An Bhfuil Deamhain Ann?

Freagraíonn an Bíobla

Tá, is aingil iad na deamhain neacha spioraid ‘a rinne peaca’ agus d’éirigh amach in aghaidh Dé. (2 Peadar 2:4) Ba é Sátan an Diabhal ar a dtugann an Bíobla “prionsa na ndeamhan” an chéad aingeal a d’iompaigh ina dheamhan.—Matha 12:24, 26.

An t-éirí amach in aimsir Naoi

Cuireann an Bíobla síos ar aingil a d’éirigh amach in aghaidh Dé roimh an Díle Mhór in aimsir Naoi: “Chonaic mic Dé gur sciamhach iad iníonacha na ndaoine agus thógadar chucu a rogha díobh mar mhná.” (Geineasas 6:2) D’fhág na drochaingil sin “a láthair lonnaithe féin” sna flaithis chun cruth daonna a glacadh chucu féin agus caidreamh collaí a bheith acu le mná.—Iúd 6.

Nuair a tháinig an Díle, d’fhág na drochaingil sin a gcolainneacha daonna agus d’fhill siad ar na flaithis. Mar sin féin, dhíbir Dia iad as a theaghlach. Mar chuid dá bpionós, tá cosc curtha ar na deamhain cruth daonna a glacadh chucu féin choíche arís.—Eifisigh 6:11, 12.