh Eifisigh 4:​29.) Ciallaíonn sé sin nach mbeadh drochbhéal orainn agus nach mbeadh muid ag rá rudaí cruálach nó maslach chun mothúcháin dhuine eile a ghortú. Caithfidh muid cúlchaint mhailíseach agus clúmhilleadh a sheachaint chomh maith.​—Léigh Seanfhocail 16:28.

3. Céard a chabhróidh linn labhairt ar bhealach spreagúil?

Is minic a léiríonn ár gcaint gach atá inár gcroí nó ag luí ar ár n-intinn. (Lúcás 6:​45) Mar sin caithfidh muid muid féin a oiliúint chun díriú ar rudaí atá dearfach—rudaí atá fíor, uasal, cóir, naofa, agus measúil. (Filipigh 4:8) Chun díriú ar na rudaí seo, caithfidh muid ár gcaitheamh aimsire agus ár gcairde a roghnú go ciallmhar. (Seanfhocail 13:20) Cabhróidh sé linn freisin má chuimhníonn muid orainn féin sula labhraíonn muid. Smaoinigh ar an tionchar a bheidh ag gach a ndeir tú ar dhaoine eile. Deir an Bíobla: “Tá duine ann ar geall le sá claímh a mhearbhriathra; ach bíonn cneasú á iompar ag teanga an eagnaí.”​—Seanfhocail 12:18.

DÉAN TAIGHDE

4. Coinnigh smacht ar do theanga

Deir muid go léir rudaí a mbíonn aiféala orainn fúthu níos déanaí. (Séamas 3:2) Léigh Galataigh 5:​22, 23, ansin plé na ceisteanna seo:

• Cé acu de na tréithe seo a nguíonn tú ar a son chun cabhrú leat srian a choinneáil ar do theanga? Cén chaoi a gcabhraíonn na tréithe seo leat?

Léigh 1 Corantaigh 15:​33, ansin plé an cheist seo:

• Cén tionchar a d’fhéadfadh a bheith ag do chuid cairde agus do chuid siamsaíochta ar an gcaoi a labhraíonn tú?

Léigh Cóheilit 3:​1, 7, ansin plé an cheist seo:

• Cén uair ar chóir fanacht i do thost nó fanacht go mbeadh sé níos oiriúnaí le labhairt?

5. Labhair go maith faoi dhaoine

FÍSEÁN: Speak “What Is Good for Building Up” Others (4:​07)

• Sa bhfíseán, cén fáth a raibh an deartháir seo ag iarraidh an bealach ar labhair sé faoi dhaoine a athrú?

• Céard a d’athraigh sé?

Léigh Cóheilit 7:​16, ansin plé an cheist seo:

• Céard ar chóir dúinn cuimhneamh air sula labhraíonn muid go diúltach faoi dhuine?

Léigh Cóheilit 7:​21, 22, ansin plé an cheist seo:

• Cén chaoi ar féidir leis na véarsaí seo cabhrú leat ionas nach mbeadh tú curtha amach nuair a labhraíonn duine go diúltach fút?

6. Bí cineálta nuair a labhraíonn tú le do theaghlach

FÍSEÁN: Love and Respect Unite Families (3:​08)

• Céard a chabhróidh leat labhairt go cineálta le do theaghlach?

Léigh Eifisigh 4:​31, 32, ansin plé an cheist seo:

• Cén sórt cainte a spreagann teaghlach?

Léirigh Iehova an chaoi ar mhothaigh sé faoina mhac, Íosa. Léigh Matha 17:​5, ansin plé an cheist seo:

• Cén chaoi a ndéanfá aithris ar Iehova agus tú ag comhrá le do theaghlach?

ACHOIMRE

Tá cumhacht ag baint le focail. Caithfidh muid cuimhniú go cúramach orainn féin sula labhraíonn muid.

Súil Siar

• Céard iad na bealaí éagsúla ar féidir leat do chumas labhartha a úsáid chun cabhrú le daoine?

• Cén sórt cainte ar chóir duit a sheachaint?

• Céard a chabhróidh linn a bheith cineálta agus spreagúil inár gcuid cainte?

FIOSRAIGH

Céard a chabhróidh linn le labhairt go spreagúil le daoine?

Develop the Tongue of the Wise Ones (8:​04)

Foghlaim le droch-chaint a sheachaint.

“Is Cursing Really That Bad?” (Alt ar líne)

An bealach le cúlchaint a sheachaint.

Cén Chaoi a Stopfaidh Mé An Chúlchaint? (2:​36)

Féach mar a chabhraigh Iehova le fear a bhí ag iarraidh stopadh ag eascaine.

“I Began to Think Seriously About Where My Life Was Headed” (The Watchtower, 1 Lúnasa, 2013)