STAIDÉAR 10

Modhnú

Seanfhocail 8:4, 7

ACHOIMRE: Cuir smaointe in iúl go soiléir agus spreag mothúchán trí airde, tuinairde agus trí luas do ghutha a athrú.

Bíodh éagsúlacht in airde do ghutha. Ardaigh do ghlór chun aird a tharraingt ar na príomhphointí agus chun d’éisteoirí a spreagadh. Déan an rud céanna nuair a bhíonn breithiúnas scrioptúrtha á léamh agat. Ísligh do ghlór chun bís a spreagadh nó nuair atá eagla nó imní á chur in iúl agat.

Ná hardaigh do ghlór chomh minic sin go mbraitheann do chuid éisteoirí go bhfuil tú ag tabhairt amach dóibh. Ná tarraing aird ort féin trína bheith ró-dhrámata.
Bíodh éagsúlacht i dtuinairde do ghutha. Más cuí i do theanga, ardaigh tuinairde do ghutha chun díograis a léiriú nó chun méid nó fad a léiriú. Ísligh tuinairde do ghutha chun brón nó imní a chur in iúl.
Bíodh éagsúlacht i luas do chuid cainte. Labhair níos tapúla chun sceitimíní a chur in iúl. Labhair níos moille agus pointí tábhachtacha á lua agat.

Ná hathraigh luas do chuid cainte go tobann ar fhaitíos go mbainfeá geit as d’éisteoirí. Ná labhair chomh tapa sin is go bhfuil do chuid foghraíochta síos leis.